كنا بنسميه ستيف قووله
وجونجا لابنونجا ( ترافولتا )
عرض للطباعة
يظهر ان الجنس اللطيف ح يعمل غزو للمنتدي
والله بنفرح بوجودكم جدا
اهلا بيكي بس خلي بالك ... المنتدي دة ادمان .. اللي رجله بتيجي مش بيقدر يسيطر علي وقته .. انا من ساعة ما رجلي جت هنا وانا شغلي متأخر وورايا حاجات كتير مش لاقي وقت اعملها بسبب متابعتي للمنتدي
بس برضه قاعد ومش ح اتحرك من هنا ...
مرحبا بك معنا
طبعا بعد الترحيب بالاعضاء الجدد المنضمين للمنتدى الرائع دة سواء جنس لطيف او خشن
والله زمان يا جماعة طيب فاكرين ابلة فضيلة في الراديو يوم الجمعة الصبح
يا ولاد يا ولاد .... تعالوا تعالو .....
علشان نسمع ابلة فضيلة ...... هتقولنا حكاية جميلة....الخ
حبايب الحلوين كان يا مكان كان في ملك .. ولا ملك غير الله
الست دي بصوتها الجميل الدافي كانت بتحسسني بيوم الجمعة اللى هو كان المتنفس الوحيد من الدراسة
شكرا للكل على هذا الموضوع...لاني كنت باثيره للكل لما اقعد معاهم ويسمعوا ويستغربوا على الاسعار والروشنه اللي كنا فيها والبساطه الجميله والانبهار باي حاجه.
كنا بنقضي اغلب الوقت في الشارع والبيوت كانت للنوم او للفرجه على المسلسلات وكانت فيه شلل ورحلات وحاجات مشتركه كتير..واصول وتقاليد وبنت الحته وابن الحته وحب عذري وشعر..احنا دلوقتي اللي دخلنا الماتريكس برجلينا لما قعدنا على الكوفي شوبس وبطلنا نسهر مع بعض في الشارع لحد الصبح.فظهرو الحراميه والبلطجيه في الشوارع.الدنيا دلوقتي بقت ضلمه لما زودوا الانوار.
والمغنى :ياهل المغنى دمغنا وجعنا دقيقه سكوت لله...اومال دلوقتي ايه يا اهل المغنى مفيش دماغ اصلا.
الاصدقاء : يوم بعد يوم بتجينا موضات الوفات الوفات...يالهوي دلوقتي ثانيه بثانيه ومش ملاحقين.
الجيتس: خلصنا الامتحانات ودخلنا على الاجازات والصيف فصل الغزوات في اللعب وفي السهرات...ياخرابي..دي دلوقتي السنه كلها اجازة فيه صيف وشتا بس.
المصريين : ماتحسبوش يا بنات ان الجواز راحه...دلوقتي ماتحسبوش يا بنات ويا ولاد ان الجواز ممكن.
الجيتس تاني: احنا يا فندي صناعه مصريه..من ميه النيل شاربين.احنا الجيتس وميه الميه نعرف عربي وليلي يا عين...دلوقتي احنا ياباشا صناعه صيني من المر اكيد شاربين.
علي الحجار واعذريني...
عمر فتحي ياجمالك الله يرحمك وانت في عز شبابك
عماد عبد الحليم والضباب...اومال دلوقتي يبقى ايه..غيبوبه خالص.
الدوللي دوتس غنو لايلا لايلا سارقينها من محمد عبده ليله يا ليله
الخ الخ الخ.............وفجأه العراق غزت الكويت...من ساعتها لاشفت ولا سمعت حاجه عدله
وعشان لسه مافطرتش افتكرت حاجه مهمه:الرغيف الفينو ابو نص فرنك"2 قرش صاغ" كان بيتقسم على 3 حتت.دلوقتي شوف بكام وبيعمل قطمتين..سلامو عليكو يا عم.
عضو المنتدي علا
لك جزيل الشكر علي إعادة الذكريات الجميلة تاني