عرض للطباعة
السلام عليكم ورحمة الله و بركاته
انا كنت محتاج من رجاله المنتدى انهم يعملوا مقارنة بين اليارس و الجين 2 فى كل حاجة و حتى فى اسعار القطع الغيار و ايه نصيحتكم ليه انا عارف انو طلب تقيل بس هعمل ايه دا تقريبا احسن منتدى للسيارات تقريبا شوفتو لان فعلن كل الى فيه رجاله و محترمين جدا و انا اتعرفت على ناس فيه و فعلن محترمين و الى الامام داذما
بص يا باشا الجين 2 شبابية درجة اولى الياريس ما بين الشبابية و العائلية
المحرك : جين 2 لأنة 1600 اما الياريس 1300 سى سى
الثبات : الجين 2 احسن فى الثبات بفرق ملحوظ و دة لأن لوتس متدخلة مع بروتون فى تصميم الشاسية و التعليق
السعر : الجين 2 ارخص تقريبا 84 للكاملة مانيوال
استهلاك البنزين : ياريس لأن الياريس 1300 سى سى
الوسع الداخلى و الشنطة : الياريس اوسع
الكماليات : جين 2 فيها كل حاجة تخطر على بالك ما عدا فتحة السقف :D :D :d
توافر قطع الغيار : الاتنين متوفرين فى التوكيل و لكن الجين 2 ليها قطع غيار خارج التوكيل اعتقد الياريس ملهاش و ممكن تسأل برضة
اسعار قطع الغيار : بصراحة معنديش فكرة ممكن حد تانى يفيدك فى الموضوع دة
الشكل الخارجى و دية ازواق : الجين 2
الخامات الداخلية الياريس احسن و دة لأن الجين 2 تعتبر رياضية بس خامات الجين 2 مش سيئة اوى لأ عادية و ممكن حضرتك تروح تتفرج عليها و تشوف اية رأيك
التوكيل : توكيل تويوتا ممتاز جدا و احسن من توكيل عز العرب
الأمان : الجين 2 فيها 2 ايرباج و فرامل ABS و EBD و الياريس فيها 2 ايرباج و مفيهاش ABS غير فى الأوتوماتيك
و فى النهاية انت الى تحدد انت عاوز اية عاوز عربية شبابية و جراية و ثبات يبقى الجين 2 لو عاوز عربية موفرة و مريحة اكتر و انعم يبقى الياريس
الف شكر ليك يا استاذ فهد بصراحة انا ميش عارف اقولك ايه و على فكرة انا من كلامك خليتنى فعلن اعشق الجين 2 بس انا كنت حابب اقفل كل المجالات ادامى بمعنى انى ميش بعد ماربنا باذن الله يوفق فى الجين 2 اندم او احس بمجرد فرق بسيط و الى لاحظتو من خلال المنتدى ان اليارس بتتقارن بالجين 2 عشان قريبين فى السعر و بصراحة انا نزلت و شوفتها مرتين و هى فعلن جامدة بس زى ماقولت اخاف انى اندم او حاجة تانية تعجبنى بس اكون سعتها اشتريت و كمان فى حاجة كونت عايز اخد رايك فيها انا لما نزلت لفرع لعز العرب قالولى ان 2008 نزلة فى شهر تلاتة الاتوماتيك الاول و على اخر الشهر المانيول و انا افضل المانيول بس لما رحت لفرست كار قالولى ان عز العرب مجرد بيقول كلام لكن هوة ليسة مجالوش اى خبر عنها و محدش عارف هتنزل امتا بالظبط و كمان دا مربوط من بيع موديلات 2007 و كمان فرست كار قالى ان مافيش اى تغير فى العربية و انا ركزت على موضوع انها نزلة 127 او 125 حصان بدل 110 قالى انتا جايب الكلام دا منين و كمان بالعقل لو هما هغيرو الماتور عشان فرق الحصان يبقى ميش هتعلى الف او الفين دى هتعدى 8 الاف فرق بين موديل 2007 و 2008 و بصراحة تحس انو كلام منطقى فانتا ايه رايك فى الكلام دا و معليش على التطويل
بصراحة مش عارف حكاية المحرك ال CPS دة حينزلوة امتى بس بيقال لما تنزل البيرسونا والله اعلم و فعلا الجين 2 2008 نازلة فى شهر 3 انا رأى تستناها لأنها حتنزل بشكل معدل شوية بسيطة بس للأحسن و كمان الخامات الداخلية حتتحسن و حتبقى بنفس تابلوة البيرسونا و برضة انا مش متأكد 100 % انهم حينزلو الشكل الجديد بس لو نزلت الشكل الجديد يبقى اكيد حتنزل بالتابلوة الجديد اتمنى انك تكون شفت الموضوع الى انا عاملة عن الجين 2 الجديدة و على فكرة فية اخ معانا بعت لبروتون و سألهم امتى حينزل ال CPS فى مصر و قاولوة على موديلات 2009
بصراحة انا معنديش معلومة مؤكدة لأن كل شوية حد يقول حاجة بس الى اعرفة ان فية اخت معانا حاجزة الجين 2 2008 و حتستلم ان شاء الله 10/3
http://www.nilemotors.net/Nile/showthread.php?t=16200
و فعلا انا افضل المانيوال مش علشان الأوتوماتيك وحش لأ علشان تحس بمتعة قيادة السيارة + استهلاك بنزين اقل + استجابة اسرع
كل كلامك فى السليم و انا تقريبا شوفت معظم مشاركاتك و بصراحة الله ينور
عملت يا باشا موضوع فى منتدى بروتون عن صور جديدة للموديل 2008 الى نزل برة اتمنى تشوفة بصراحة تحفة تحفة تحفة تحفة :) و ابقى اكتبلى رأيك
اللينك اهه
http://www.nilemotors.net/Nile/showthread.php?t=17344
انا فاكر انك كنت نزلت صور على الشكل الجديد و انا شوفتو بس فعلن جامدة و الاجمد انتا لان بصراحة انا كنت لا افقه شىء عن العربية دى و تقريبا معظم معلوماتى منك و حبتها اكتر من بعد ماقريت عنها
اقتباس:
المشاركة الأصلية كتبت بواسطة shady_love
ربنا يخليك يا باشا انت الى جامد :)
بس المشكلة ان ممكن مش الشكل الداخلى دة الى ينزل مصر :(:(:(:(:( هية كلها اسبوع او اتنين و نشوف حتبقى عاملة ازاى :)
فعلن عندك حق الى انتظر الفترة دى كلها ميش هينتظر اسبوع و لا اتنين بس يارب الانتظار يجى بفيدة
و على فكرة بقى فية تحديث فى الكامبرو لمشكلة ال Drop فى التورك ما بين ال 3000 و ال 3500 Rpm و بقى تقريبا التورك كيرف مثل ال Cps لحاد ال 4000 Rpm و لكن بعد كدة ال Cps افضل
الف شكر ليك يااستاذ فهد على المعلومات المهمة و الف شكر على تعبك و وقتك