لسة من يومين كان في مقطورة عند بهتيم مبهدلة الدنيا ومبوظة 7 او 8 عربيات ربنا يسترها معانا
عرض للطباعة
لسة من يومين كان في مقطورة عند بهتيم مبهدلة الدنيا ومبوظة 7 او 8 عربيات ربنا يسترها معانا
انا اتزنقت ساعة على الدائرى الصبح من الوصلة الجديدة لحد كوبرى المنيب
وشوفت 3 عربيات داخلين فى بعض
المشكلة اللى موقفة الدنيا الناس اللى بتمشى تتفرج على الحادثة
لو كل واحد مشى شوية الطريق ميقفش كده
والسبب ايه ؟
يا جماعه لازم يكون فيه حل العربيات النقل المفروض متمشيش مع الملاكى نهاااااااائى يتعملها طريق مخصوص يولعو فى بعض و هتخفف الزحمه شويه و هتقلل الحوادث بنسبه 75 %
هو فعلا حادثه جامدة وفى واحد مات و 18 مصاب وهعمل الخبر حالا
المصرى اليوم : قتيل و١٨ جريحاً فى تصادم ٦ سيارات على «الدائرى» واصابة المرور بالشلل
كتب أحمد عبداللطيف ١٩/ ٨/ ٢٠١٠
تسبب تصادم سيارتى نقل وميكروباص على الطريق الدائرى فى توقف حركة المرور أكثر من ٤ ساعات فى الاتجاهين، بعد أن تخطت إحداهما الجزيرة الوسطى واصطدمت بها ٥ سيارات أخرى. أسفر الحادث عن مصرع مواطن وإصابة ١٨ بجروح طفيفة ونقلوا إلى عدد من المستشفيات القريبة.
وأفادت التحريات والتحقيقات بأن عجلة القيادة اختلت فى يد قائد السيارة الميكروباص بسبب السرعة الزائدة، مما أدى إلى اصطدامه بالسيارة النقل وأثناء الاصطدام سقط سائق الميكروباص من أعلى الكوبرى داخل حظيرة مواشى ولقى حتفه، وتخطت السيارة الطريق المقابل واصطدمت بـ٥ سيارات.
وأمرت النيابة بالتحفظ على جميع السيارات لحين فحصها وإعداد تقرير، وطلبت تحريات المباحث حول الواقعة، كما وجهت إلى سائقى النقل والميكروباص تهمة القتل والإصابة الخطأ والقيادة برعونة وتعريض حياة المواطنين للخطر، تسبب الحادث فى إصابة الطريق الدائرى بتوقف تام، وتولى فريق من رجال المرور سحب السيارات، لإعادة حركة المرور على الطريق.
علي فكرة تفاصيل الحادث مختلفة تماما عن الحقيقة و غلط و مش عارف هما بيجيبوا الكلام ده منيناقتباس:
وأفادت التحريات والتحقيقات بأن عجلة القيادة اختلت فى يد قائد السيارة الميكروباص بسبب السرعة الزائدة، مما أدى إلى اصطدامه بالسيارة النقل وأثناء الاصطدام سقط سائق الميكروباص من أعلى الكوبرى داخل حظيرة مواشى ولقى حتفه، وتخطت السيارة الطريق المقابل واصطدمت بـ٥ سيارات.
أنا كنت شاهد عيان علي الحادث و اللي مكتوب ده ماحصلش
اللي حصل أن الميكروباص هدي سرعته علي الكوبري قبل منزل البحر الاعظم مباشرة علشان ينزل ركاب فأصطدم به سيارة نص نقل و دفعته من علي الكوبري و كاد ان يسقط ثم أصطدمت بالسيارة النقل سيارة أخري ربع نقل و نتيجة الاصطدام انحرفت الي أقصي اليسار و لولا الجزيرة الوسطي لكانت جاءت الي الاتجاه الاخر (اللي كنت انا ماشي فيه) و هنا كان وراء الحادث مباشرة 5 سيارات ملاكي مسرعة أصطدمت بهم و ببعض
دي الحقيقة المرة اللي شوفتها و توقف الطريق بسببها في كلا الاتجاهين
- الاتجاه اللي فيه الحادثة توقف لأكثر من ساعتين لأن الطريق أتقفل
- الاتجاه الاخر توقف للمشاهدة و التصوير
انا بصراحة هديت سرعتي و بعد كده كملت عادي و لم أتوقف للتصوير كما يفعل البعض كي أتيح المجال للأسعاف و الشرطة للوصول لمكان الحادث
ربنا يلطف بنا جميعا و يرحم الجميع
مع خالص تحياتي
م/ سمير الشهاوي