مظبوط.. همه 20 سنة :w6266d
عرض للطباعة
انا حاسس ان العشر سنين بقو زي العشرة جنية .... بتخلص قبل ما تبدأ
دى حاجات جميله والله فكرتنا بالايام الحلوة ( بس كانت صعبه )
على فكره دا مش ميدان عبد المنعم رياض - دا اول كوبرى قصر النيل
ليه بترجعونا لزمان كدة
كانت ايام جميلة وفيها بركة وخير
لكن دلوقت
الله المستعان
كنت بروح اصيف انا واصحابى فى اسكندريه وكل واحد معاه 100 جنيه
ياااااااااااااه
كنا من اغنياء البلد ولا احمد عز فى زمانه
ونأجر شقه وندخل كل يوم المنتزه والمعموره
ولازم الشقه تكون قدام سنترال ميامى فى شارع اسكندر(كان لسه مفتوح جديد)
وكان الدخول فى شاطىء ميامى السياحى ب 50 قرش يعنى مبلغ محترم
والمعموره ب 2 جنيه (شاطىء الاغنياء)
ياريت لو حد عنده صور لاسكندرية الثمانينيات ياه كانت روعة انا مواليد 1976 وكانت اجمل ايامى فى التماننيات حاسس انى عجوز قوووووووى مع انى 33 سنة وده لمجرد احساسى انى ليا ذكريات عدى عليها اكتر من 20 سنة ساعات باتمنى ارجع عيل تانى ولو ليوم واحد وافتكر احلى ايام رغم عدم وجود كل الرفاهيات الرهيبة بتاعة الزمن ده بس الماضى ليه طعم تانى
أتذكر فى عام 1971 حدث لى موقف طريف فقد كنت مع مجموعة من الأصدقاء ذاهبين لسينما ميامى بشارع سليمان باشا و يومها قمت أنا بدفع ثمن التذاكر و أخرجت عشرة جنيهات من المحفظة للسداد و الغريب أن كل أصدقائى شاهدونى و أنا أقوم بشراء التذاكر و كل منهم كان تعليقه و رد فعله أننى أتمنظر عليهم بالعشرة جنيهات و كان ردى للخروج من ذلك الموقف هو أن العشرة جنيهات مصروف البيت الشهرى و ليس معى فكة أخرى و كان ذلك سبب مقنع لهم أننى لم أتعالى عليهم
معاك خمسه جنيه
تجيب 20 بيضة = 1 جنية
وتجيب ب جنيه جبنه بيضاء ثلاجه = تقريبا نص كيلو
وتجيب ب جنيه بسطرمه = كان اختراع ساعتها
وتجيب ب نص جنيه لانشون = كميه بشعه ملهاش أول من أخر
وتجيب ب 10 قروش فول
تجيب ب 5 قروش طعميه كبيره = 5 أقراص عليها سمسم
وتجيب ب 10 قروش عيش بس يكون حلو = 10 أرغفه
كده هايتفضل كام (الاختبار التقليدى اللى والدى رحمه الله دئب عليه) باقى كذا
طيب خد 4 زجاجات كوكاكولا فاضية وغيرهم = 40 قرش
وأوعى تنسى الباقى:Copy of majd(4):
حااااااااااااااااااااااضر - وهاروح العب عن تاته (جدتى) أخر النهار
ان شاء الله
متقولش ان شاء الله قول انى هاروح العب عند تاته
خلاص ان شاء الله هاتروح تلعب عند تاته بس بعد العصر بشويه لما الحر يهدى
هييييييييييييييييييه واروح اجيب الحاجات وأجى واخر اليوم ما أروحش العب عند جدتى ويفضل يلاعبنى شطرنج غصب عنى :stink[1]:
رحم الله والدى وكافة المسلمين