الموضوع: طلب استشارة عاجل جداا من اهل الخبرة

المشاركة الأصلية كتبت بواسطة mohfud

الله يفتح عليك ياهندسة بس ليا سؤال لية مصر على رشاشات البى أم رغم أنها قديمة الصنع يعنى المفروض عمرها الافتراضى قرب ينتهى ورافض رشاشات الفيرنا والاكسنت حديثة الصنع تعيش أكثر وشغلها جيد حسب ما سمعت من بعض الاخوة
وشكرا لمعلوماتك القيمة وأرائك السديدة الغالية

الله يخلليك

الاسباب اللى مرجحة كفة الBMW تنقسم لجزء ما قبل التجربة و جزء ما بعد التجربة:

بالنسبة لما قبل التجربة فا انا بدات برشاشات الBMW لانها كانت رخيصة... 200 جنية فقط لاغير... و الرشاشات دى صناعة شركة بوش الالمانية رائدة صناعة مكونات السيارات فى العالم بالتالى كانت هى انسب اختيار للتجربة عشان لو خسرت فلوسى مخصرش كتير و كمان ابقى مركب حاجة صناعة محترمة بدل ما انا صرفت 750 جنية فى طقم رشاشات اصلى و كان مصيرة صفيحة الزبالة

بالنسبة لما بعد التجربة فا طقم الرشاشات اللى نزل فى عربية موديل سنة 1989 لسة لحد النهاردة شغال بكفاءة و لم يختل اداءة و الحمد لله حتى يومنا هذا... انا بتكلم من واقع تجربة عملية فى عربيتين واحدة منهم عربية الوالد و دى اول عربية دايو ركب فيها رشاشات BMW و حتى الان العربية عاملة حوالى 27 الف كيلو بالرشاشات دى على مدار 3 سنين و نص....

و كمان عربيتى اللى عاملة النهاردة اكتر من 42 الف كيلو بالرشاشات دى على مدار 3 سنوات و الحمد لله الدوارة زى الفل و كمان الاداء على الطريق و التسارع بتاع العربية و استجابها

هل ممكن النهاردة بعد كل الحقائق دى افكر انى استعمل رشاشات هيونداى اللى انا شخصيا مش عارف هما صناعة ايه و بيتباعوا استيراد ب 350 جنية تقريبا (مرة ونص تمن الBMW) و بشهادة الناس اللى ركبتها بتخنق العربية؟؟

MMamdouh