ممكن يا جماعه حد يفيدني في الموضوع ده كنت عايز اعرف مميزات وعيوب كل عربيه وايهما افضل
1-هيونداي جيتز اوتوماتيك
2-شيفروليه افيو هاتش باك اوتوماتيك
و في سؤال تانى
اية رايكم فى البيكانتو اوتوماتيك (على فكرة انا مش بجرى ولا بعمل حركات ب العربية ) ؟
ممكن يا جماعه حد يفيدني في الموضوع ده كنت عايز اعرف مميزات وعيوب كل عربيه وايهما افضل
1-هيونداي جيتز اوتوماتيك
2-شيفروليه افيو هاتش باك اوتوماتيك
و في سؤال تانى
اية رايكم فى البيكانتو اوتوماتيك (على فكرة انا مش بجرى ولا بعمل حركات ب العربية ) ؟
والله انا مش اعرف العيوب و المميزات بتاعتهم بس الى اكيد ان الجيتز احسن بكتير انتشار و موتور قوى وشكلها احسن انما اللافيو فيها مشاكل كتير و مش منتشرة
اية أخبار قطع الغيار ؟
طبعا الجيتز موتورها أقوى بكتيييير وقطع غيار ارخص
لو ملكش في الجري والعربية مش لعائلة
ووصل بيك التفكير للبيكانتو
فكر في الفيات بونتو كلاسيك بـ 66 ألف بس
انا متشكر جدا لتوضيحك يا مهندس احمد بس انا محتاج عربية اوتوماتيك و تكييف و هاتش باك
بص يا باشا ابعد عن الافيو عربيه سيئه جدا جدا ياعنى الفيرنا افضل منها و الجيتز عربيه ممتازه جدا و عربيه جميله جدا و ديه الى بتاعت جرى بجد و البونتو كلاسيك مش اوتوماتيك يا باشا بس عربيه موفره قطع غيارها معظمها موجود بره التوكيل و و العربيه منتشره الى حد ما بس مش الانتشار الجامد منتشره وفى نفس الوقت مميزه بس عشان حضرتك عايز حاجه اوتو يبقى الافضل ليك الجيتز يا تزود حبتين تجيب الجين 2 فتيس يابانى ياعنى فى الامان
سيبك من الافيو وطبعا الجيتز افضل
وبرده سيبك من الجيتز وخش على الجديد i20 البديل الجديد للجيتز من هيونداي ولو عايز عربية اوتو ومكيفة وسعرها معقول شوية بس اقل في السي سي ومش هاتش باك فيه برتون ساجا
ان متشكر جدا يا جماعة على نصائحكم و شكلى كدة هجيب الجيتز
نصيحه اخ هات كيا بيكانتو اوتواتيك خليجي 71000 جم و بها جميع الكماليات +مساحه خلفيه+فوانيس شبوره+ 2مفتاح ريمزت شيك اوي زي العربيات اللي ب 200 الف جم +فيتيس جديد رائع و ناعم و عملي + الباور تحفه +التكييف ممتاز بجد صفقه العمر
رأيى الجيتز احسن اختيار فى المواصفات اللى انت محددها
انتو حكمتو على الافيو الهاتشباك انها سيئه - حد معاه ولا حكمتو بنائا على سمعه افيو السيدان؟؟؟؟؟؟
على فكره انا معايا العربيه 25000 كيلو ومع اخويا 60000 كيلو والاتنين موديل 2009 اتوماتيك ماشاء الله بحس انها بنت الكروز وبرده فيها فوانيس شبوره وبتنزل بجنط طاسات مقاس 15 وفوانيس شبوره قدام وورا وفيه تحكم فى ارتفاع الكشاف الامامى وفيها مساحه خلفيه ومريات كهرباء وايرباج للسائق وسنتر لوك من غير ريموت وشكلها الحمد لله جميل جدا واتزان على الطريق لحد 160 الحمد لله
مشقادر اقولكم اخويا فاحتها عامل بيها 60000 كيلو من شهر 6 اللى فات يعنى سنه وشهرين والحمد لله العربيه زى الفل وكمان ابقى بص على قوايم والعربيه ماشاء الله العربيه وزنها تقيل وسعرها 81000 جنيه على موتور 1500 cc
انا مستعد اقابل اللى عايز يشترى ويجرب عربيتى ويجرب الجيتز و بيكانتو
البيكانتو حلوة طبعا لاكن اسيب عربيه 1500 واجيب 1100 والفرق 10000
والجيتز لا غبار عليها بس لما بشوفها عباره عن موتور فقط وخفيفه جدا ومقاس جنوطها 14 يعنى ثبات فى الضياع ومن غير ايرباج وكمان تعالى جنط واصرف
انا العربيه يادوب بنزين وزيت فقط ومصرفتش الهوا عليها لانها مش محتاجه
اقولكو على حاجه - العربيه دى محدش يعرف عنها حاجه
دنا حتى لما كنت بعمل صياه 10000 فى منصور الصحراوى الراجل وهو بيربطلى العافشه عشان انا زوغت من الامن ووقفت جنبه شاف مقاس الجنوط وقولى انت مغيرلها جنوط قولتلو لا دى الفبريكه انت معندكش فكره عن العربيه قالى لا والله اول مره اعرف
وكفايه انها العربيه الافيو الاتوماتيك الوحيد اللى كورى 100% زى الاوبترا الاتوماتيك والكروز الاتوماتيك مش زى الافيو السيدان الاتوماتيك المتجمعه فى مصر
والسلام عليكم