بلد الازمات فى حماية ادارة تسببت فى الازمات ولا تعرف كيفية ادارة الازمات
النتيجة 0000000000000
بلد الازمات فى حماية ادارة تسببت فى الازمات ولا تعرف كيفية ادارة الازمات
النتيجة 0000000000000
الازمات دي لا يمكن ابدا ان تكون مفتعلة :rfds:
و بكل ثقة مطلقة اقدر اقول ان الناس دي عايمة في مية البطيخ و كل ازمة بتقع في حيص و بيص اكثر من الاول لأن
اولا : عدم وجود كفاءات المهم اهل الثقة و الكفاءة تيجي بعدين و لو ما جتش مش فارقة
ثانيا : اي كفاءة موجودة في اي منصب مقيدة بقيود كثيرة تجعلها اما ترضي بالواقع و اما ان تخرج مع اول شلوت
المخزون الاستراتيجي لدينا من القمح لا يكاد يكفي شهرين و ربما اقل و لأن الحكومة الامريكية تعلم عنا اكثر من حكومتنا عرضت فورا توريد القمح عبر السيدة السفيرة بس احنا عندنا كرامة :mahf(5):
ننتظر كام شهر بس و هتجد القمح الامريكي - أغلي قمح في العالم - موردا الينا كي نأكله في ذل :mahf(5):
رجاء خاص
لا يجب ان ننسي حكومتنا و قيادتها الموقرة من الدعاء ساعة الافطار :ask:
لعل الله يأتي لنا بالفرج من عنده :ask:
و يصلح لنا الحال
لالالالالالالالالالالالا
انتظرو
الاسواء لم ياتى بعد
دى كلمة قريتها فى الجرايد من سنتان
وفعلا كل مادا الى الاسواء يا بلدى
خسارة و الف خسارة عليكى يا بلدى
و خسارة بعض الشرفاء القليلين الموجدين فيكى
مامتى راحت تشترى مكرونة لقيت الاسعار ارتفعت فاتصدمت
البائع بيقولها مش الدقيق غلى يا حاجة لازم المكرونة تغلى
قالتله هو الدقيق كمان غلى
ههههههههههههه
جاية تحكيلى
افتكرتك على طول يا طبيب
قولتلها لسة كنا بنتكلم فى موضوع القمح
قالت يبقا محدش هيعمل كحك بقا
تفتكروا الناس فعلا مش هيعملوا الكحك ؟؟؟؟؟؟؟؟؟؟؟؟؟
يعني ايه كحك !!!!!!!!
صحيح الدقيق بقه بكام ؟
مش الدقيق بس اللى غالى
الطماطم بقت ب 4 جنيه مصرى حقير
كيلو صدور الفراخ البانيه ب 44 ملطوش مصرى حقير
الفرخة ب 38 ملطوش مصرى حقير
الرز ب 5.25 و لسه لما يوقفوا زراعته علشان نقص و توفير مية الرى حايوصل سعره ل 7 ملطوش على اقل تقدير و ده لو الهند و الصين وافقوا يشحتونا بفلوس
زيت الذرة كريستال اللتر ب 14 ملطوش مصرى بالجزمة
يعنى الدنيا بتولع و احنا قاعدين
انا مش عارف العصابة اللى ماسكة البلد دى حاتعمل فينا ايه تانى
كده مش فاضل غير ضربة البنزين علشان الناس تقتل بعض فى الشوارع
و باقول الناس تقتل بعض فى الشوارع لاننا مش بنقدر غير على بعض و بنخاف نواجه السبب الحقيقى لكل مشاكلنا
لعن الله من كان السبب فى كل زمان و كتاب
طب انا فعليا هنزل بكره اشترى مكرونه و دقيق و رز بلمره احتياطى
مش عشان هيغلا لا
عشان ممكن منلاقيهوش فى السوق اصلا!
ايه الاسعار دى يا جماعه!!!!!
على رأى واحد كبير فى السن اعرفه قالى يابنى جيلكم دا اغلبه مش هيلاقى ياكل بعد كدا
يلا نلحق ناكل الى نفسنا فيه من دلوقتى عشان هنعمل بيات شتوى لمده خمس قرون :36_1_1[1]:
حسبى الله ونعم الوكيل
[youtube]http://www.youtube.com/watch?v=Wes4Tdxe798&feature=player_embedded[/youtube]
نقول شوية معلومات من داخل الغرف بوزارة الزراعة
بعد أن ذهب يوسف والي ببلاويه
وتم عمل حماية له من أي ملاحقة قضائية أو إتهامات عن طريق سجن وقطع رجل كل من يقوم بالتفتيش خلفه
تم تولية الأمر لوزير آخر إسمه الليثي تقريباً
وبعدها غيروه بالوزير الجديد أباظة
وزير الزراعة الجديد
بعد أن تسلم الأمور
بدأ يصدر أوامر وتعليمات تقلل من التشجيع على زراعة القمح في مصر
وبدأ يخفض أسعار شراء القمح من المزارعين
وعندما نبهه بعض الأمناء المخلصين لأن تلك الأفعال ستحطم حلم الإكتفاء الذاتي من القمح
قال إكتفاء ذاتي إيه
وأعلن أنه لا يهتم بهذا الأمر
فلديه أفكار ألمعية أخرى
وبدأنا نسمع عن فكاهات مثل زراعة القمح بكندا أو بأماكن أخرى
وبالتالي فإنهم ليس لديهم فكر الإكتفاء الذاتي
وبالنسبة للأمن القومي الغذائي وقع في أيد من ليس أهل لها
لذلك فلا تنتظروا أي تفكير منهم في مسألة الإكتفاء الذاتي من القمح إلا لو تغير الوزير والفكر
وفي النهاية رزقنا على الله
بقينا قاعدين مستنين مصيرنا ... ما بنعملش حاجة .. مش عارفين ومش عاوزين
قلبت المواجع يا سامى
طيب كل اللي فات ده وعارفينه
عارفين السبب وعارفين النتيجة
لاكن هيفضل لحد امتى دورنا مقتصر على سرد السلبيات
ومنتظرين الحل ييجي من عند ربنا او من غيرنا
في النتديات الناس بتكلم
في الشغل الناس بتكلم في الشارع الناس بتكلم
بيتهايالي ان سلاح الككلام ده لا بقى يودي ولا يجيب
يا ريت كلنا نفكر ايه هو الحل وازاي نكون عمليين فيه
مياة + كهرباء + غذاء
ده الجديد
صحة + أمن + سكن
ده من زمااااااااااااااان
بدأنا نفقد مقومات الدولة
احمد باشا فكرتني بقصة قريتها في كتاب المقريزي "كشف الغمة في اغاثة الامة"
القصة وما فيها باختصار و تصرف انه في عهد المستنصر وبسبب الفساد الاداري وشحوح ماء الفيضان حدثت مجاعة بالبلاد، لم يجد الناس ما يأكلوا حتي انهم كانوا بيدوروا علي القطط و الكلاب ياكلوها و كانت بتتباع القطة ب 3 دنانير و الكلب ب 5 دنانير ، وماكنش فيه قمح ولا حبوب
و تطورت المجاعة الي ان ناس كانت تقعد علي سطوح بيوتهم و معاهم حبال في نهايتها كلاليب و خطافات .. ويحدفوها علي المارة يصطادوهم "بني آدميين " و يقتلوهم و يشوهم و يأكلوهم . وفي الزمن ده واحدة من الاثرياء يعني عنده دهب و جواهر صحيت لقت اطفالها بعبطوا من الجوع و صعبوا عليها قعدت تقلب في جواهرها لحد مالقت عقد قيمته 1000 دينار ، لفت بيه علي كل محلات الحبوب علشان تشتري شوال دقيق... وماحدش راضي يبيعلها !!! لحد ما اشترت الشوال مقايضة مع العقد و اجرت شيال وعدته تديله جزء من الدقيق ،، و في لاطريق تكالب الناس عليها و سحبوا الشوال ووقعوه وخطفوا الدقيق كله وهي بس لحقت حفنة من ادقيق ملو اليدين ، خبيتها وروحت عجنتها وخبزتها و خبيتها في قماش و راحة قدام ساحة بيت المستنصر و طلعت الدقيق و بعلو الصوت دعت "رحم الله خليفتنا المستنصر اللذي صار الرغيف في عهده بالف دينار"
يسكت المستنصر ؟؟؟ ماسكتش جاب الوالي وهدده يقطع راسه لو ماحلش المشكلة و الوالي المكار لما حس ان فيها رقبته جاب امن السجن مجموعة من الخطرين ولبسهم زي التجار و دخلهم ساحة الوالي زز وفي نفس الوقت جمع التجار كلهم.. وراح قاطع راس الخطرين دول علي اساس انهم تجار امتنعوا عن اخراج مخزون الغلال .. وفي نهار واحد لا غير .. خرجت الغلال للاسواق واتباع الرطلين بدرهم
طويلة لكن حسيت لن ده مكانها
تحياتي
بالظبط كده :S_thum1[1]:
المشكلة ان الغلط اصبح مش فى النظام الادارى فقط.....المشكلة انه خرج اجيال...واحنا منها
اتطبعت ع ان الغلط هو الصح.....و لو فى امل ان المفاهيم ديه تتغير فهى عايزة سنين..و هتتغير ف الجديد
مش فينا
عشان كده .... بأدعيلك ربنا يوفقك و تفك بسلام
لا حول ولا قوة إلا بالله
إيه الأسعار اللي بتقولوها دي يا جماعه !
انهارده واحد صاحبي كان زعلان علشان اشتري اتنين كيلو توم ب30 جنيه وقلنا عادي يمكن غالي علشان مش الموسم بتاعه ومضحوك عليه في 10 جنيه مثلا ... لكن الدقيق ب5 جنيه ! والرز ب5 جنيه ؟ وبيضة إيه دي اللي ب90 قرش ؟ ديناصور ؟؟
نعمل ايه طيب ؟ نسيبلهم البلد يصحو الصبح ميلاقوش شعب يحكموه ويدورو علي عقد عمل في السعوديه ؟
ازمة زى ازمه القمح دى او الكهرباء المفروض يكون فيها اقاله للحكومة كلها بسبب سياستها الفاشلة فى توفير الضروريات
وزير الكهرباء ووزير البترول كل واحد بيقول انت السبب فى ازمة الكهرباء مفيش حد بيشيل المسؤلية
هنشوف ازمة القمح دى هيقولو مين السبب فيها ؟؟ اكيد هيطلع الشعب الغلبان هو السبب مهو مفيش غيرنا اللى بيغلط وهما معصومين من الخطأ ...!!!
استغفر الله العظيم وحسبى الله ونعم الوكيل
وحيااااااااااااتك بيضه حمامه استحاله تكون بيضه فرخه ده لو شفتها تضرب كف على كف
فين البيض بتاع زمااااااان ده الى من كتر مهو كبير تفتح البيضه تلاقى صفارين
دلوقتى من كتر الحقن والهيرمونات الى بيدوها للفراخ عشان تجيب بيض اكتر بقت البيضه بجد زى بيضه الحمامه فى نفس الحجم بالظبط وب 90 قرش
وعجبى
هههههههههه وانت مش عارف مين السبب فى الازمه انت غلبان
السبب هو الفلاح الطماع طبعا لانه اتجه الى زراعه الكيوى والكاكا (على رأى كريم عبد العزيز ) وساب زراعه القمح (ده اللى حيتقال طبعا )
يبقى مين السبب
زى متجار المواشى الطماعين هما السبب فى غلو اسعار اللحمه
واتضح فى الاخر ان كل دى تمثليه عشان صفقه اللحمه الى نزلت السوق ب 33 جنيه وب 27 جنيه
وعجبى
وزراء يكرهون خبز أمهم
من أروع قصائد المدهش محمود درويش تلك التى كان يقول فيها «أحن إلى خبز أمى» ليت هؤلاء الوزراء الذين يستبسلون فى حرمان مصر من زرع القمح وخبز الأمهات يدركون قيمة أن تحيا على ما تنتجه بيديك، لكن المسافة بين هذا الحلم البسيط المشروع وبين الواقع المتهرئ هى ذاتها بين الشعر والشعير.. ولأنهم لا يحبون الشعر فإنهم يكرهون القمح، إلا المستورد منه.
فى فترة رئاسة بيل كلينتون للولايات المتحدة كان نائبه آل جور فى زيارة إلى مصر وقرر أن يسافر لمشاهدة مشروع توشكى على الطبيعة، وسافر إلى هناك يرافقه وزير الرى المصرى فى ذلك الوقت الدكتور محمود أبو زيد، ولم يكن معهما صحفيون ولا إعلاميون على الطائرة وحين وصلا سأل آل جور الوزير أبو زيد ماذا أنتم فاعلون بهذه الأراضى فرد الأخير نخطط لزراعتها قمحا..
ابتلع آل جور الإجابة دون أن يعلق وبعد أقل من ساعة من العودة إلى القاهرة رن هاتف الوزير أبو زيد وكان المتصل وزير الزراعة واستصلاح الأراضى فى ذلك الوقت الدكتور يوسف والى ولم تخرج المكالمة عن توجيه سؤال غاضب: هل تحدثت مع نائب الرئيس الأمريكى فى زراعة توشكى بالقمح فرد أبو زيد: نعم فرد والى بصرامة طالبا من وزير الرى عدم الكلام فيما لا يخصه بعد ذلك، بالبلدى كده «ما تبقاش تتدخل فى اللى مالكش فيه تانى» مرة أخرى لم يكن هناك أحد على الطائرة التى أقلت الوزير ونائب كلينتون إلى توشكى سواهما، ولاحظ معى السرعة المذهلة التى عبر بها والى عن انزعاجه نقلا عن انزعاج آل جور.
ما سبق حدث بالفعل وقد رواه لى مصدر محترم أثق فى أمانته ودقته كثيرا، وهو يكشف إلى أى حد لا تتسامح واشنطن مع أى تفكير مصرى فى مسألة الاكتفاء الذاتى من القمح، فقد تغض أمريكا الطرف عن محاولة امتلاك الطاقة النووية لكنها أبدا لا تتساهل مع من يحاولون امتلاك القمح بأيديهم. لكن المؤسف أن تنظيم «طلائع القمح» من المسئولين المصريين تعامل مع الرغبة الأمريكية باعتبارها القضاء والقدر ومن ثم لم يحاولوا شق عصا الطاعة العمياء، وبالتالى كان طبيعيا ألا يعمر أحمد الليثى فى موقعه كوزير للزراعة أكثر من سنة ونصف السنة، وكأنه كان مجرد غلطة مطبعية فى تشكيلات مصر الوزارية.
وقارن بين ما حدث فى مصر وما جرى مع سوريا عام ١٩٩٢ حين قررت دمشق أن تناور الأمريكان بعد ضمهم لها إلى قائمة محور الشر..
ماذا فعل حافظ الأسد؟ وفقا لما عرفته من وزير زراعة مصر المستبعد عقابا على تفكيره فى اكتفاء ذاتى من القمح أحمد الليثى استدعى الرئيس السورى علماء الزراعة فى بلاده وطلب منهم البدء فورا فى وضع وتنفيذ خطط للاستغناء عن مليون ونصف المليون طن قمح كانت تستوردها سوريا من أمريكا سنويا.. وبالفعل بعد ثلاث سنوات كانت سوريا قد اكتفت ذاتيا من القمح وصار لديها فائض للتصدير بعضه استوردته مصر فى صفقات تبادلية.
إذن المسألة باختصار هى إرادة سياسية، وتربية أخلاقية، ووطنية تزرع فى الوجدان قيما نبيلة كأن تأكل من زرع يديك حتى وإن كان الشراء أسهل، هى مسألة كرامة واعتزاز بالوطن تعلى الحقل على السوبر ماركت وتعتبر الإنتاج عبادة. والحديث موصول
ظˆط²ط±ط§ط، ظٹظƒط±ظ‡ظˆظ† ط®ط¨ط² ط£ظ…ظ‡ظ… - ظˆط§ط¦ظ„ ظ‚ظ†ط¯ظٹظ„ - ظ…ظ‚ط§ظ„ط§طھ ظˆط£ط¹ظ…ط¯ط© - ط¬ط±ظٹط¯ط© ط§ظ„ط´ط±ظˆظ‚
55 ألف طن من القمح الامريكى يتم تسليمها سبتمبر المقبل
55 ط£ظ„ظپ ط·ظ† ظ…ظ† ط§ظ„ظ‚ظ…ط. ط§ظ„ط§ظ…ط±ظٹظƒظ‰ ظٹطھظ… طھط³ظ„ظٹظ…ظ‡ط§ ط³ط¨طھظ…ط¨ط± ط§ظ„ظ…ظ‚ط¨ظ„
الموضوع ده فكرنى بالرد المستفز المشهور الى خلى الثورة الفرنسية تحصل.
لما الشعب الفرنسى كان بيموت من الجوع مش لاقين قمح و واحد منهم راح أشتكى للملكة ماري أنطوانيت بيقولها أن فى هياج و غضب الناس... مش لاقية تاكل رغيف العيش. ردت : طالما مفيش عيش ..ياكلوا جاتوه أو بسكويت
فيا جماعة نستحمل العيد ده مش لازم كحك و ناكل جاتوه و أمرنا لله :))
سيبنا القمح و بنزرع فراولة
ضيعتوا البلد منكم لله سيبوها بقى
سبحان الله ولا حول ولاقوة الا بالله العلي العظيم بلاد معندهاش قمح تماما وبتتعرض لمجاعه وبلاد وشيكة الوقوع
في المجاعه وبلاد عندها فائض وبتصدر وبلاد عايزه تستخدمه وقود حيوي للسيارات والطيارات
لنا الله