السلام عليكم ورحمة الله وبركاته
باركولى يا جماعة بقيت ماروتاوى من اليوم
إشتريت ماروتى 2009 فضى بها سنتر وإنذار وجى إم وشاشة دى فى دى عاملة حوالى 14500 كم
بس أنا جدييييييييييييييييييد سواقة
عاوز بقى توجيهاتكم وتشجيعاتكم
يلا بقى باركولى
عرض للطباعة
السلام عليكم ورحمة الله وبركاته
باركولى يا جماعة بقيت ماروتاوى من اليوم
إشتريت ماروتى 2009 فضى بها سنتر وإنذار وجى إم وشاشة دى فى دى عاملة حوالى 14500 كم
بس أنا جدييييييييييييييييييد سواقة
عاوز بقى توجيهاتكم وتشجيعاتكم
يلا بقى باركولى
مبروووووووووووووووووووووو وووووووك
وان شاءالله تكون فتحت خير عليك
وعقبال s*4
ألف مبروك ان شاء الله ويديك خيرها ويكفيك شرها
تحياتي
مبروك العربية وربنا يديك خيرها ويكفيك شرها ""
وخدتها بسعر كام
ابدأ معاها و هى هتعلمك لوحدها .. متقلقش :))
فعلا من اسرع العربيات اللى تتعود على سواقتها ...هتحس بالثقه بتزيد معاك بسرعه وانت ورا التاره
و ياترى حضرتك خلصت فيها بسعر كام ؟
والف مبروك .. وربنا يديك خيرها و يكفيك شرها
مبرووووووووووووك
ألف شكر يا إخواتى
ومش قولت لكم أنا رجلى جاية جاية فى الماروتى
الحمد لله
العربية خدتها بـ 29000 جنيه
كويس السعر ده؟
عامة أنا حاسس إن السعر مناسب جدا
بس كان ليا استفسار كده يا جماعة الخير
1- الرخصة مكتوب فيها 4 سلندر هل تعمل مشكلة عند التجديد ؟
2- ما هى إجراءات التجديد والفحص بتفصيل التفصيل .
على فكرة أنا مرور السلام ورحنا امبارح علشان نجيب شهادة المخالفات فقالولنا هاتو أصل اللوحات من مرور الدراسة فأول ما سمعت كدا كان حيغمى عليا والله من الغيظ والضغط فمرحناش لأن الجو كان حر جدا أمس .
ولى تعليق على مرور السلام ده مرور مالوش حل بمعنى الكلمة مش آدمى بالمرة
مبروووووووووووووك
ربنا يديك خيرها ويكفيك شرها
يا ترى حضرتك جبتها منين من على النت ولا الجرايد .. علشان بدور على واحدة كسر زيرو بردة
أنا إشتريتها من صاحبها (وهو ساكن بعدينا بحاجة بسيطة وما كنتش عارفه ) بطريقة الإقناع لا جرايد ولا نت
بمعنى إن العربية عجبتنى فتعرفت على الرجل وسألته ولقيت عند النية فى البيع وتم بحمد الله .
بالنسبة للنت فيه حاجات كسر زيرو بس مش عارف بتكون أسعارها غالية ومبالغ فيه شويتين
ربنا يوفقك لما فيه الخير
ألف مبروك , عشان كدة ما سألتش ؟
ألف مبروك وربنا يديك خيرها ويبعد عنك شرها
الرخصة لازم تتصلح لتلاتة سلندر علشان يبقى الرخصة سليمة وكمان هتقلل معاك فى مبلغ الترخيص كتير
ثانيا: خد الآوراق ذى المبيعة بتاعت العربية أو صورة منهم من صاحب العربية الآصلى وكدة كدة الورق موجود فى ملف العربية فى المرور . لو العربية لسة الرخصة فيها كتير ما تستعجلش وأمشى بيها لغاية ما الرخصة تنتهى وبعد كدة أفحص وأنقل ملكية وغير الرخصة بأسمك وعدل عدد السلندرات
والله الموفق والمستعان
ألف الف مبروك يا جميل ربنا يديك خيرها و يكفيك شرها
ما زلت أشكر جميع من هنأنى
وبالنسبة للرخصة 4 سلندر هو يعنى ضرورى آخد المبايعة من اللى باع لى العربية ولا الموضوع يمشى فى المرور عادى أرجو الإفادة فى الموضوع ده أنا قلقان جدا
بالنسبة لموضوع ان الرخصة 3 أو 4 سلندر فدي كانت حصلت معايا ان الرخصة اتطبعت 4 سلندر ورحت قولتلهم لا العربية 3 سلندر، فتحوا الملف وبصوا على الفحص الفني لقوها 3 سلندر قاموا قالولي خلاص هانعدلها.
قاموا راحوا غيروا رقم 4 إلى رقم 3 بالإيد على الرخصة وغلفوها تاني.
بالنسبة لانها تقلل في مبلغ الترخيص، اعتقد مش هاتقلل ولا حاجة لأن الضريبة بتتحدد على السعة اللترية والسنة مش على عدد السلندرات.
أنا فعلا اشتريت بتوكيل والرخصة تنتهى فى 5/2011
يعنى ممكن أمشى بالرخصة عادى لغاية ميعاد انتهائها
أنا مارضيتش أشترى بعقد علشان كده حيكون مفروض عليا أجدد على طول وأفحص كمان
طيب السؤال بقى هل الفحص حيكون مع التجديد فى 5/2011 ولا فى ميعاد الفحص الفعلى المكتوب على الرخصة (2012) وعلى فكرة التاريخ مكتوب على الرخصة كده :- فحص 2012 يعنى مش متحدد شهر كام
أنا مش فاهم حاجة
السلام عليكم ورحمة الله وبركاته
نادي الماروتية يهنئ العضو الجديد بقبول انتسابة للنادي
الف مبروك يا زعيم وربنا يكفيك شرها ويرزقك خيرها وكفيك شر الناس
والله يا جماعة باشكركم الف شكر على التهنئة
مبروك
بس ممكن تعمل عقد وتسجله بس ما تمضيش شارى فى الشهر العقارى
ده بيديك فترة تنقل الملكية فى المرور
لانك لو فضلت وكيل ولا قدر الله حصل حاجة للبائع
التوكيل يعتبر ملغى قانونا]
يا ريت توضيح
الف مبروك
وانا كنت شارى عربية زمان بتوكيل من توكيل لتوكيل لتوكيل و كان اخر توكيل بتاع محامية ابنه صاحبة العربية و صاحبة العربية اللى الرخصة باسمها متوفيه من عدة سنوات
اللى بيقصدة الزميل ان ممكن تحصل وفاه فيتم المطالبة بدخول العربية ضمن الميراث
بس اطمئن لان اصحاب الميراث مش عارفين فين العربية و بعدين انته معاك مبايعة و العرف السائد فى مصر ان التوكيل معناه بيع العربية بطريقة الهروب من مصاريف التسجيل اللى تقطم الظهر
حوالى ما يزيد عن 1000 جنية لعربيتك
الشكر والعرفان لكل من هنأنى أو ساهم بأى مشاركة
المشكلة عندى بقى دلوقتى إنى لسه جديد سواقة وكل اللى حوالى بيستعجلونى إنى أمشى بالعربية فى شوارع عمومية أو سريعة وأنا حاسس إن لسه بدرىىىى جدا
ما تستعجلش وأمشى فى شوارع ريقة أو فاضية شوية ومش سريعة ولو أضطرت تمشى فى شوارع سريعة أمشى على اليمين برحتك بردة يعنى على التالت حلو قوى بس ما تعرضهاش قوى كدة فى الآول خليك فى الشوارع الداخلية فى البداية
وربنا يسترها معاك ومعانا والله الموفق والمستعان
الف مبروك وربنا يديك خيرها ويكفيك شرها
وبخصوص السواقه متقلقش وامشى واحده واحده هتلاقى الامور اتظبطت
الف الف مبروك ياباشا وربنا يباركلك فيها الماروتى عربيه كويسه بس عاوزه زى اى عربيه انك تحافظ عليها ومتستعجلش فى السواقه علشان متبهدلهاش او تخبطها لاقدر الله وربنا يباركلك فيها يارب
شاكر جدا على التهنئة