++1111111111111111
والله لو القوانين بتطبق على ابن الوزير هتلاقي الف ابن غفير احترم نفسة ومشي على الصراط المستقيم
عرض للطباعة
اللهم سلم سلم,,,,, المشكلة كلها فى الأستهتار سائقيين الميكروباص و الأجرة و النهم ألى على الفلوس لدرجة أنه لما يلاقى راكب واقف الصبى ألى بيلم الأجرة يقول للسائق هات الربع جنيه ده (الراكب ألى واقف).
العيب مش بس فى التراخيص العيب فى شغل ال .... - الغنم اللى اسمهم امناء شرطه كل همهم على الدايرى تحصيل اتاوات من النقل والميكروباص- وما ظنش فىى الدنيا كلها طريق سريع يبقى فوقه مواقف - مطلع الدايرى من طريق الاسماعيلبه عند السلام بعد ما تطلع ويدوب كيلو واحد وتبتدى تاخد سرعتك تلاقى البهوات بتوع الميكروباص مرصوصين على 3 او اربع حارات والنناس ما شيه بنهم عادى جدا !!!!!!!!!!!!!!!
تخيل بقى لو نقل او اتوبيس جاى من اليمين على 60 حتى ممكن يحصل ايه - ونفس الكلام عند المنزل من الجهة التانيه -
الالذ ان الهمج بتوع المرور ما يحلاش لهم عمل الكماين الا ساعات الذروه - قال الامن واخد حقه قوى - كل همهم بس صيده نقل ولا نص نقل يكون محمل او عنده مخالفه واهبش يا حدع - والله شفت واد بعربيه سوزوكى يظهر ورقه سليم وهم بيرخموا راح طالع كان حيشيل واد منهم ولا قدروا يعملوا حاجه- لانه اكيد ما كانش الكمين رسمى - وانا متاكد بنسبه 90 فى الميه ان فى ضباط بتقسم معاهم - اللى نفسى اشوفه فعلا حادثه يروح فيها كام رتبه من الهمج دول ويترموا على الطريق والاسعاف ما يوصلش لهم الا وهم مطلعين الروح
بجد اللى بيحصل على الدائرى ملخص للفوضى والهمجيه فى البلد دى
[QUOTE=mostafabakry;3872956593]كل دا بسبب ثقافة شعب متهور و مندفه و طماع و غير منظم
الشعب دا لازم يتغير تماما
مع كل اعتراضي علي اداء الحكومة لكن الحكومة هتعمل ايه في عقليات متخلفة مش بتفهم
تشوف لها شعب تانى وتحل عنا
ربنا يلطف بينا جميعا ويرجمنا من الشوارع وسواقة البطلجية
مفروض بجد النقل يتوقف بقا , والميكروباصات يشوفلهم حل ,
ولازم يرجعوا تانى يكشفوا عليهم كل فترة عشان المخدرات اللى فى دمهم , وكمان المقطورة اللى ليها جزئين دى مفروض تتمنع تمشى فى بلدنا , لانها كارثة
واى مقطورة يكون ليها معاد ووقت تمشى فيه وبسرعة معينة وقوانين تحكمها
وكمان المقطورات والنقل اللى بيحمل فى طاقته وبيمشى يرمى طوب وزبالة على خلق الله ده مشكلة ولازم ليها حل
بصراحة
مفروض زى دول الخليج و يطلقوا عربيات ملاكى تمشى فى الشوارع , ويكون فيها اشخاص تبع الشرطة والمرور , بس لابسين لبس عادى , ومتخفين اكنهم مواطنين عاديين و ولما يشوفوا مخالفة يظطوها , وكله فى الاخر حيخاف لما الموضوع ده ينتشر
ومحدش حتلاقى مثلا بيرمى سجارة من العربية او علبة كانز عليه , لان بردوا لو ظبطوا حد كدا يخالفوه , وفى الاخر حاجات كتير حتتعدل فى الطريق والله
وكمان سواقين الميكروباصات اللى بيقفوا على منزل الكبارى ويحملوا مش حتلاقيهم وحيجروا عشان خافين لحد يطلعلهم من تحت الارض
ويمكن كمان قلة الادب تخف شوية لانه حيخاف يبوخ فيك لتكون ظابط وتخده مخالفة
والله حل كويس
وكل الناس بتتقدم الا احنا
لا حول ولا قوة الا بالله
ربنا يرحمنا من غباء بعض السائقين الذى يؤدى الى كوارث
الحكومة لما تفشل في فرض النظام المروري فهي بتتحمل المسؤولية لوحدها ..
العيب أكيد مش في القوانين لأنها مطبقة بكفاءة في مختلف الدول و تأتي بنتائج ..
كما أن العيب ليس في المواطنين بدليل إلتزامهم المروري في الخارج عندما يرون تطبيق القانون بعدل و حزم بعيدا عن مبدأ الإتاوات ..
إذن العيب في من ينتظر منه تطبيق القانون و فقدان الثقة من المواطنين تجاههم
مهو هوه ده العادي في مصر
لك الله يا مصر
حسبى الله ونعم الوكيل فى سواقين الميكروباصات
ربنا يستر معانا.....بجد حاجة فظيعة
انا كنت نازل الهرم اليوم ده و كنت على الرصيف الثاني بجد المنظر كان بشع بمعنى كلمة بشع و انا شايف ان السبب في كل اللي بيحصل ده المنظومة كلها بمعنى السواقين اللي مبيلتزموش بالسرعة المقررة و اكبس بنزين و طير و ربك يسترها و الامناء الغير امناء اللي همهم الهبش و خلاص و الظباط اللي عارفين ان الامناء بيعملو كدة و ساكتين و المخالفات اللي بتتاخد و تترمي على حد ثاني علشان دفع و الواسطة اللي بتطلع رخصة لسواق ميكروباص علشان يمشي الخ ....
انا كل يوم بطلع الدائري ده و انا بقول يا رب استرها معايا و كثير ببعد عنو بارغم من انو بيبقى اسرع و اريح
اقتباس:
الاخوة الكرام ..
أسعد الله صباحنا و صباحكم جميعا بكل الخير ووقانا ووقاكم من شر الطريق و خاصة الطريق الدائري
اليوم صباحا أثناء توجهي الي أبورواش و قبل مروري علي كوبري المنيب بلحظات سمعت نشرة المرور بالاذاعة لأجد تحذيرا عن وقوع حادث كبير علي كوبري المنيب قبل منزل البحر الاعظم في الاتجاه القادم الي المعادي
و ماهي ألا ثواني حتي شاهدت الحادث بنفسي لأري الاتي :
- سيارة ميكروباص معجونة تماما و نصها الامامي متدلي من علي سور الكوبري و الونش بيرفعها
- خلفها سيارة نصف نقل و الكابينة مهشمة تماما
- علي بعد أمتار منها و في الحارة اليسري سيارة أخري ربع نقل محطمة أيضا
- بعدهم بقليل 5 سيارات ملاكي مختفية معالمها علي الجانبين الايمن و الايسر من الطريق
و بالطبع سيارات الاسعاف متوقفة و عمالة تشيل في جثث و رجال المرور و الشرطة في كل مكان
بعد الحادث الطريق متوقف لمسافة لاتقل عن 7 كم
الحكاية بقي أيه ...
- سواق الميكروباص هدي سرعته ووقف كالعادة في الحارة اليمين علشان ينزل راكب
- وراه عربية نقل مسرعة دخلت فيه و ظبطته و دفعته للأمام و كاد أن يسقط من علي الكوبري
- جاي أيضا عربية أخري ربع نقل بسرعة فدخل في النص نقل و أتطوح الي الحارة اليسري
- قوم أيه ... 5 عربيات ملاكي مرة واحدة وجدت الطريق أمامها مقفول فحدث ماحدث من هرج و مرج و خسائر
كل ده حصل رغم وجود الرادارات و اللجان و الذي منه
و بعدين .... و اخرتها أيه بس في الناس دي
حسبي الله و نعم الوكيل في كل مهمل و ظالم و مفتري
م/ سمير الشهاوي
دي بلد متخلفة
سمك لبن تمر هندي
الكل طاير و محش سايب مسافة بينه و بين اللي قدامه ........ أحنا شعب من العالم الثالث ....... و متخلفين ...
و الحوادث يوميا ......... و محدش بيتعلم حاجة ......... و كمان شعبنا الفهلوي البهلوي ....... بيدور على أفضل الطرق للتحايل على القانون بدل من تنفيذ القانون
لو الحكومة علقت يافطة في الشارع و كتبت
السعرة القصوى 180 كم - س ............... هاتلاقي الناس كلها ماشية على سرعة 50 كم - س
يافطة الركن تقول " ركن عمودي " و الله العظيم تلاقي الناس راكنة موازي
و لو اليافطة بتقول " الركن موازي " تلاقي الناس ركانة عمودي ............... و لله الأمر من قبل و من بعد .
سعد زغلول قالها من زمان ............... مفيش فايدة ....... غطيني و صوتي يا صفية !!!!
اقتباس:
الحكومة لما تفشل في فرض النظام المروري فهي بتتحمل المسؤولية لوحدها ..
العيب أكيد مش في القوانين لأنها مطبقة بكفاءة في مختلف الدول و تأتي بنتائج ..
كما أن العيب ليس في المواطنين بدليل إلتزامهم المروري في الخارج عندما يرون تطبيق القانون بعدل و حزم بعيدا عن مبدأ الإتاوات ..
إذن العيب في من ينتظر منه تطبيق القانون و فقدان الثقة من المواطنين تجاههم
العيب في الطرفين
دي معادلة ......... لو طرف منها ما تتحقش .......... المعادلة كلها تفشل .
يعني هو أحنا لازم المرزبة فوق دماغنا علشان نمشي عدل ......... و مفيش فايدة ....
شعب متخلف .......... و حكومة نايمة في العسل .
الأخلاق رقم واحد ............. و دي مش متوفرة للآسف ( صفة الصبر و صفة التسامح خصوصا من السائقين ) مش موجودة .
ثانيا الألتزام ............ و دي برضه موجودة ,,,,,,,, و محدش مننا بيحب يتلزم ..... ده يا راجل حتى الطوابير ..... محدش عايز يقف طابور و بتبقى خناقة و مسخرة و حاجة قلة أدب ...
الحل
قنبلة ذرية .......... تخلص و نخلص .......... و يستوردوا شعب على نظيف
أقصد صفة الألتزام مش موجودة
+1 مفيش حل تانياقتباس:
الحل
قنبلة ذرية .......... تخلص و نخلص .......... و يستوردوا شعب على نظيف
الحكومة مبسوطة كده
أو الأمريكان يدخلوا وينضفوها هما..السيناريو كالاتى
-يموت مبارك ويمسكها جمال بالتزوير
-تتحول الحكومه اللى مجموعه من العيال ويهمش دور الجيش وتتقلص ميزانيته
-أحد قاده الجيش يقوم بمحاولة انقلاب فى ظل ضعف النظام وعدم سيطره جمال على الدوله وقادتها
-يستغل الأخوان حالة الفوضى ويقوموا بحركه واسعه للسيطره على الدوله
-يحدث صدامات متعدده بين الداخليه والأخوان بعد اخراجهم لما يملكونه من سلاح ورجال
-تسود البلاد حاله عارمه من الفوضى والمظاهرات والانفلات الامنى والنهب لعدة ايام
-يلجأ الالاف من حاملى الجنسيات الاجنبيه لمحاولة السفر تغلق الدوله المطارات لدواعى امنيه
-تستغل بعض الجماعات المتشدده الوضع وتقوم باطلاق بضع قذائف وصواريخ على اسرائيل بمساعده حماس
-تقوم امريكا بعملية انزال على الحدود الشرقيه بداعى حماية الأمن ولترحيل الجاليات الأجنبيه بمصر
-يحدث اشتباكات تافهه مع الجماعات الاسلاميه وبعض العناصر الوطنيه من الجيش
-تستغل امريكا الموقف وتقوم بعملية غزو شامل واحتلال للقاهره وتكرار سيناريو العراق
هات اى واحد مضغوط فى العيشه مصربتعامله معامله غير ادميه و سايباه منه للتجار و منه للحكومه من غير حد يحميه منها و من غباوتها و قوله يحترم طابور العيش -- ممكن يقولك كلمه عيب
لازم قبل مانتكلم على اخلاق و تتكلم على ناس تقف باحترام لازم مصر تحترم ولادها الاول ماينفعش تبقى تيت المواطن و تقوله مصر ديه امى
ديه لا امى ولا اعرفها
ماينفعش تحاسب ميكروباص انه بيركن على جنب فى الدائرى و مصر مافكرتش فى المواطن البسيط ازاى هينزل من الدائرى عشان يروح بيته مافكرتش انها تعمله وسيله نقل ادميه توصله من غير مايتذل
يعنى المفروض سواق الميكروباس ده يفكر فى الناس اللى جايه بسرعه ولا ارواح ناس و مافيش حد اصلا بيفكر فيه!!!
بلد تقرف
انا مجرب الدائرى
و ربنا نجانى منه بمعجزه و الحمد لله
حمدا لله علي سلامتك , و فعلا الطريق ده طريق موت و الناس بتمشي عليه بجنون
لسه النهاردة قبل الافطار بحوالي نصف ساعة و انا نازل وسط البلد و عند الملف اللي بعد منزل العين السخنة عربية بونتو مسرعة جدا و ماشية تعمل غرز كانت هاتسبب كارثة لها و لكل العربيات اللي حواليها ووراها في الملف الخطير ده لولا ستر ربنا
المشكلة مش في الميكروباصات بس .... لأ و الملاكي اللي بيستهبلوا فيها كمان
مع خالص تحياتي
م/ سمير الشهاوي
الدائري هو مفخره البنيه التحتيه اللي مصدعين دماغنا بيها طوال 30 سنه
الحمد لله البنيه التحتيه الي الزوال والانهيار
مياه كهرباء
طرق من اسواء الطرق في العالم
اكبر الظن انهم من مؤيدي حوادث الطرق لخفض الكثافه السكانيه علشان يرتاحو مننا
لاننا بصراحه حمل جامد قوي عليه ومسببين ليهم ازعاج وضغط
السرعه الزائدة تهدد حياة كل من بالطريق
اصلا فيه تريللا خيشت فى صور المطلع بتاع محور صفت من قبل ما يفتتحوة
MMamdouh
مش عارف ليه الناس أساس اللي بتوقف الميكروباص علي مطلع أو منزل الكباري بالشكل الجنوني ده والسواقين أساسا بيكونوا دماغ لوحدهم مش فارقة معاهم ممكن يقفوا فوق المية لو عاوزين