الموضوع: إشتريت ماروتى النهاردة

ألف شكر يا إخواتى
ومش قولت لكم أنا رجلى جاية جاية فى الماروتى
الحمد لله
العربية خدتها بـ 29000 جنيه
كويس السعر ده؟
عامة أنا حاسس إن السعر مناسب جدا
بس كان ليا استفسار كده يا جماعة الخير

1- الرخصة مكتوب فيها 4 سلندر هل تعمل مشكلة عند التجديد ؟
2- ما هى إجراءات التجديد والفحص بتفصيل التفصيل .

على فكرة أنا مرور السلام ورحنا امبارح علشان نجيب شهادة المخالفات فقالولنا هاتو أصل اللوحات من مرور الدراسة فأول ما سمعت كدا كان حيغمى عليا والله من الغيظ والضغط فمرحناش لأن الجو كان حر جدا أمس .
ولى تعليق على مرور السلام ده مرور مالوش حل بمعنى الكلمة مش آدمى بالمرة

أنا إشتريتها من صاحبها (وهو ساكن بعدينا بحاجة بسيطة وما كنتش عارفه ) بطريقة الإقناع لا جرايد ولا نت

بمعنى إن العربية عجبتنى فتعرفت على الرجل وسألته ولقيت عند النية فى البيع وتم بحمد الله .
بالنسبة للنت فيه حاجات كسر زيرو بس مش عارف بتكون أسعارها غالية ومبالغ فيه شويتين

ربنا يوفقك لما فيه الخير