نادي ضحايا الكروز

**ramyar** · 31-08-2010 05:48 PM

ممكن يا جماعه العيوب دي تكون فرديه يعني استحاله تكون في كل الكروز وبي النسبه للتوكيل مش كل الناس زي بعض
انا احترم الكروز جدا كشكل لاكن كموتور لا لان كان لابد مع الشكل الجميل ده والصالون والتابلوه الي يعد تحفه فنيه لازم موتور علي الاقل يوازي موتور الكيا

**hon** · 31-08-2010 05:53 PM

ماتور قديم والجديد استهلاك بنزين خرافى أكتر من الاوبترا
التصميم حلو والشاسية والفتيس 100% لكن عايزيين الماتور اليكوتك تو بتاع الاوبل
فى رأى الوبترا اجدع منها وارخص ومنصور عادته يفسد كل جميل

**zizo18000** · 31-08-2010 06:15 PM

يا جماعه انا معايا العربيه بقي لها اكتر من شهرين و مافيهاش كل اللي بتقولوه ده ...

**aymanmaly** · 01-09-2010 12:51 AM

المشاركة الأصلية كتبت بواسطة salome

السلام عليكم ورحمه الله وبركاته
الساده مالكي السياره شيفورليه كروز
انا عنيت كتير من اول ما اشتريت العربيه دي وبعدين لما دخلت المنتدي لاقيت ناس كتيره بتعاني من نفس العيوب فقلت لو اتجمعنا كلنا وحاولنا نقدم شكوي جماعيه اكيد صوتنا هيتسمع اكتر من لو كل واحد فينا اشتكا لوحده الحكايه مش بسيطه علشان نسكت عليها
انا بحاول اجمع اكبر عدد من الناس اللي ليها شكوي من العربيه من المنتدي وكمان عملت جروب علي الفيس بوك اسمه لكل ضحايا الكروز فاي حد عنده استعداد للمشاركه اهلا بيه
انا فكرت اننا نتكلم مع الشركه المصنعه لانهم ممكن يخافو علي سمعه الشركه لاني متاكده ان اي حد فمصر مش هيهتم ولا هيغير اي حاجه

الزملاء الاعزاء فى المنتدى
ارجو تقبل كلامى
اولا انا من اكثر الناس الى كتبت عن توكيل منصور و حاربت معاة لغاية لما اخذت حقى
انا بقول الكلام دة علشان لا يفهم كلامى غلط
بمتابعة التعليقات
كاتب الموضع عندة مشاكل و ماك اخر لا يوجد عندة مشاكل
و الباقى لا يملكون السيارة و قالوا رأيهم على اساس السمع من الاصدقاء
و خلينا نعترف برأي المالكين نفسهم و هم فى المشاركات 2 فقط
صاحب الموضوع عندة مشاكل ملخصها
العربية بتبطل و حدها و انهم قالوا عايزة سوفت وير
و الفريون فاضى
طيب ممكن اعرف هم عاملين الضمان لية ؟
اكيد لان من المتوقع حدوث عيوب فى الانتاج
و طبعا المشكلة الحقيقية مش ان العربية سيئة ولاكن لان التوكيل لا يعترف بالعيوب
ممكن صاخب الموضوع يوضح لما رحت التوكيل صلحوا الحاجات دى ولا لأ ؟
فارجو عدم الاسائة فى السيارة لمجرد عيب من الممكن اصلاحة و يعتبر فردى و و جود العيوب الفردية هى نسبة من المبيعات تكون قليلة
و بما اننا لا نملك مبيعات السيارة فنكتفى بهذا
اما عن فكرة تجميع العيوب من اكثر من عربية لاثبات ان العيب متكرر انا مع الفكرة
و اللينك دة فية كيفية الاتصال بجهاز حماية المستهلك
http://www.nilemotors.net/Nile/165539-a.html
مع العلم انى لا املك كروز و بالتالى لن اكتب اراء مالكيها الى اعرفهم من مبداء ان الموضوع انا مشفتوش بنفسى
اما لو كان العيب متكرر ارجو من جميع مالكى الكروز الدخول و يعتبر الموضوع استتطلاع رأى و التكاتف ضدد التوكيل فى جهاز حماية المستهلك كشكوى جماعية و عدم ترك الحق حتى اصلاح العيب
و اسف للاطالة

**kamalsalem** · 01-09-2010 02:30 AM

ماهو انا لسه مستلم العربية وبسبب التعليقات اللي زي دي بقيت ماشي موهوم، لو عدت من جمبي فسبا بحس انه الصوت ده من عربيتي، بصراحة بقى ياريت نبقى موضوعيين اكتر ف شكوانا عشان مش كل واحد عنده مشكله شخصية يحولها لأزمة قومية وعيب في العربية ككل

1-الدفعة اللي كان عليها العرض خلصت، والعربية لسة بتتباع وبتغلى، وغلو اي سلعة علامة على زيادة الطلب على العرض
2-العربية كوري، يعني زي اللانوس والنوبيرا والاوبترا، وارد انه يبقى فيه عيوب صناعة، والضمان اتعمل عشان كده
3-برضه الشكوى من الوكيل انا بدخل كلللل الاقسام التانية الاقي الناس بتشتكي من التوكيل، يبقى العيب ف الانسان المصري اللي مش عايز يدي الناس حقوقها عشان طمعان ف ربح اكتر، وانا بصراحة كلها 3 سنين واروح الحرفيين، هين قرشك وخد حقك
4-اي عربية في العالم معرضة انه يطلع فيه عيوب ف اول دفعة، عشان كده دايما الناس بتفول متشتريش واستنى العربية تنتشر شوية

أرجو انه كلامي ميزعلش حد بس انا واحد مشتري عربية زيرو وكل يوم احلم انه فيها مشاكل لدرجة اني فكرت كجيش المنتدى تاني واقول الجهل نعمة، بس انا عاجبني الاختلاط بالناس وكده ف أرجو تحري الدقة في الشكاوي

انا بعمل مواضيع كتير عن الكروز بالذات، وصاحبة الموضوع بتجري ورايا تقولي انت ضحية والعربية وحشة وكدة، ف معلش لو المشاركة دي فيها شوية انفعال

انا دخلت ع الجروب اللي ع الفيسبوك، محدش بيشتكي غير صاحبة الموضوع

**aymanmaly** · 01-09-2010 02:37 AM

اهو فية اثنين بيشكرو فى العربية و عندهم العربية بالفعل مش بالسمع
اتمنى باقى مالكى الكروز يدخلوا و يقولوا رأيهم

**popeto** · 01-09-2010 09:38 PM

أستاذنا Aymanmaly

يا ريت توضح لنا يعنى ايه حاربت فى التوكيل ؟
و انا مش مع حضرتك اننا نستبعد رأى المشاركين فى الموضوع لانهم اكيد مهتمين بطريقه او بأخرى بالكروز و انا مثلا متشحطط ما من اكتر من 3 شهور مع كل ماركه شويه شويه لانسر و شويه فيات لينيا و شويه كروز
وبعدين السمع من الأصدقاء برضه انعكاس للواقع الفعلى الا و هو سوء خدمه التوكيل و عدم كفاءاته

ويا ريت من اختنا صاحبه الموضوع تخش تقول تجربتها فى التوكيل ايه ؟
وشكرا"

**popeto** · 01-09-2010 09:42 PM

استاذنا كمال سالم
ربنا يباركلك فى العربيه و يكفيك شرها و يديك خيرها
ولو فيه تقييم سريع كده متبخلش علينا بيه

**mmtronic** · 01-09-2010 11:03 PM

المشاركة الأصلية كتبت بواسطة aymanmaly

الزملاء الاعزاء فى المنتدى
ارجو تقبل كلامى
اولا انا من اكثر الناس الى كتبت عن توكيل منصور و حاربت معاة لغاية لما اخذت حقى
انا بقول الكلام دة علشان لا يفهم كلامى غلط
بمتابعة التعليقات
كاتب الموضع عندة مشاكل و ماك اخر لا يوجد عندة مشاكل
و الباقى لا يملكون السيارة و قالوا رأيهم على اساس السمع من الاصدقاء
و خلينا نعترف برأي المالكين نفسهم و هم فى المشاركات 2 فقط
صاحب الموضوع عندة مشاكل ملخصها
العربية بتبطل و حدها و انهم قالوا عايزة سوفت وير
و الفريون فاضى
طيب ممكن اعرف هم عاملين الضمان لية ؟
اكيد لان من المتوقع حدوث عيوب فى الانتاج
و طبعا المشكلة الحقيقية مش ان العربية سيئة ولاكن لان التوكيل لا يعترف بالعيوب
ممكن صاخب الموضوع يوضح لما رحت التوكيل صلحوا الحاجات دى ولا لأ ؟
فارجو عدم الاسائة فى السيارة لمجرد عيب من الممكن اصلاحة و يعتبر فردى و و جود العيوب الفردية هى نسبة من المبيعات تكون قليلة
و بما اننا لا نملك مبيعات السيارة فنكتفى بهذا
اما عن فكرة تجميع العيوب من اكثر من عربية لاثبات ان العيب متكرر انا مع الفكرة
و اللينك دة فية كيفية الاتصال بجهاز حماية المستهلك
http://www.nilemotors.net/Nile/165539-a.html
مع العلم انى لا املك كروز و بالتالى لن اكتب اراء مالكيها الى اعرفهم من مبداء ان الموضوع انا مشفتوش بنفسى
اما لو كان العيب متكرر ارجو من جميع مالكى الكروز الدخول و يعتبر الموضوع استتطلاع رأى و التكاتف ضدد التوكيل فى جهاز حماية المستهلك كشكوى جماعية و عدم ترك الحق حتى اصلاح العيب
و اسف للاطالة

سيدى الفاضل
انا استوقفنى انك تجاهلت ظهور الشكوى دى قبل كدة مع 3 الاعضاء مشاركة منهم كانت بعنوان بعنوان ( الكروز بتبطل ) و دة الرابط بتاعة
http://www.nilemotors.net/Nile/141086-a.html

دى مش مشكلة فردية - دى مشكلة عامة فى الكروز المانيوال و دة انا شفتة فى التوكيل كذا مرة لعربيات كروز مانيوال ( مشكلة التبطيل بسوءال اصحابها )

و بعديين ضمان اية بس - هوة حضرتك متاكد انك اتعاملت مع منصور قبل كدة ؟

لو كان الضمان بجد ماكنش الراجل الى كتب موضوع الكروز بتبطل باع العربية بالخسارة علشان يخلص منها بعد ما عزبتة

الحاجة الاخيرة الى مصر عليها - دى عربية تمنها معدى 100000 - مينفعش تبقى كدة - حط نفسك مكان العيب الفردى و تخيل عربيتك الكروز فيها عيب فردى زى ما بتقول - حتعمل اية ؟

دا راى

و شكرا

**salome** · 02-09-2010 03:13 AM

المشاركة الأصلية كتبت بواسطة mmtronic

سيدى الفاضل
انا استوقفنى انك تجاهلت ظهور الشكوى دى قبل كدة مع 3 الاعضاء مشاركة منهم كانت بعنوان بعنوان ( الكروز بتبطل ) و دة الرابط بتاعة
http://www.nilemotors.net/nile/141086-a.html

دى مش مشكلة فردية - دى مشكلة عامة فى الكروز المانيوال و دة انا شفتة فى التوكيل كذا مرة لعربيات كروز مانيوال ( مشكلة التبطيل بسوءال اصحابها )

و بعديين ضمان اية بس - هوة حضرتك متاكد انك اتعاملت مع منصور قبل كدة ؟

لو كان الضمان بجد ماكنش الراجل الى كتب موضوع الكروز بتبطل باع العربية بالخسارة علشان يخلص منها بعد ما عزبتة

الحاجة الاخيرة الى مصر عليها - دى عربية تمنها معدى 100000 - مينفعش تبقى كدة - حط نفسك مكان العيب الفردى و تخيل عربيتك الكروز فيها عيب فردى زى ما بتقول - حتعمل اية ؟

دا راى

و شكرا

شكرا بجد لحضرتك لانك رضيت بنفس الكلام اللي كنت ناويه اقوله بالظبط
ان مش انا بس اللي عانيت من موضوع تبطيل العربيه ومش انا بس اللي عانيت كمان من المعامله السيئه من منصور وان مش المفروض اني ادفع كل الفلوس دي فعربيه تكون سبب فحرق دمي كل ما اسوقها وكل ما اشوف اعلانتها وكل ما اشوف حد راكبها احس انه ضاحيه زيي
وعلي العموم انا كان كل همي تحذير الناس لاني محبتش ان حد يحس بالمعاناه دي خصوصا لما اتاكدت ان دي عيب صناعه مش عيب فردي لما اتكررت نفس الشكوي مع ناس تانيه