الموضوع: عرق غزير بدون سبب

المشاركة الأصلية كتبت بواسطة hm414

عزيزي

الجو الرطب جديد علينا بالشكل اللي احنا فيه

مكنش بيجيلنا رطوبه بالشكل الموجود حاليا
الرطوبه في اغلب الصيف ده بتعدي ال 70%
والرطوبه بتخلي الانسان يعرق جدا جدا
واقولك ان ده طبيعي جدا

لو قلقان ممكن بس تجاوب على كم سؤال:

شهيتك فيها حاجه ولا زي مهيا؟
هل فيه وقت معين بتعرق فيه اكتر من التاني؟
جربت تقيس حرارتك بالترمومتر ؟

ومتقلقش ان شاء الله مفيش حاجه


تحياتي

بالنسبه لموضوع الشهيه كده او كده انا شهيتى قليله مش حاسس انها اتغيرت من يوم ما اتولدت

عامه العرق اكتر ممكن يكون وقت الاكل او مع اى مجهود انى انزل السلم او امشى فى الشارع اى مسافه بسيطه

مجربتش اقيس درجه حرارتى

ومش قلقان الحمد لله بس حاسس ان الموضوع زايد عن حده وعاملى مشكله انى كل يوم اروح الشغل مبلول ومش لاقى حل

او اشغل التكييف فى العربيه وانا عرقان وييجيلى برد

المشاركة الأصلية كتبت بواسطة fadod

العرق دة حاجه جديده ولا كان عندك قبل كده ...وهل يصحبه سخونه وإرتفاع درجه الحراره ، ولو اني أشك لأنك لم تشير إليه.
بتعرق وإنت نايم بالليل حتي لو درجه الحراره كويسه ..دة سؤال مهم .وهل فيه رعشه وإرتجاف في جسمك ؟

العرق كان موجود بس بسيط او عادى مش بالشكل ده بس محسيتش ان فيه اى سخونه

طبعا بالليل انا عرقان جدا جدا لو التكييف مش شغال

مفيش اى رعشه او ارتجاف الحمد لله

المشاركة الأصلية كتبت بواسطة pro_samir

هي البطيخه مفيهاش تكييف ؟

يظهر ان الموضوع عادي انا برضو مكنتش بعرق كتير بس الفتره دي بعصر الهدوم زيك ولو الكهربا قطعت وانا نايم بدون مبالغه السرير والمخده بيبقو غرقانين من العرق

طبعا البطيخه فيها تكييفبس محدش يعرف مكانها فين (تقدر تقول انى هربان حاليا)

بس واضح ان مشكله العرق دى شكوى جماعيه كل الناس غرقانه مش انا بس

انا بعرق وانا مشغل التكييف و الموضوع ده وانا شغال في العياده بشكل مستفز وبيبقى محرج قدام المريض لاني ساعات بنقط عليه عرق (دكتور اسنان)
و اول ما اخلص شغل يبدأ العرق يقل على طول تقريبا بعرق من التركيز:))))))))))

انا بردو نفس الحكاية بغرق في عرقي وحاجة تقرف
كنت قاعد مع اختي وبناتها وليها بنت في 3 طب وشفتني وانا عمال امسح في العرق كل شوية وانقط من قورتي ومن كرسوعي قالتلي انت مش طبيعي اكيد عندك حاجة ! علشان كلهم كانو قاعدين مبينقطوش زي :)
بس اعتقد ان الجو هو السبب علشان السنادي اول سنه احس اني بعرق من غير اي مجهود
وربنا يلطف بينا