أهو دة الأتوبيس اللى إسمه الإيكاروس المجرى (دة غير البنكرياس البشرى:original:) هو تصنيع مجرى من المجر و الشركة المصنعة إسمها إيكاروس...
كنت و أنا صغير دايما أشوفه مايل على جنبه ميل شديد جدا لدرجة إنه سيقع على جنبه سواء فاضى أو مليان ... طبعا من شدة الزحام و شعبطة الناس من الأبواب و الشبابيك ....
و تم إرسال شكاوى للشركة المجرية بخصوص ميل الأتوبيس و أنه ضعيف جدا و مدعمة بالصور ... فالخبراء فى الشركة المجرية ذهلوا من صور ميلان الأتوبيس و هو فاضى و قرروا الحضور الى مصر لرؤية كيف مال الأتوبيس بهذا الشكل .... و بالفعل نزلوا و شافوا طريقة الهجوم ومنظر الناس المتشعبطة من الشبابيك و الأبواب و لم يصدقوا المنظر .... و قاموا فعليا بتصويره أثناء الإستخدام :toot:... و رجعوا قدموا تقرير إن الأتوبيس مصمم فعلا للخدمة الشاقة و لكن للإستخدام الأدمى فقط... وليس للقرود .... و إن الصور هى أبلغ دليل على مدى قوة التحمل الرهيبة و سيتحدوا بها أى منتج أخر منافس أن يتحمل المصريين ...
فكرة الأتوبيس كانت عبارة عن أتوبيسين متصلين ببعضهما بمفصل على شكل صينية فى الأرضية و جزء مطاطى للجدران و السقف ...
و طبعا هو كان من الستينات و أخر مرة شفته كان حوالى 74 و بعدها تحلل .... ولا يزال من ذكرياتى التى لا تنسى فى مدينة نصر ... والله الشعب دة إتبهدل كتير جدا جدا و شاف أيام سودة و لسة بيتبهدل ... :beatdeadhorse5: