الموضوع الهام اللى وعتكو بية احدى ضحايا منصور

**akram2011** · 18-08-2010 12:45 PM

رحت التوكيل اتو ماستر عشان اعمل صيانه الـ 20000 الف يوم الجمعة وقد تم وادونى تقرير بان الردياتير بينقط وعايز يتغير(مخبوط من تحت)

وفى نفس يوم الصيانى بالليل كنت خارج وانا راجع لقيت العربية بتدخن وهتولع ومؤشر الحرارة على اخرة فركنت ورحت تانى يوم وغيرته برة التوكيل طبعا لفارق فى السعر عندهم ب 1570 وبرة 450

المهم بعد مغيرت الردياتير المروحة بتاعتة مبتشتغلش لية مش عارف المهم لفيت على 5 كهرباية محدش فاهم حاجة

فرحت التوكيل وحكيتلو القصة : قلى انا مقدرش اشتغل فى العربية اونت عامل فيها حاجة برة روح للى ركبلك الردياتير المهم عملت مشكلة واخدو العربية وجيت استلمها قلى شغالة زى الفل قلتلو الف شكر

وانا مروح المروحة وقفت تانى فرجعتلهم تانى يوم وعدنا القصة تانى فقلى بعد الكشف عليها تبين ان المروحة عاملة قافلة وعايزة تتغير قلتلو غيرها مش مشكلة
والمفاجئة قلى ان الردياتير اللى انا مركبو برة بينقط زيت الفتيس وممكن يحرق الفتيس فاحسنلك تغير ردياتير ومروحة قلتلو طيب متشوفى انت التنقيط دة قلى مليش دعوة روح للى انت مركب عندو الردياتير

المهم ركبت عندهم ردياتير ومروحة ومصنعية ومياه خضراء ب 2450 جنية

اصلا انا مش رايح بشتكى من حاجة انا رايح اعمل صيانة عادية دخلونى فى متاهات ولبسونى فى الحيط

وبعدين كل مروح اقلو على حاجة يبوظلى حاجة تانية حاسيت انهم بيعقبونى انى غيرتو برة مش عندهم ودفعى تمنو تانى ومصنعيات وكل حاجة ربنا ينتقم منهم ومن كل واحد ضرنى وضر عربيتى منهم لله

ناهيك عن المعاملة الزبالة بتاعت البشوات المهندسين يحسسك انك مجرم عشان ركبت حاجة برة مش من عندهم وبيكلموك بتناكة وتسحب منو المعلومة بالعافية حاجة اخر قرف

السؤال هنا مش العربية فى الضمان ؟
هو الضمان يعنى اية يشمل اية ولا يشمل اية هو مبقاش فى ضمير خلاص ؟
هل يعقل ان عربية افيو مو 2009 تغير ردياتير ومروحة وهى معملتش 20 الف كيلو يعنى اية الكلام دة يعنى ان العربية زبالة ؟

هوة دة منصور وهى دى شيفرولية الثقة التى لا تنتهى
حسبي الله ونعم الوكيل

**zanativich** · 18-08-2010 12:51 PM

منصور التيتتتتتتتتتتتتتتتتتتتتت تتتتتتتت
احمد ربنا على انك طلعت بعقلك

**dj_bex** · 18-08-2010 01:15 PM

وهو ده العادي من منصور...عربيتي موديل 2008 وبعمل حاجتها من برها ... بلا توكيل بلا تيييييييييت ...

**Adham** · 18-08-2010 01:20 PM

يا جدعان دة اوتوماستر مش منصور

و لو ان منصور انا معاكو غالي و سفاح

بس اوتو ماستر دة قصة تانية

انا رحتة مرة واحدة اول ما فتح (في الحي السادس مدينة نصر) دي ناس تعبانة قوي و واقعه و مافيش زباين عندهم و عايزين يلموا اي فلوس و السلام دة كفاية المجاهل اللي هما فاتحين فيها

**Ahmed_Ezz** · 18-08-2010 01:23 PM

هو انت كل ده حصل فى منصور و لا اوتوماستر علشان لواوتو ماستر اللى قال لك كده كنت تروح على التوكيل علشان المركز المعتمد مش بيغر حاجة تبع الضمان لازم التوكيل نفسه و بعدين معلش لو كنت ركبت حاجة بره التوكيل تخرج بره الضمان ده فى كل التوكيلات

**mohamedaghali** · 18-08-2010 01:40 PM

المشاركة الأصلية كتبت بواسطة ahmed_ezz

هو انت كل ده حصل فى منصور و لا اوتوماستر علشان لواوتو ماستر اللى قال لك كده كنت تروح على التوكيل علشان المركز المعتمد مش بيغر حاجة تبع الضمان لازم التوكيل نفسه و بعدين معلش لو كنت ركبت حاجة بره التوكيل تخرج بره الضمان ده فى كل التوكيلات

الكلام ده مش سليم مع احترامى للمركز لان المركز المعتمد بيغير تبع الضمان انا بتعامل مع المركز اللى فى الرحاب و بصراحه ناس فاهمه و معاملتها محترمه و اى حاجه بتتعمل ضمان بدون اى كلام.

**Adham** · 18-08-2010 02:00 PM

يا جدعان صاحب الموضوع امل العنوان بيهاجم مـــــــــــــــــــــنــ ــــــــــــــــــصــــــ ــــــــور

و كل اللي داخل بيشتم في منصور

و الراجل اصلا مشكلتة مع اوتو ماستر مش منـــــــــــصـــــــــــ ـووووورررررررررر

من خلال تجاربي مع شيفرولية (منصور و اوتوماستر و ياسين)

أفضلهم ياسين

**fawzyyyy** · 18-08-2010 02:09 PM

معلش تعالي نتكلم بهدوء كدة
انت بتقول الردياتير بينقط مياة و قالولك انها واخدة خبطة من تحت كسرت الردياتير عشان كدة بينقط.....!!
اولا انت كدة ملكش حق انك تغيره في الضمان لأنه مش بسبب عيوب صناعة...ده بسبب خبطة من تحت و حضرتك اللي كاتب كدة فوق

بعد كده حضرتك روحت غيرته بره لأنه ارخص و فعلا عند حضرتك حق لأن منصور حرامي في اسعار قطع الغيار ........بس انا عايز اقول لحضرتك معلومة ان في واحد صاحبي كان بيغير الردياتير لأوبترا بره التوكيل و رجع الردياتير ده 3 مرات (مرة كان بينقط و مرة كانت دورة المياه مش ماشية فيه كويس يعني مواسير مسدودة و مره المروحة مبتشتغلش معاه) و في الاخر جابه من التوكيل ب 1450 جنيه و اشتغل

تاني حاجة بعد اما حصل و المروحة مش شغالة... المفروض ان الافندي اللي ركبهولك يصلح العيب اللي فيه او يقولك العيب في الردياتير و حضرتك ممكن ترجعه.........يعني ايه محدش فاهم حاجة اومال هو عرف يركبه ازاي ؟؟؟؟ ديه غلطة حضرتك بصراحة

تالت حاجة حضرتك روحت التوكيل عشان تقولهم مشكلتك..... بصراحة هما مش غلطانين لأنهم مبيصلحوش حاجة انت صلحتها بره مع العلم ان هو مبيصلحش..... هو بيغير علي طول و انت عارف كدة كويس (كل توكيلات مصر حرامية و عايزين يبيعوا قطع غيار)
العيب اللي عليهم هو طريقة المعاملة لأنه مفروض يتعامل مع حضرتك بطريقة كويسة لأنك صاحب عربية مش جاي تشحت منه ......بس حاتقول ايه ؟؟ قلة ادب

**akram2011** · 18-08-2010 02:58 PM

يا بهوات هو اية الفرق بين منصور واتو مستر هو مش من ضمن الوكلاء المعتمدين ومكتوبين فى كتيب الزفت الضمان
يبقى انا مالى بقى انا ليا بتعامل مع حد من منصور انا مش مصلح فى بنزينة ولى مركز صيانة عادى

وبعدين ازاى بتقول انهم مش بيصلحو حاجة انا صلحتها برة ازاى ممكن برة يبوظلى حاجة واروح يصلحالى هو مالو انا اصلح فى الحتة اللى تعجبنى واروحلو وهو يصلحلى اللى انا عايزو بردو
بس هم مشكلتهم انهم اسهل حاجة عندهم يقلك غير معندوش فكرة انو يصلح او يفكر ويحاول يسهل الامور لا هو المهم عندو ازاى ينتقم منك عشان انت تجرات وصلحت حاجة برة

عموما شكرا لكل من حاول المناقشة بس بجد العربية زبالة والوكيل ابن تييييييييييييييت
بجد انا قرفان من العربية دى جدا

**Richman** · 18-08-2010 03:04 PM

المشاركة الأصلية كتبت بواسطة fawzyyyy

معلش تعالي نتكلم بهدوء كدة
انت بتقول الردياتير بينقط مياة و قالولك انها واخدة خبطة من تحت كسرت الردياتير عشان كدة بينقط.....!!
اولا انت كدة ملكش حق انك تغيره في الضمان لأنه مش بسبب عيوب صناعة...ده بسبب خبطة من تحت و حضرتك اللي كاتب كدة فوق

بعد كده حضرتك روحت غيرته بره لأنه ارخص و فعلا عند حضرتك حق لأن منصور حرامي في اسعار قطع الغيار ........بس انا عايز اقول لحضرتك معلومة ان في واحد صاحبي كان بيغير الردياتير لأوبترا بره التوكيل و رجع الردياتير ده 3 مرات (مرة كان بينقط و مرة كانت دورة المياه مش ماشية فيه كويس يعني مواسير مسدودة و مره المروحة مبتشتغلش معاه) و في الاخر جابه من التوكيل ب 1450 جنيه و اشتغل

تاني حاجة بعد اما حصل و المروحة مش شغالة... المفروض ان الافندي اللي ركبهولك يصلح العيب اللي فيه او يقولك العيب في الردياتير و حضرتك ممكن ترجعه.........يعني ايه محدش فاهم حاجة اومال هو عرف يركبه ازاي ؟؟؟؟ ديه غلطة حضرتك بصراحة

تالت حاجة حضرتك روحت التوكيل عشان تقولهم مشكلتك..... بصراحة هما مش غلطانين لأنهم مبيصلحوش حاجة انت صلحتها بره مع العلم ان هو مبيصلحش..... هو بيغير علي طول و انت عارف كدة كويس (كل توكيلات مصر حرامية و عايزين يبيعوا قطع غيار)
العيب اللي عليهم هو طريقة المعاملة لأنه مفروض يتعامل مع حضرتك بطريقة كويسة لأنك صاحب عربية مش جاي تشحت منه ......بس حاتقول ايه ؟؟ قلة ادب

الموضوع: الموضوع الهام اللى وعتكو بية احدى ضحايا منصور

LinkBack

أدوات الموضوع

عرض

الموضوع الهام اللى وعتكو بية احدى ضحايا منصور - انشر الموضوع فى :

-

-

-

المواضيع المتشابهه

خلاصة القول اللى بيقول منصور شيفروليه توكيل سيئ يمدنا بدلائل

أسف لو الموضوع مؤلم بس اللى عنده مدفن فى السيدة نفيسة ياريت يقرأ الموضوع

عاوز عنوان و تليفون مركز منصور بتاع قطع الغيار اللى تقريبا فى المهندسين

ما موقف منصور لو رجله جات فى الموضوع ؟

هام بخصوص التوكيل منصور وياريت من كل عميل لدي منصور الدخول

الكلمات الدلالية لهذا الموضوع

المفضلات

المفضلات

ضوابط المشاركة