مقارنة شاملة بين بروتون و byd
أخوتي الأعزاء في المنتدي
كل عام وانتم بخير ورمضان كريم
أخوكم محتار حيرة ما بعدها حيرة ومش عارف أعمل ايه
كنت خلاص ناويت علي بروتون ساجا وكنت نازل أجيبها بس لما ينزل موديل 2011
حتي اللون كمان كنت محدده
بس بصراحة لما دخلت هنا علي قسم ال byd لقيت الكلام علي العربية دي حكاية وشكلها كمان حكاية وماتورها حكايتين وألوانها وشنطتها وامكانياتها ووسائل السلامة اللي فيها كلها حكايات
وبصراحة أكتر فرق السعر لقيته مش هيبقي كتير مابين البروتون ساجا بعد ما زاد سعرها ومابين ال byd
علي فكرة ياريت حد يفيدني في موضوع السعر ده
أنا عايز أعرف أخر سعر لل byd f3 الأوتوماتيك الفل أوبشن
المهم عشان ماطولش عليكم أكتر من كده
أفيدوني بالله عليكم أعمل ايه
عايز مقارنة شامله ووافية وحيادية يكون أول شيئ فيها ان البروتون ماليزي وال byd صيني عشان خاطر موضوع السعر
ثانيا كنت عايز أعرف العيوب في ال byd لأني تقريبا عارف معظم عيوب الساجا اللي أهمها موضوع البنزين وعلبة الدركسيون
وأهم حاجة قطع الغياااااااااار هل متوفرة ولا لأ بالنسبة لل byd لأني اللي أعرفه ان قطع الغيار مش هتكون موجودة إلا في التوكيل بس سواء للساجا أو ال byd بس الأهم هل متوفرة ولا لأ لأن الساجا بردو فيها مشاكل في توفير علبة الدركسيون
أسف جدا علي الإطالة بس بجد الحيرة صعبة جداااااااااااا
مستني ردودكم في أسرع وقت
أخوكم يوسف
شكرا جزيلا علي ردك البليغ أخ abojessy
اقتباس:
المشاركة الأصلية كتبت بواسطة abojessy
أخى العزيز الأستاذ ..يوسف.. كل عام وأنت بخير وشرفت قسم byd حيث ستجد بأذن الله أخوة وزملاء لك محترمين لن يتأخرو عن مساعدتك .. ويسعدنى أنك تعطى لنفسك فرصة البحث والتقيم دون تحيز . وقد فعلت أنا هذا من قبل عندما أتخذت قرارى بشراء سيارة جديدة .. لأن التحيز لشئ يجعلنا لا نرى عيوبة أو لانرى مميزات الأخرين .. ثم نندم بعد فوات الأوان .. فأرجو أن تستمر فى بحث الأمر حتى تستقر تماما على مافية الفائدة بأذن الله .. .. .. أما عن المقارنة التى تطلبها . فهى من البداية لايمكن أجرائها بصورة سليمة وأتباع منهج مدروس .. وذلك لأن البروتون ساجا 1300 من فئة ( الصالون الصغير ) و byd - 1600 من فئة ( الصالون المتوسط ) . فهى تقارن ببروتون واجا 1600 لو أردت المقارنة . وعلى فكرة الأثنان لهم نفس المحرك ومن نفس المصنع وهو .. متسوبيشى 4g18 .. وأكتب هذا على جوجل أو أدخل إلى موسوعة ويكيبيديا وستتأكد من صحة كلامى .. وأنا لن أعقد المقارنة لأنها علميا خاطئة . ولكنى كمالك للسيارة byd f3 gli أحب أن أصحح لك معلومة وهى أنك تعتقد أن قطع غيار byd غير موجودة الا فى التوكيل . وهذا غير صحيح بالمرة .. ولتتأكد من هذا نجيب على سؤال هام . وهو : ماذا تكون هذة السيارة ؟؟ والأجابة هى : أنها coby من تويوتا كورولا حتى 2007 مع محرك وفيتيس متسوبيشى لانسر .. فما هى قطع الغيار الغير موجودة .. أن توافر قطع الغيار فى كل مكان ورخصها الشديد مقارنة بغيرها .. هو واحد من أقوى الأسباب التى جعلتنى أشتريها .. أما الأشياء القليلة فيها التى لا تتفق مع تويوتا ومتسوبيشى فأسأل عنها فى شارع دمشق أو التوفيقية أو فى التوكيل .. وبعد أن تسأل بنفسك وتفاجأ بأسعارها نستطيع التحدث عن مدى توافرها من عدمة .. أما بخصوص عيوب السيارة فأنت الأن فى قسم byd فى منتدى نايل موتورز .. فتجول ياصديقى بين كتابات زملائنا من ملاك السيارة وستجد بنفسك أنة لاعيوب متكررة فى هذة السيارة .وأن كونها صينية الأصل لا يعيبها لأنها أثبتت كفائتها بعد 4 سنوات من وجودها بالسوق . حتى أعتبرها الكثيرون أفضل سيارة صينية دخلت مصر .. وهى حقيقة سهلة وواضحة لكل من يقرأ تجارب ملاكها على المنتدى .. صحيح أنة كان هناك شكوى من صلابة الفرش وصفارة تيل الفرامل والبعض أشتكى من المساعدين .. ولكن كان هذا فى الدفعة الأولى وتمت معالجتة تماما ولم نعد نسمع أى شكوى متكررة أو غير طبيعية حاليا .. وقد كتبت تقيم للسيارة بعد أسبوع من أستلامها يمكن أن تستفيد منة وعنوانة ( byd f3 ماذا بعد أسبوع ) .. ويبقى شيئين أحب أن أقولهما لك . الأول أن كل ماذكرتة ليس من عندى بل تؤيدة كتابات كل ملاك السيارة على المنتدى بدون أستثناء .. وما أسهل أن تتأكد من ذلك . والأمر الثانى والهام أنى لا أعيب فى السيارة البروتون .. بل أوأكد لك أنى أحترمها وأحترم التجربة الفريدة لصانعيها وكيف طوروا أنفسهم وأحتلو بجدارة مكانتهم .. ولكنى تكلمت عن byd لأصحح معلومة أعرف أنها خاطئة بصفتى أحد ملاكها .. وأرجو أن يوفقك الله لما فية الخير .. وتقبل تحياتى .
أولا بشكرك شكر كبيير جدا علي ردك السريع وعلي نصايحك ليا وعلي الشفافية اللي بتتكلم بيها
ثانيا ان شاء الله أنا هاستخير ربنا واللي فيه الخير يقدمه ربنا مع اني بصراحة مايل جامد جدا لل byd بعد كلام كل الناس عنها انها عربية محترمة بجد وفيها كل الكماليات بس زعلت أوي بردو لما عرفت من د المناهري المحترم ان مفيش منها أوتوماتيك لأني أول حاجة وأهم حاجة عايزها في العربية اللي هاشتريها انها تكون أوتوماتيك يعني كده ممكن أصرف نظر عنها خاااااااااااااااااااااالص بسبب السبب ده فياريت حد يفيدنا في الموضوع ده هل هيتوفر الأوتوماتيك ولا ايه
طمنوني وجزاكم الله ألف خير
وياريت بردو يا جماعة لو تفيدوني في موضوع الأسعار عايز أعرف السعر هايبقي كام بالنسبة للفل أوبشن الأوتوماتيك
وشاكر لكل اللي اهتموا بالموضوع