الحمد لله انهيت اليوم اجراءات ترخيص سيارتي النيسان صني و استلمت النمر, بس للأسف سلموني نمر قديمة و لونها أسود. يا ريت يا جماعة تقولولي علي حد في الهرم أو فيصل أروح اركبها عنده و يدهنهالي أبيض عشان ماخدش مخالفة
عرض للطباعة
الحمد لله انهيت اليوم اجراءات ترخيص سيارتي النيسان صني و استلمت النمر, بس للأسف سلموني نمر قديمة و لونها أسود. يا ريت يا جماعة تقولولي علي حد في الهرم أو فيصل أروح اركبها عنده و يدهنهالي أبيض عشان ماخدش مخالفة
مش انت استلمتها منهم سودا سيبها زى ماهى بدل ميتعملك مخالفه دة راى الشخصى انا مستلمها سوداء برضه
وعموما ستنى راى حد يفيدك اكتر
اى خطاط جنب بيتكو هيعملهلك و اديلو 10 جنيه
مع احترامى لكلام الجميع انت خلى النمر زى مانتا مستلمها لانها مش مخالفه
طالما سلموهالك سوده يبقى خلاص لانها لو مخالفه كانو هما غيروها من نفسهم
انا صحابى كتير كانو بيدفعو فلوس علشان النمر السودا دى
:confused::confused:منا ماشى بيها سوداء يارجاله هتقلقونى ليه
النمر السوداء بقصد ( واحد ملونها ) = ناس تافهة محدثة !
مع احترامي للجميع !
انا عن نفسي باحب امشي مظبوط حتي لو ما حدش ح يسألني .. علشان ما بحبش حد تفتح بقه باي حاجة وكمان مش باحب الجمايل خاصة مع بتوع الشرطة والمرور
الصح ان اللوحة تكون بيضاء والكتابة عليها بالاسود
طيب انا سودا والكتابه بالابيض ومش انا اللى ملونها انا جايبها من المرور كدة واللى مديهالى ظابط صاحبى كان هو اللى بيرخصها معايا
دلوقتى اغيرها بابيض ولا كدة هيبقى مخالف
الموضوع دة بيعمله بعض الظباط واعضاء النيابة اللي بيبقي عندهم شعور بالنقص وعاوزين يحسوا انهم مميزين عن باقي خلق الله
والمرور طبعا مالوش دعوة مين اللي ملونها انت والا اللي قبلك وحتي لو اللي قبلك مسلمها للمرور ملونة اسود طبعا مش ح يدهنوها تاني ... علشان هما مش فاضيين للكلام ده وعندهم حاجات اهم يعملوها زي استقطاع الناس اللي ماشيه عشان يطلعلهم اي سبوبة او العمل كمنادي سيارات في الاماكن الزحمة في وسط البلد او التلكيك علي اي شيء عشان يعملك مخالفة وبعدين تديله 10 جنية ويشيلهالك وانت في البلد بقى وعارف باقي المنظومة .. رايي ادهنها ابيض والكتابة اسود عند اي خطاط وريح دماغك من المواويل اللي مالهاش لازمة