الموضوع: ذكريات تهم مواليد السبعينات

المشاركة الأصلية كتبت بواسطة taotao

بمناسبة عالم الحيوان، ويوم الجمعة، افتكرت برنامج إذاعي بوليسي اسمه -حالياً- 25787120 إذاعة :)
اسم البرنامج هو اسم التليفون الذي يتلقى عليه إجابات المستمعين.
البرنامج بدأ كان اسمه 46120 إذاعة
وبعدين بقى اسمه 747120 إذاعة (سبعة سبعة واربعين مية وعشرين إذاعة)
وبعدين 57-87-120 إذاعة
حالياً: 2-57-87-120 إذاعة !! كل شوية المصرية للاتصالات تعدل الأرقام، البرنامج يتغير اسمه :)

انا كنت متابعه فى فتره لما كان اسمه 747120 من 20 سنه
و كنت لما اعرف القاتل اتصل بيهم - و ولا مره النمره كانت بتجمع

بالمناسبة الكل عارف مسلسل البخيل وانا
فيه بعده بقي مسلسل لنفس طاقم العمل
اتذاع مرة واحدة بس ومش لاقيه خالص
بيحكي ان وائل نور عامل مغني ووالده كل شوية
يروح ينقذه من مشكلة حد فاكره

فكرتونا أجمل أيام عشناها و مجاش أحلى منها . ماكانش عندنا نت و لا موبايلات و حاجة من حاجات الأيام دى بس عشنا أيام أسعد من دلوقتى

أول حاجة أفتكرها إنى أول يوم فى التعليم أروح فيه المدرسة كان السبت 6 أكتوبر 73 يادوب رحت مع أبويا و قالولنا روحوا مافيش دراسة النهاردة مع إن الساعة كانت لسة 7 الصبح

و فاكر عادل إمام فى مسرحية شاهد ماشافش حاجة على مسرح السلام

المشاركة الأصلية كتبت بواسطة ahmedwagdy03

فكرتونا أجمل أيام عشناها و مجاش أحلى منها . ماكانش عندنا نت و لا موبايلات و حاجة من حاجات الأيام دى بس عشنا أيام أسعد من دلوقتى

أول حاجة أفتكرها إنى أول يوم فى التعليم أروح فيه المدرسة كان السبت 6 أكتوبر 73 يادوب رحت مع أبويا و قالولنا روحوا مافيش دراسة النهاردة مع إن الساعة كانت لسة 7 الصبح

و فاكر عادل إمام فى مسرحية شاهد ماشافش حاجة على مسرح السلام

ربما ما تحكى عنه يعتبر تطور و تقدم بالنسبة لما حكيت عنه لأولادى و الآن لأحفادى من أننى فى عمرهم لم أكن أعرف من وسائل التسلية سوى الراديو اللمبات الذى يعمل بالكهرباء و فيما بعد فى الستينات و بعد حرب اليمن عرفنا الراديو الترانسيستور ثم التليفزيون الأبيض و الأسود ذو القناتين الخامسة و السابعة والذى ينتهى إرساله فى منتصق الليل
و فيما بعد فى الثمانينات ظهر جهاز الفيديو و إنتشرت نوادى الفيديو و كم من المرات التى كنا نستعير منها الشريط من ناديى الفيديو و نكتشف بعد دقائق من عرضه أننا سبق و شاهدناه من قبل لأن فى ذلك الوقت لم يكن لدينا ما عرف فيما بعد باسم الجداول الإليكترونية لتسجيل ملاحظاتنا على الأشياء لتجنب تكرارها
و برغم ذلك كانت تلك الأيام أفضل مما نعيشه الآن .