الموضوع: محتار فى صيانه تكييف السياره

المشاركة الأصلية كتبت بواسطة احمد المصرى

السلام عليكم


انا عندى التكييف كويس بس مش 100 100 يعنى معقول جدا فى الحر بس اقل من زمان انا جايب العربيه من 4 سنوات وكان كويس وكنت بشغله حتى فى الشتاء علشان احافظ على التكييف بس مش بعمل اكتر من كدا


رحت لواحد بتاع تكييف بجوار البيت قلتله عايز انظف التكييف قالى اللانوس ملهاش فلتر تككيف قلتله اه انا عارف بس حسب كلام الاعضاء ان فى حاجه تحت الطابلوه لازم تتنظف كل فتره لانها بتلم تراب وورق شجر وحجات كدا دى اعملها اذاى


لان الراجل قالى [gdwl]ممكن نفك الثلاجه[/gdwl] ننظفها حسيت انه هيلعب فى العربيه ومش محتاج افك ثلاجات ولا حاجه



[gdwl]ثانيا :- هل نظافه فلتر الهواء بتاثر على التكييف يعنى هوار التكييف هل بيجى من فلتر الهوار مثلا[/gdwl][gdwl]ثالثا :- اسمع ناس كتير تقولك نظف السربنتينه كل فتره ال فى وش العربيه بالهواء والماء ايه علاقتها بالتكييف اساسا
[/gdwl]

وشكرا

اولاً الثلاجة هي ما يسمي علمياً بالمبخر وهي موجودة اسفل التابلوه فعلاً ويمر من خلالها هواء مروحة التكيف وهو ما يسمي بلاور التكيف وكلهم ستجدهم خلف الدرج الموجود في تابلوه السيارة وهناك طريقتين لتنظيفاها واحدة بنسبة 100% والثانية بنسبة 50% الاولي وهي فك التابلوه بالكامل وفك المبخر وتنظيفه في خارج السيارة ويستلزم اعادة شحن للتكيف ومطراوي بتاع التكيف الي في شارع دمشق بيكلفها حوالي 350 جم الطريقة الثانية فك الغطاء الموجود حول المبخر وترك المبخر في مكانه وتنظيفه بخرطوم الهواء في محطة البنزين واعادة التركيب وبيعملها محمد السيد الكهربائي


ثانياً فلتر هواء السيارة ليس له علاقة بالهواء الداخل للتكيف نهائياً

ثالثاً السربنتينة الموجودة في مقدمة السيارة هي لتبريد الفريون قبل دخوله الي المبخر واسمها العلمي المكثف ويجب تنظيفها للسماح للهواء بالمرور من خلالها بسلاسة لان ذلك يساعد علي تبريد الفريون وايضاً يساعدة علي سلاسة مرور الهواء الي ردياتير السيارة مما يؤدي الي تبريد محرك السيارة ايضاً


وان كان خطاْ فمن نفسي والشيطان وان كان صواب فمن الله