فين الاهالى و فين التربية ؟؟

**HESHAM AMIN** · 06-03-2008 12:47 PM

انا شاكر على ردك
بس بعد الشرح انا فخور انى متخلف
وحسبى الله ونعم الوكيل

**osamaesm** · 06-03-2008 12:51 PM

انا ساكن في مدينه نصر في التوفيق بتاعه القوات المسلحه يعني تقريبا نسبه 85% علي الاقل ظباط جيش اللي ساكنين
عندنا الحشيش بيتباع عادي واللي بيبيعو معروفين واماكن الضرب والرل معروفه وناس كتير اوي اوي بشربو
وفعلا الحكومه بتدعمه يعني قرش الحشيش ثابت نفسه بقاله زمن وهو محافظ علي سعره علي الرغم من ارتفاع الاسعار الرهيب
(ملحوظه انا مش بشرب بس ليا صحابي كتير بشربو )
osama

**crazylambada** · 06-03-2008 12:52 PM

طب اقولكم حاجة
انا في الزقازيق
اتمشى بالعربية كده الساعة اتنين بليل و شوف العربيات اللي بتبقى راكنة في حتت كده
و ساعاتها بقول جملة واحدة
هو فين بوليس الاداب
و مين البنات دي
ربنا يستر علينا

**Ghamrawy** · 06-03-2008 08:42 PM

واضح من كل الكلام ده ان القيامة قربت اوى
فعلا ربنا لا تؤاخذنا بما فعل السفاء منا

**Zabady** · 07-03-2008 05:37 PM

الموضوع الي حضرتك بتكلم فيه من زمان جدا وبيحصلي في الجامعات من زمان والمصيبه ان الامن عارف اللي بيحصل مش بعيد ان يكون هم اللي بيبيعو

**polo61** · 12-06-2008 08:03 PM

انا بقى هاحكى لكم على موقف حصل معاى وكنت هاموت من الرعب
كنت راكبة تاكسى ورايحة موبنيل سموحة وبعدين سواق التاكسى قاللى هنا يامدام تنزلى وخطوتين وتلاقى موبينيل انا قلت اوك مش ممكن يكون كذاب يعنى
المهم نزلت وفضلت ماشية كتير ولما تعبت قلت اسال اى حد
المهم مالقتش حد ماشى فى الشارع وكنا فى الشتاء حوالى الساعة 6 يعنى الوقت بعد المغرب بكتيير
المهم وانا ماشية لقيت عربيات راكنة وكلها شباب صغيرين واكيد بييعملوا حاجة غلط جدا لانهم اتفزعوا منى لما كنت ماشية بجوار العربية طبعا انا كنت هاموت من الرعب وجريت بسرعة من الخوف
ربنا يحفظنا ويرحمنا برحمته وحسبى الله على الشباب بنات وصبيان

**smsmbakr** · 12-06-2008 08:22 PM

ندعلهم ربنا يهديهم
ويلاقوا حد ينصحهم

**MoToRiZeR** · 12-06-2008 08:28 PM

في المعمورة علي سبيل المثال

الرل في اي حتة .. و الجنس في شنط العربيات الجيب او الكنبة اللي ورا !
انا مرة و الله كنت في المعمورة و لسة صاحي من النوم طلعت في البلكونة
كانت الساعة 11 الظهر تقريبا (!!!!)
لقيت 128 راكب فيها ولد و بنت و شغالين الله ينور تحت البلكونة

عشان كدة تلاقي معظم عربيات المعمورة مفيمة
و الامر سيان بالنسبة للقاهرة بس في القاهرة كل جروب بيعمل "السبوت" بتاعه و يفيم برده

و طبعا معروف للجميع ان في مصر ... انك تجيب قرش حشيش اسرع بكتير من انك تجيب رغيف عيش .. الحشيش ما شاء الله مرطرط في كل حتة و اصناف و ليه شبكة موزعين تغطي جميع انحاء الوطن !

انا كتير بشوف بنات كتير بتحشش في الشارع في سن 15 - 18 سنة كدة ... في الزمالك الحتة بتاعة هارديز اللي جوة اللي كاتبين فيها بالسبراي عالحيطة دي

اهل ايه يا راجل .. صباح الفل
ده فيه ناس بتفرح بولادها كدة .. يقولك الحمد لله الواد طلع مطقطق

**mmolazem** · 12-06-2008 10:45 PM

الى الامام

دا احنا كده مفيش ( مجال ) الا وحققنا فيه الجداره.

لله الأمر من قبل و من بعد.

.

**mohamed ibiza** · 12-06-2008 10:52 PM

انا شفت شباب بيشربوا بانجو عندنا في جامعة القاهرة و بنات كتييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي يييير بتشرب سجاير مبقتش حاجة جديدة!!!!!!!!!!!!!