-
عرق غزير بدون سبب
لاحظت من اول الصيف ده تقريبا انى بعرق كتير جدا:_Alshmokh08[1]:
يعنى العرق بيكون كتير لدرجه انى ممكن اقلع هدومى اعصرها
وكمان ملاحظ ان الجو مبيكونش حار للدرجه دى يعنى بكون فى مكان ومعايا ناس كتير وانا الوحيد اللى عرقان
واى مجهود صغير يعنى مجرد انى انزل السلم الاقى نفسى غرقان فى العرق
يا ترى ده طبيعى ولا ايه المشكله
-
وانا كمان
ده في الغالب من الاملاح
-
والله انا برضه عندي نفس المشكلة وبعرق من اقل حاجه وسمعت ان دة سببه الدهون الزايدة في الجسم على الرغم ان وزني 80 كيلو وطولي 176 سم
في انتظار راي اطباء المنتدى
-
وانا كمان عرق من منطقة الرأس بغزارة
-
ههههههههههه وانا بردو
بس انا لو قاعد مش بعمل حاجة بعرق لدرجة اني استحمي بمية سقعة
فعلا حاجة غريبة بس انا اعتقد دي طبيعة الجسم
-
انا سمعت عن دوا او حقنة بتمنع الإحساس بالجو أصلا
-
لا الموضوع ده عادى جدا تعالى شوف الناس و هى بتصلى التراويح و انت تلاقيهم بيغرقو
-
العرق دة حاجه جديده ولا كان عندك قبل كده ...وهل يصحبه سخونه وإرتفاع درجه الحراره ، ولو اني أشك لأنك لم تشير إليه.
بتعرق وإنت نايم بالليل حتي لو درجه الحراره كويسه ..دة سؤال مهم .وهل فيه رعشه وإرتجاف في جسمك ؟
-
عزيزي
الجو الرطب جديد علينا بالشكل اللي احنا فيه
مكنش بيجيلنا رطوبه بالشكل الموجود حاليا
الرطوبه في اغلب الصيف ده بتعدي ال 70%
والرطوبه بتخلي الانسان يعرق جدا جدا
واقولك ان ده طبيعي جدا
لو قلقان ممكن بس تجاوب على كم سؤال:
شهيتك فيها حاجه ولا زي مهيا؟
هل فيه وقت معين بتعرق فيه اكتر من التاني؟
جربت تقيس حرارتك بالترمومتر ؟
ومتقلقش ان شاء الله مفيش حاجه
تحياتي
-
هي البطيخه مفيهاش تكييف ؟
يظهر ان الموضوع عادي انا برضو مكنتش بعرق كتير بس الفتره دي بعصر الهدوم زيك ولو الكهربا قطعت وانا نايم بدون مبالغه السرير والمخده بيبقو غرقانين من العرق
Content Relevant URLs by
vBSEO 3.6.0 PL2