اقتباس:
المشاركة الأصلية كتبت بواسطة medo_2060
طيب يا جماعه معلش هخرج عن الموضوع عشان عندى استفسار فى النقطه دى
طالما الشاشات دى lcd وممكن تشتغل على ريسيفر ليه الناس ما بتشتريهاش بدل التليفزيونات lcd العاديه وخصوصا فى فرق سعر كبير اوى
عشان للأسف الشاشات دي كلها أكبر مقاس فيها بيكون غالبا 25 بوصة فقط ... وطالما هاتجيب تلفزيون الـ سي دي يبقى تجيبه كبير شوية بقى يعني على الأقل 32 بوصة عشان وضوح الصورة لأن غالبا القعدة بتكون بعيدة عن التلفزيون بكتير غير شاشة الكمبيوتر اللى الواحد بيكون لازق فيها تقريبا
الفرق الوحيد اللى بين الشاشات دي والتلفزيونات هوة الحجم والتيونر الداخلي اللى في التلفزيون عشان إستقبال القنوات الأرضية ... اللى أساسا الواحد بطل يتفرج عليها خلاص ... يبقى الفرق هو الحجم بالنسبة لنا
بس من ناحية سعرها وجودتها هما مثاليين شوية بالنسبة للشاشات الكبيرة للى عايز شاشة حجمها متوسط مش كبير قوي وكمان مش فارق معاه القنوات الأرضية وهايشتغل على الريسيفر فقط
مع ملاحظة غاية في الأهمية .. عن قريب إن شاء الله هاتكون القنوات الأرضية نفسها البث بتاعها رقمي وليس موجي وسيتم إستقبالها بجهاز ريسيفر مخصص لهذا الغرض ... يعني التيونر الداخلى في التلفزيون لن يكون له أي حاجة نهائيا .. وأعتقد ده هايكون على 2015 تقريبا والله أعلم