فين الاهالى و فين التربية ؟؟

**Ghamrawy** · 05-03-2008 10:24 PM

بعد يوم طويل و متعب فى الشغل راجع كالعادة و قاعد سرحان فى شباك اتوبيس الشغل و الشارع واقف و الدنيا زاحمة برضه كالعادة و فجأة جه نظرى على حاجة مريبة بتحصل فى العربيى اللى جانبى عربية كورولا عيون لونها اخضر ملاكى اسكندرية ...147 و فيها 3 شباب صغير ما يعديش ال 20 سنة المهم دققت شوية و و سعت الستارة بتاعة الشباك و اذا بالبيه (الطفل بمعنى اصح) فارد ورقة و عمال يفضى السجاير و يحشى حبة من الهباب الاخضر (مش عارف بانجو ولا حشيش) اللى فى الورقة و حبة من التبغ اللى هو فضاه و الكلام ده الساعة كام ؟؟ الساعة 3:45 العصر فى اشارة شارع قناة السويس فى اسكندرية.بصراحة قرفت علشان دى مش اول مرة اشوف المنظر ده و طبعا الاهالى يا اما فى الطراوة يا اما مهلوكين فى الشغل علشان البهوات يركبوا عربيات و يلبسوا و يشربوا مخدرات و يطسطلوا و يدوسوا و يخبطوا خلق الله
فين الدين فين التربية ؟؟!! طبعا الاجابة معروفة يا حسرة عليكى يا مصر وعلى رجالة المستقبل

**eng / AhmeD** · 05-03-2008 11:11 PM

يا معلم انا بشوف الموضوع ده كتير
و خد عندك في الجامعة الصبح كمان ممكن تلاقي حشيش
و الغلط في رأيي علي التربية اولا
و شخصية الشاب و اصدقاء السوء ثانيا
ده غير طبعا توفر سبل الفساد (حتي الحشيش بقي في متناول الجميع و هينزل عليه دعم من الحكومة قريب)
و علي فكرة ممكن تلاقي واحد متدين بيشرب بردو
المصريين عرفوا يخرجوا المخدرات من الدين صح
يعني تلاقي واحد بيشرب حشيش و تقوله انت بتزني...؟.... يقولك اعوذ بالله
و علي فكرة الكلام ينطبق علي السجاير
يعني من الاخر كل ما يضر بالصحة حرام
عشان انت هتسأل عنها يوم القيامة فهي امانة حتي يتم حسابك و بعدين هي مش ملك للانسان و انما لخالقها
ده من ناحية الدين

اما التربية و هي المهم في الموضوع
ياما الاب مسافر يشتغل بره و حط الفلوس هدف ليه و بيضحك علي نفسه بانه كده بيأمن مستقبل ولاده و ميعرفش ان الفلوس بتيجي و تروح انما الابن لما بيروح خلاص ما بيرجعش و يسيب الام اللي صعب تقوم بدور الاب و الام سوا فهي كمان يا ماتربيش العيال و يضيعوا خالص يا اما تقفل عليهم و يطلعوا منطويين و اول ما يتعاملوا مع المجتمع هيعملوا اي حاجة عشان يحاولوا يثبتوا نفسهم انهم برم و هيضيعوا بردو

ولا اصدقاء السوء بقي دول شياطين بجد
ميعديش منهم غير اللي اتربي صح الصح

و في الاخر بوجه اللوم علي الاهل في المقام الاول بردو

**ahmedateya** · 06-03-2008 12:55 AM

هوة حضرتك عايش في االمريخ مثلا؟
والله ده بقى عادة متكررة ان تلاقي حد من العربية اللي جنبك لو في اشارة مثلا بطلب منك سيجارة علشان "يرول" بيها و الكلام ده بيحصل من 24ساعة و عادة يومية

**Khalid_Mostafa** · 06-03-2008 11:20 AM

المشاركة الأصلية كتبت بواسطة ahmedateya

هوة حضرتك عايش في االمريخ مثلا؟
والله ده بقى عادة متكررة ان تلاقي حد من العربية اللي جنبك لو في اشارة مثلا بطلب منك سيجارة علشان "يرول" بيها و الكلام ده بيحصل من 24ساعة و عادة يومية

لأ هو مش عايش في المريخ ..وانا كما مش متعود اشوف المناظر دي ..خصوصاً في شارع زي شارع قناة السويس و العصر كمان ..!!!
يمكن تكون المناظر دي مش معتاده في إسكندريه

**حماده عزو** · 06-03-2008 11:29 AM

موضوع عادى جدا يا باشا
وبيحصل عندتا كتير لدرجه أن بقا فى أماكن مخصوصه للموضوع ده
وكمان عادى ونتا واقف بعربيتك فى أى شارع تلاقى واحد شكلو موريب ( ديلر )
يجى يضحكلك ضحكه صفراء من أياهم ويقولك أى خدمه يا باشا مزاجك عنب

**Islam_galal** · 06-03-2008 11:37 AM

زي ما كل حاجة بتطور ، برضه إحنا بتطور
دلوقتي أي حد بيرول (حلوة بيرول دي) أهو ده تطور لان مدارس اللغات انتشرت يبقي قل: بيرول
و لا تقل : بيلف

المهم البشر بيلفوا في دوائر مغلقة علي مدار التاريخ و كل جيل بيتخيل نفسه مختلف
مثال:
في الستينات و مع انتشار الفكر القومي العلماني و انحسار الأخلاق و الدين كان الجيل ده بينظر للجيل اللي قبلة نظرة احتقار متناهيه
طبعا البنت المتحضرة بتلبس نانو جيب (يعني تقربيا مفيش جيب) بينما الأجيال اللي قبلهم بزمن بسيط كانو بيلبسوا يشمك

النتيجة: النكسة و استتبعها خسران خمس أرض مصر ووجود جنازة تقريبا في كل أسرة و شعور بالذل و المهانة غير مسبوق و خسائر سياسية و اقتصادية ماثلة حتي الآن بعد 40 سنة

إن الله يمهل و لا يهمل
{وَمَا كَانَ رَبُّكَ لِيُهْلِكَ الْقُرَى بِظُلْمٍ وَأَهْلُهَا مُصْلِحُونَ }هود117
{ذَلِكَ أَن لَّمْ يَكُن رَّبُّكَ مُهْلِكَ الْقُرَى بِظُلْمٍ وَأَهْلُهَا غَافِلُونَ} (131) سورة الأنعام
( وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا )"16" (سورة الإسراء)

**mshamy** · 06-03-2008 11:42 AM

الموضوع ماببقاش مخدرات و بس
من يوم ما الهباب اللي اسمه Dvd و الشاشات بدأت تركب في العربيات أن شفت بعيني في شارع رئيسي (23 يوليو) في بورسعيد 4 شباب مشغلين فيلم جنسي في العربية. أنا أخدت رقم العربية و اتصلت بواحد قريبي و هو ضابط كبير و قولتله الموضوع و خلال ساعتين العيال دول اتمسكوا و اتصلوا بأهاليهم علشان يستلموهم من القسم مع عمل تعهدات عليهم. و الأحدث من كده الموضه دي دلوقت بقت شغاله تمام مع بعض سائقي الميكروباص و التاكسي و بيتأجروا بالساعة......
اللهم لا تؤاخذنا بما فعل السفهاء منا

**Khalid_Mostafa** · 06-03-2008 11:45 AM

المشاركة الأصلية كتبت بواسطة mshamy

الموضوع ماببقاش مخدرات و بس
من يوم ما الهباب اللي اسمه Dvd و الشاشات بدأت تركب في العربيات أن شفت بعيني في شارع رئيسي (23 يوليو) في بورسعيد 4 شباب مشغلين فيلم جنسي في العربية. أنا أخدت رقم العربية و اتصلت بواحد قريبي و هو ضابط كبير و قولتله الموضوع و خلال ساعتين العيال دول اتمسكوا و اتصلوا بأهاليهم علشان يستلموهم من القسم مع عمل تعهدات عليهم. و الأحدث من كده الموضه دي دلوقت بقت شغاله تمام مع بعض سائقي الميكروباص و التاكسي و بيتأجروا بالساعة......
اللهم لا تؤاخذنا بما فعل السفهاء منا

والله الله ينور عليك..فعلاً سلوك إيجابي بس المشكله انك لو متعرفش ضابط محدش حيعبرك ..مع ان ده المفروض يحصل

**HESHAM AMIN** · 06-03-2008 11:51 AM

المشاركة الأصلية كتبت بواسطة mshamy

دلوقت بقت شغاله تمام مع بعض سائقي الميكروباص و التاكسي و بيتأجروا بالساعة......
اللهم لا تؤاخذنا بما فعل السفهاء منا

يعنى اية بيتاجروا بالساعة
معلش اصل انا من الجيل المتخلف شوية

**mshamy** · 06-03-2008 12:35 PM

المشاركة الأصلية كتبت بواسطة HESHAM AMIN

يعنى اية بيتاجروا بالساعة
معلش اصل انا من الجيل المتخلف شوية

بعص أصحاب أو سائقي التكسيات الخاصة أو المكروباصات الأجرة يقوموا بتجهيز سياراتهم ب DVD + LCD و أفلام اباحية او جنسيه و ممكن مجموعة من الشباب المنحرفيين أو الطلاب الفاشلين يقوموا بتأجير السيارة (بالسائق) بالساعة للفرجة على الأفلام خلالها يقوم السائق باللف و الدوران بالعربية في البلد لحد الساعة او الفليم ما يخلص (ايهما اقرب) و الساعة للعلم بتتراوح ما بين 70-100 جنيه على حسب الركاب و العربية و الكماليات و المفاوضات.

أرجوا اني اكون و ضحت المعنى و ما أعتقدش ان الموضوع له علاقه بتخلف أجيال معينه:)

الموضوع: فين الاهالى و فين التربية ؟؟

LinkBack

أدوات الموضوع

عرض

-

-

-

؟؟؟؟؟؟؟؟؟ -

-

-

المواضيع المتشابهه

التربية العسكرية

أشتباكات بين الامن و الاهالى عند مسرح البالون

امتحاااااااااااااان التربية القومية ......!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة