امتي بتتخنق من عربيتك

**onz** · 10-09-2010 10:20 PM

المشاركة الأصلية كتبت بواسطة ahmedyehia515

بتخنق من العربية لما تكون طول السنة سليمة و تييجى يوم الامتحان او المره اللى حد راكب معايا و تبتدى تعمل حركات العيال.

يعنى مثلاً العربيى طوول السنة زى الفل اليوم الوحيد اللى البطارية فيوز الباور و التكييف ضرب فيه كات و انا رايح اناقش مشروه التخروج و لابس البدلة اللى حيلتى و طبعاً من غير باور قلبت أوتوبيس نقل عام و الحر كان خزعبلى و النتيجة انى كنت رايح اكنى جاى الجامعة جرى

نفس الموضوع حصل معايا بالعربية القديمة (كرولا )
بس العربية سقطت فتيس و عفشة و كملت معاهم عملت حادثة الفانوس الادام اكسر
الكلام ده في اول الامتحانات
و

حلفت لاكمل الامتحانات مواصلات

**thegoodhacker** · 11-09-2010 12:35 AM

بتخنق منها لما تكون مشاوير صيانتها اكتر من المشاوير الخاصة اللي باعملها بالعربية
وبتخنق منها كمان لما ااجي اجدد رخصتها في المرور و اضطر ااخد اجازة من شغلي 3 و 4 ايام علشان بس اجدد الرخصة ...

**ICE_MAN** · 11-09-2010 02:48 AM

اغلس حاجة لما انزل الصبج و انا رايح الشغل الاقى العجلة نايمة

**Mody_Benz** · 11-09-2010 05:54 AM

بصراحة مش بكرهها فى اى موقف بتعمله

بس شدة الاعصاب ووقفة الواحد لوحده فى نص الطريق مثلا لو دائرى او محور وتعمل حركة مش كويسة

زى الكوتش نام او تطلع صوت غريب واقعد اقول خير يارب مش حاجة كبيرة

وساعتها ميكونش معايا رصيد اتصل بحد حصلت معايا قبل كدة كان يوم منيل :d