نفسي اقرب من ربنا بجد واكون متدين اكتر

**Mzeid** · 17-08-2010 07:25 PM

بجد و الله نفسي ابقى زيك
أنا فعلا إتولدت مسلم و الحمد لله بصلي و بصوم و مش بعمل حاجة غلط
بس نفسي أحس بالخشوع أكتر
و نفسي أحب ربنا و الرسول بجد مش مجرد كلام
للأسف بحاول أذكر الله بقلبي مش عارف

**ahmed elsherif** · 17-08-2010 08:35 PM

المشاركة الأصلية كتبت بواسطة mzeid

بجد و الله نفسي ابقى زيك
أنا فعلا إتولدت مسلم و الحمد لله بصلي و بصوم و مش بعمل حاجة غلط
بس نفسي أحس بالخشوع أكتر
و نفسي أحب ربنا و الرسول بجد مش مجرد كلام
للأسف بحاول أذكر الله بقلبي مش عارف

يارب نوصل كلنا اننا نكون مسلمين بجد يا محمد ربنا يهدينا الي الخير

**ahmedabutaleb** · 17-08-2010 09:06 PM

انصحك بالقران
وخصوصا اننا فى شهر القران
القران بيجلى القلب
والشيخ كشك كان بيقول جملة جميلة اوى
من اراد ان يكلم ربه فعلية بالصلاة ومن اراد ان يكلمه ربه فعلية بالقران
إن القلوب تصدأ كما يصدأ الحديد ، و جلاؤها بتلاوة القرآن

**kono** · 18-08-2010 12:22 AM

[quote=
واعلم ان الموضوع مش بإيدك ولكن بيد الله يهدي من يشاء
يعني تطيع الله في اوامر وتنتهي عن نواهيه وان شاء الله يهديك الى طريقه
[/quote]

فى سؤال ملح جدا لحضرتك
بسم الله الحمن الرحيم " انك لا تهدى من احببت ولكن الله يهدى من يشاء "
الله يهدى من يشاء ان يهتدى
لان لو معنى الاية ان الله يهدى من يشاء ان يهديه
يبقى ربنا هيحاسبنا ليه ؟؟؟
طالما الله اللى بيحدد مين يهتدى ومين لأ ؟

أرجو انك تاخد كلامى بصدر رحب
بس ده اللى انا فهمته من الاية الكريمة

**kono** · 18-08-2010 12:29 AM

المشاركة الأصلية كتبت بواسطة a1_elsherif

بسم الله الرحمن الرحيم

في البدايه انا الحمد لله بصلي وبصوم بس نفسي اغير حياتي واكون متدين اكتر واقرب من ربنا اكتر..نفسي التزم واعرف اكتر عن الاسلام انا حاسس اني جاهل بجد ...احنا مسلمين اسم بس اتولدنا لقينا نفسنا مسلمين اه بنصلي الحمد لله بس مش بنحس بخشوع في الصلاه بنتحرك مليون حركه ونهرش ونسرح وكل حاجه... احنا بعيد اوي عن ربنا عشان كده ربنا مش بيباركلنا في حجات كتير ...ياريت تساعدوني ونساعد بعض كلنا اننا نقرا كتير عن دينا ونعرف ازاي نوصل لمرحلة الخشوع في الصلاه ياريت اي حد يعرف يساعدنا في كتب علي النت نقدر بيها نعرف دينا اكتر ونستفاد كلنا من الموضوع ده ان شاء الله

بجد انا أحييك على شجعاتك احنا للأسف 90% منا اذا مكنش اكتر زى حضرتك بالظبط
وانا اولهم
بس كويس انك تخدت قرار التغير وربنا يعينك عليه ويهديك ويهدينا ويهدى جميع الناس
احنا فعلا مسلمين عشان اتولدنا لاقينا نفسنا كده
محدش فينا بيفكر يشغل عقله
عشان كده دايما لما حد يشهر اسلامه
بيكون اكثر اسلاما منا

**محمد محمد** · 18-08-2010 12:47 AM

اهم حاجة يكون عندك اخلاص وتسأل نفسك....انا عايز ابقي ملتزم ومتدين ليه؟ ثاني حاجة يكون عندك صبر علي الطريق اللى انت هتمشي فيه لأنك هتلاقي عقبات وابتلاءات من ربنا ليك يختبر فيها صبرك وقوة ايمانك. اخر حاجة الصحبة الصالحة بتفرق كتييييييييير جدا وهتعينك علي اشياء كتيرة.