ضروري يا رجالة نازل بعد ساعة .. احسن هاتشباك في حدود 120 الف بالكتير

السلام عليكم ورحمة الله وبركاته

كل سنة وانتم طيبين

معلش كنت مستعجل جدااااا .. انا نازل كمان شوية المنصورة وكمان طنطا بأذن الله

وكنا هنشوف معارض العربيات اللى هنالك

فأنا كنت عايز احسن عربية هاتشباك لأختى * في حدود 120 الف كحد اقصى

وانا رشحتلها الفيات الجراند بونتو اوتوماتيك هاي لاين وهي كانت محتارة بينها وبين التيريوس الفئة اللى ب 116000

فأيه هي مواصفات الفيات الهاي لاين الجراند بونتو .. والتيريوس ولو فيه حاجة تانية يريت بعد اذنكم اعرفها في نفس الفئة

طبعا اوتوماتيك

ولكم منى جزيل الشكر والعرفان .. وكل عام وانتم طيبين

....هو توكيل فيات فين ....

نصيحة حسب رائى الشخصى
هات التيريوس احسن ليها سوق كويس من كل حاجة عكس الفيات الجديد وكفاية انها يابانى

بس المشكلة في الامكانيات وكده ..؟ ولا ايه يعني الاوبشنز اللى في التيريوس ايه اللى ب 116000

حضرتك كمان التيدا الهاتش باك عربية ممتازة ومناسبة.

سيات ابيزا وب 115 على ما اعتقد

بص يا باشا التريوس عربيه و الجراند بونتو عربيه

الجراند بونتو عربيه هاتش شبابيه ثابته و بالمبلغ ده لو تزود شويه صغنين تجيب الكوبيه 120 حصان التربو ده لو عايزه تجرى ياعنى بس يبقى انت مطمن عشان ثباتها عالى و الاوبشن بتاعها جااااامد جدا كل الى تطلبه ماعدا فتحه السقف و الشاشات الخلفيه بتاعت الدفيدى على ما اعتقد موجود فى فى التريوس
بس عندك بقىblue & me وده ياعنى حاجه روعه و بلوتوث و نظام صوتى رائع التريوس عاليه واسعه عائليه منظر الجيب
الجراند بونتو شبابيه ثابته جميله سريعه و قويه و الاوبشن بتاعها عالى و برده لو عايز حاجه حلوه ارشحلك النيسان تيدا هاتش باك و ارشحلك برده فورد فيستا جميله جدا بس لو عايز الفيات جراند بونتو او بونتو ايفو هتكون مناسبه ليها جدا لبنت واه السيات ابيزا و الباشا التريوس ليها سوقها بس سعر اعاده البيع قليل جدا و الفيات كفايه انها ايطالى والسيات ابيزا برده ممتازه

بس المشكلة انه التيريوس اللى هاتجيبها مش اعلى فئة والجراند بونتو الفئة اللى ب 109000

والنيسان التيدا برده مش الفل اوبشنز انا قصدي على ال ب 120000

الابيزا تعتبر فاضية

يريت لو فيه شوية تفوق في الاوبشنز في عربية عن اخري

سكودا -فابيا
أوبل -كورسا
سوزوكي -سويفت
سيات -أبيزا
فورد -فيستا
فيات -500

عربيات كتير جدااااااااا . . يا رجالة حيرتوني والله

طيب انا هقارن بين الابيزا والتيدا والجراند بونتو

يبقى البونتو ايفو مناسبه جدا جدا و الابيزا هيا اصلا ياعنى مفهاش اووبشن ولا عشان السعر السعر يجبهالك فول اوبشن تقريبا

عربيات كتير جدااااااااا . . يا رجالة حيرتوني والله

طيب انا هقارن بين الابيزا والتيدا والجراند بونتو

طالما بنت يبقي التريوس و تركب دفندرات

بص بصراحة الجراند بونتو رائعة بس ليها عيبين الاول توكيلها اسعاره في قطع الغيار رهيبة عاليه جدا وملهاش قطع غيار برة التوكيل غير نادر جدا جدا
ثانيا صعبة جدا في اعادة البيع
لكن كمواصفات السيارة رائعة لاقصي حد

طيب ومواصفات التيريوس اللي ب 1.5 2wd a/t

116000 ايه

التريوس اللي ب 116 الف على ما اعتقد من غير فوانيس شبورة و لا شاشات دي في دي و لا فرامل abs ولا اير باج .....

تعتبر فاضية ....

لو تزود لك كمان 10 آلاف او 9 آلاف ..... تجيب التريوس الفئة الأعلى منها ( كل حاجة ما عدا فرامل abs و اير باج ) ....

و لو زودت لك كمان 20 ألف تجيب اعلى فئة في التريوس ( كل حاجة بالإضافة الى الدفع الرباعي ) .....

-----

لو هاتشباك في حدود 120 ألف .....

ارشح لك التيدا ..... اعتمادية و جميلة و ياباني 100 % ....... يعيبها بس شكلها الخارجي , لكن في المجمل عربية ممتازة ....

- الفيات الجراند بونتو عربية ميختلفش عليها اتنين ... بس اسعار قطع الغيار بتاعة الفيات عموماً ولعة نااااار و ملهاش قطع غيار برا الا اللي بقى متخصصين فيات ( جديد مش قديم ) :)


----

ارشح لك التيدا بكل قوة ........

و لو زودت يبقى ارشح لك التريوس ........ عالية عن الأرض و ثابتة جداً جداً و توكيل محترم .....

و كل سنة و انتا طيب :)

seat ibiza

http://www.nilemotors.net/Nile/119447-2010.html

ابيزا طبعا وفئة ال 120 الف ال 1600 dsg كلها كماليات وشوفها في التقرير اللي في المشاركة السابقه
فئة ال 100 الف ال 1400 المانيوال هيا اللي فاضيه تقريبا الكماليات الأساسية فقط زي تكييف وباور وزجاج كهرباء ومرايات كهرباء و abs>>>>
علي العموم انزل شوف واتفرج واركب واستخير ربك وان شاء الله تتوصل للخير

بلاش تيريوس ثباتها مش قوي واعادة بيع برده مش قوي
خلييك في البونتو او التيدا

اقتباس:

---

المشاركة الأصلية كتبت بواسطة zsecsqxsw

عربيات كتير جدااااااااا . . يا رجالة حيرتوني والله

طيب انا هقارن بين الابيزا والتيدا والجراند بونتو

---

رأي الابيزا تكسب من الاختيارات دي, لو عايز ركوبه فعلا...

لو ليك في الأروبي ( أمان واعتمادية بس صيانة اغلي سنة من الاسيوي )
Evo وهتبقي حطيت شوية فلوس في جيبك على حساب أداء والتوكيل سامع إنه بيتحسن
Ibiza وهتبقي دفعت كل الLimit اللي إنت قايله بس هتاخد أداء وعربية الماني (نسخة من الPolo الجديدة) بس تقفيل اسباني, توكيل ممتاز
متنساش حضرتك فيه لسة مصاريف تأمين وترخيص هتخش في حوالي 6 الف جنيه
Fabia هي هي الIbiza تقريبا ماعدا الفتيس الDSG ( بيوفر في البنزين وفي الشد بيدي أحسن أداء ) وكماليات وتقفيل تشيكي, مسمعتش حاجة عن توكيلها

وهاقولك بقي على اقتراح غريب شوية عشان أنا كنت ناوي أعمله لخطيبتي
Skoda رومستر, هي عاملة زي عربية تكريم الإنسان بس ناعمة وأمان جدا وعملية قوي وعالية ( الستات تحب عربيات الخضار ديه, وإنت هتكون مطمن على زوجتك )

لو حضرتك عايز اسياوي ( برده اعتمادي مش وحش )
ياباني (وإن فاتنا الياباني ... )
تيدا ( ماجربتهاش بس مع واحد صاحبي بيشكر فيها), توكيل نيسان حلو برده

كوري ( هتحط فلوس في جيبك بس هتضحي بالركوبة )
i 20 بس فيه استهبال رسمي في سعرها التوكيل حرامي بس الناس بتقول كويس
getz كله بيشكر فيها ومع واحدة صاحبتي وعاجبها
i 30 بس هتكون فاضية في حدود السعر ده
Gen 2 ماليزي بس هي عربية شباب وهتلاقي مشاكل تقفيل ( كلام المنتدي ) توكيل ناس بتقول عليه حلو جدا وناس بتقول عليه وحش جدا

أنا من رأيي روح بص عليهم وإلي حضرتك وزوجتك تستريحولها اتكل علي الله وجيبها بس نصيحة شخصية حاول تجيب حاجة أروبي واقرا عنهم فالمنتدي

اقتباس:

---

المشاركة الأصلية كتبت بواسطة ghost1900

حضرتك كمان التيدا الهاتش باك عربية ممتازة ومناسبة.

---

+111111111111111111111111111111111