الموضوع: صور مسند اليد أخيرا

المشاركة الأصلية كتبت بواسطة joso

انا سف للمداخله البايخه دي بس احنا جبنا مسند زي بتاع حضرتك تمام بس الشاسيه بتاعه فبر مش حديد بس تقفيله ممتاز واللون اللي موجود اسود بس جامد مع فرش العربية من جوه وفي رمادي مش فضي بس نفس المسند في كل حاجه وسعره 85 جم بدون فصال .

انا اسف مرة تانيه بس جبيت اقول للناس اللي عاجبها المسند لانه جميل وانا شفته بالصدفه كنا بنشتري فرش مع اخ عزيز ولوجوناوي حديث

تقبل مروري ولك تحياتي ورمضان كريم

ولا مداخله بايخه و لا حاجه يا عم خالد ...بالعكس أكيد حاجه كويسه إن إكسسوارات اللوجان موجوده خارج التوكيل و بأسعار حلوه. لكن ما تنساش إن في أول الموضوع بتاع صيانة ال 20000 قلت إن أنا عندي مرض الأصلي والمسند ده كان لاعب في دماغي بصراحه من صيانة ال 5000 ومسكت نفسي كتير ...بس ما قدرتش الحقيقه وربنا يوفق الجميع و أهم حاجه عندي إن المسند عجبكوا. و رمضان كريم عليكم جميعا.



والمرة الجاية هحط اسم المحل والنمرة بس بصراحة مستني لما اجيبه الاول علشان عارف انكم هتدمرو المحل وكمان مش هحط النمرة الا للي يجي تجمع اللوجانوية وشكرا للفكرة دي

المشاركة الأصلية كتبت بواسطة mo7a_mo7a

اكيد في فرق كبير فيالخامات والامكانيات

أنا موافق حضرتك.

المشاركة الأصلية كتبت بواسطة mo7a_mo7a

في المقابلة ان شاء الله قارنوا بين الاتنين وبلغونا بالنتيجة

أكيد حيحصل في أقرب فرصه إن شاء الله.

المشاركة الأصلية كتبت بواسطة magd_helm

شكله رائع مبروك عليك

الله يبارك في حضرتك و متشكر جدا.

المشاركة الأصلية كتبت بواسطة gazzar91

بصراحة كانت من الحاجات اللي ممكن تقل من راحة اللي سايق هي عدم وجود المخدع ده بالذات إنها مانيوال " كلام مضبوط 100 %" و بعد ما ركبته فعلا الدنيا إختلفت تماما.

بجد ماشاء الله جميل جداً و شكله كأنه stock

ده من ذوقك يا فندم وربنا يبارك في حضرتك.

بس ايه أخبار الهاند بريك؟؟؟ " ما هي دي الميزه بتاعته ...ما بيضايقش إستخدام أي حاجه "الهاند بريك و أزرار الزجاج الخلفي و زر المرايات".

ألف مبروك عليك

في رعاية الله

بعد اذنك انا كان ليا استفسار بسيط وهو الوقت اللي خده عشان يتركب اد ايه ؟!؟!
وهل عذان اركبه اروح لتوكيل العبور اقولهم عليه عادي ولا فيه حاجة تانية ؟؟.

شكرا....

المشاركة الأصلية كتبت بواسطة mindvision

بعد اذنك انا كان ليا استفسار بسيط وهو الوقت اللي خده عشان يتركب اد ايه ؟!؟!
وهل عذان اركبه اروح لتوكيل العبور اقولهم عليه عادي ولا فيه حاجة تانية ؟؟.

شكرا....

الحقيقه أنا إللي ركبته بنفسي علشان كده آخد مني و قت شويه "حوالي ساعتين" لكن لو فني مدرب حياخد بالكتير 4/3 ساعه. و هو موجود فعلا في توكيل العبور و التركيب عندهم كمان و مفيش أي شىء تاني. و تقبل تحياتي.

المشاركة الأصلية كتبت بواسطة tamer61

الحقيقه أنا إللي ركبته بنفسي علشان كده آخد مني و قت شويه "حوالي ساعتين" لكن لو فني مدرب حياخد بالكتير 4/3 ساعه. و هو موجود فعلا في توكيل العبور و التركيب عندهم كمان و مفيش أي شىء تاني. و تقبل تحياتي.

ازاي ركبته بنفسك ؟!؟
هو تركيبه سهل اوي كده ؟!!؟
ازاي ثبتته ؟!؟!؟

ارجو من سيادتكم ارسال رقم تليفون و عنوان المحل الي اشتريت منه المسند

المشاركة الأصلية كتبت بواسطة mindvision

ازاي ركبته بنفسك ؟!؟
هو تركيبه سهل اوي كده ؟!!؟
ازاي ثبتته ؟!؟!؟

الحقيقه المسند جاي معاه ورقتين متوضح فيهم إزاي تركبه بالصور و العده المطلوبه كمان كل إللي غلبني بصراحه هو تركيب الشاسيه الحديد بتاعه لأنك لازم تفك الكونسول علشان مكان تثبيت الشاسيه موجود تحته و بالتحديد أسفل أزرار الزجاج الخلفي تماما. عموما أنا ركبته بنفسي لأن الفني ما كانش موجود يوم ما إشتريته من التوكيل فكبرت في دماغي و فضلت و راه لحد ما ركبته. و لو عايز أي مساعده أنا تحت أمرك في أي وقت.

المشاركة الأصلية كتبت بواسطة nourhasan2002

ارجو من سيادتكم ارسال رقم تليفون و عنوان المحل الي اشتريت منه المسند

أنا إشتريته من توكيل رينو العبور.