صور حادثه وحشه قوى على طريق الزقازيق- القنايات

وانا مروح دلوقتى لقيت هيصه وزحمه جامده والطريق مقفول عند محطه مياه القنايات -طبعا الشراقوه عارفينها- المهم انا معرفش هيا حصلت ازاى لان الميكروباص متدمر ومستحيل اشوف ميكروباص بالمنظر ده ولما عاينته لقيت كل حاجه فى ناحيه حتى حزام الامان مقطوع!!!! المشكله انه مش وقت افطار ده وقت مقتول فى الجرى وبالنسبه للضحايا فيه اللى بيقول 3 ماتوا و4 خطره واللى بيقول ال14 ماتو
وربنا يسترها والله ياجماعه الجرى ملوش اى لازمه
http://lh3.ggpht.com/_JsHuW0BzWMk/TG...82010043~1.jpg
جوافه مهروسه مختلطه بالدم

http://lh3.ggpht.com/_JsHuW0BzWMk/TG...82010044~1.jpg
شبشب طاير متعرفش مصير صاحبه ومكنش فيه اكتر من الشباشب الطاير فى المكروباص

http://lh6.ggpht.com/_JsHuW0BzWMk/TG...82010045~1.jpg
الباب كان مخلوع هو كمان اشمعنى السقف

http://lh3.ggpht.com/_JsHuW0BzWMk/TG...82010046~1.jpg
ازاى الله اعلم!

http://lh3.ggpht.com/_JsHuW0BzWMk/TG...82010047~1.jpg
كان سقف حتى الفرش متقطع

http://lh3.ggpht.com/_JsHuW0BzWMk/TG...82010048~1.jpg
مجتش عليها

http://lh6.ggpht.com/_JsHuW0BzWMk/TG...82010050~1.jpg
السقف فى جنب والعربيه فى جنب واكتر حاجه اثرت فيا ميدليتين مفاتيح متنيين ومتكسرين مهما يعملوا اختبارات ويعدلوا تصاميم الامان برضه السرعه ملهاش كبير والرعونيه مفيش اسهل منها وبالذات على التويوتا الجديد مكروباص طياره والناس كانت بتقول انه كان ماشى بسرعه وربنا يستر علينا

اللهم سلم سلم

اللى يسافر علىالطرق بتاعتنا لازم يخلى الشهادة على لسانه دايما

والحاجة الوحيدة الحلوة انهم ماتوا صايمين وربنا يكتبهم شهداء بإذنه

العربية دى مغرية جدا فى الجرى واصحابها بيفترو عليها

ربنا يحفظنا جميعا من شر الحوادث

ده ميكروباص ملعون اللى صنعه وصممه لو كان يعرف اللى المصريين هيعملوه بيه مكنوش نزلوه تسارع فظيع وصوته هادى وسريع وفيه كل حاجه باختصار نقطه ضعفه انه مثالى اكتر من اللازم(الكلام ده فى مصر بس)

لا حول ولا قوة الا بالله
دة لبس فى اية دة

مش يمكن الاسعاف قص الصاج علشان يطلع المصابين

لا حول ولا قوه الا بالله طيب دخل فى ايه ده

اقتباس:

---

المشاركة الأصلية كتبت بواسطة adham

مش يمكن الاسعاف قص الصاج علشان يطلع المصابين

---

رأي حضرتك من وجهة نظري اقرب الى الصحة، خصوصا ان اخر صورة واضح القايم الخلفي مقطوع بشكل متساوي مش مكسور.

ربنا يعافينا جميعا ويبعد عنا شر الحوادث ويرحم اللي مات ويهدي الاحياء

اقتباس:

---

المشاركة الأصلية كتبت بواسطة mazagngi2010

ولما عاينته لقيت كل حاجه فى ناحيه حتى حزام الامان مقطوع!!!!

---

غالبا الاسعاف قاصص الصاج و وممكن كمان قاصين حزام الامان

بص في تاني صورة

الصاج الرمادي تحت الكنبة الخلفية ..... دة شكلة مقصوص بمقص صاج

اخر صورة القايم اليمين ورا برضة شكلة مقصوص

و الله اعلم

لا اله الا الله
الله يرحمهم
بس طبعا ده معمول كده بفعل فاعل
اكيد الاسعاف هما اللي قاطعين السقف عشان يعرفوا يخرجوا الضحايا براحتهم عشان الاصابات اكيد خطير واكيد معظم الناس كانوا فاقدين الوعي وعشان كده اسهل انهم يقطعوا السقف
وبجد حسبي الله ونعم الوكيل في سواقين الميكروباصات خصوصا بتوع التويوتا سواء الجديده دي او الشكل اللي قبله
وللاسف غالبا السواق بيطلع سليم او بيلحق ينط من العربيه والناس الغلابه اللي ملهومش زنب وراكبين معه يروحوا كده بلاش
انا كنت راكب مره بيجو 7 راكب بتوع عبود دول برده دول شياطيين هما كمان
المهم السواق عمال يحكي للي جمبه عن سواق زميله نزل بالعربيه في الترعه وكل الركاب ماتوا وهو الوحيد اللي عاش ليه بقه ؟
عشن نط من العربيه قبل ما تتقلب تقريبا الفرامل سابت اول ما لقه نفسه مفيش مفر راح ناطط سايب العربيه
وحصلت برده مع واحد معرفه كان واخد بيجو 7 راكب مخصوص هو ومامته واخته والفرامل سابت برده والسواق نطط وسابهم دخلو في شجر وجت تريله كملت عليهم
ربنا يرحمنا من العالم الزباله دي انا لما بلاقي ميكروباص شايف نفسه على الطريق بحاول اني اقفلها عليه عشان خاطر الناس اللي معه
والمهم انك لو قلت للسواق مثلا براحه يا اسطه يركبه 100 عفريت اكتر من الاول ويتنرفز ويحس بالاهانه وانك كده مش واثق ي قدراته الخارقه في اجتياز الطريق واهواله باقل وقت ممكن ولما يلبسسسسسس يقعد يعيط زي الكلب

يا باشا انا كنت راجع من طنطا يوم الاتنين بعد الفطار
تحس اني انت ماشي غلط ماشي في وسط حلبه سباق
اذا كان ميكروباص ولا نقل بمقطوره ولا ملاكي
دا واحد راكب نقل بمقطوره وانا ماشيعالشمال ماشي 90 لاقيت اللي جاي بيقلب نور وشغال عالكلاكس اديته اشاره شمال يعني مش هغير الحاره عدي من اليمين ضرب النور العالي و فضل معلقه
قولت ارخم علي اهله ازاي فضلت اهدي لحد لما نزلت لحد 40
كبست بنزين بقيت علي 90 تاني وهو يا عيني عقبال لما جمع كان اتشتم من ةكل اللي جاين ورا
وغيره كان ماشي بنقل بكونتينر بنزين ماشي بيغرز بالعربيه

أتمنى السواق مايكونش مات
و يشوف حالة ميكروباصه بعد الحادثة بقت إزاي
و يكون مقسط الميكروباص
و يدخل السجن بسبب الأقساط
و يموت بحسرته في السجن


جزاء رعونته و تهوره و إنهائه لحياة أبرياء قادهم حظهم للركوب في ميكروباصه الملعون

يا ساتر يا رب
انا قلبي أنقبض
انا مسافر بعد شوية
ربنا يستر
الصور من أوحش ما شفت

معرفش لبس فى ايه وبالنسبه للراى اللى بيقول ان الاسعاف استخدم مقص فده محصلش لسببين الاولانى ان السقف كان بعيد عن باقى العربيه والسبب التانى ان القايم اترحل لفوق واتنى مع السقف
=============
Tyler_Durden انا بحييك وبفكر نفس تفكيرك وبصراحه دى من اسوا الطوايف اللى تقابلها فى حياتك هما طايفه سواقين المكروباص والبيجو

و هو ده طريق

خليني ساكت احسن

اقتباس:

---

المشاركة الأصلية كتبت بواسطة mazagngi2010

بالنسبه للراى اللى بيقول ان الاسعاف استخدم مقص فده محصلش لسببين الاولانى ان السقف كان بعيد عن باقى العربيه والسبب التانى ان القايم اترحل لفوق واتنى مع السقف

---

ماهو برضة لما يقصوا السقف من القوايم حايشيلوة و يخرجوا المصابين

و زي ما قلنا الله اعلم

محدش فينا حايعرف الحقيقة فين و حتى معرفتها مش حايفيد اي شخص توفي او اصيب في الحادث

ربنا يصبر اهلهم

يارب سلم يارب سلم يارب سلم

اقتباس:

---

المشاركة الأصلية كتبت بواسطة adham

مش يمكن الاسعاف قص الصاج علشان يطلع المصابين

---

+111111111111111

ربنا يحفظنا جميعا من شر الحوادث

إنا لله وإنا اليه راجعون

انا مرة كنت مسافر رايح دمياط وملحقتش الأتوبيس اللى كنت حاجز فيه واتطريت اركب ميكروباص وكنا فى الشتا والبيه السواق كان ماشى على 120كم فى عز الشبورة الساعة 7 صباحاً
والله العظيم احنا مكناش شايفين بركة العربية من الشبورة كأن الزجاج مرشوش ابيض وفجأة ضرب فرامل جابنى جنبه وانا كنت قاعد ورا على الكنبة ولما نزلت من فوق الناس كنت حضربه ولما شاف شكلى انى خلاص حاكله لم نفسه

ملحوظة اصلى طويل شويتين
هههههههههههههه

اللهم احفظنا يارب

واتمنى لما حد يشوف حادثة قدامة يدعى بالدعاء ده (او لو شاف اى حد فى كرب )

الحمد لله الذى عافانا مما ابتلاهم به وفضلنا على كثير من ما خلق تفضيلا

اقتباس:

---

المشاركة الأصلية كتبت بواسطة tyler_durden

أتمنى السواق مايكونش مات
و يشوف حالة ميكروباصه بعد الحادثة بقت إزاي
و يكون مقسط الميكروباص
و يدخل السجن بسبب الأقساط
و يموت بحسرته في السجن


جزاء رعونته و تهوره و إنهائه لحياة أبرياء قادهم حظهم للركوب في ميكروباصه الملعون

---

ياريت

بس للاسف الاحتمال الاكبر انه سواق بس لان اصحاب العربيات دى بيرموها على الطريق و يقعد يلم الايراد

طرق الشرقيه من اسوا الطرق في مصر وخاصه طريق فاقوس الحسينيه صان
طريق ضيق جدا ومظلم ومطبات ونحنيات خطره

اقتباس:

---

المشاركة الأصلية كتبت بواسطة age

طرق الشرقيه من اسوا الطرق في مصر وخاصه طريق فاقوس الحسينيه صان
طريق ضيق جدا ومظلم ومطبات ونحنيات خطره

---

:satelite: مش هيكون زى طريق بنتف

واحد صاحبى دكتور فى مستشفى جامعه الزقازيق شاف الضحايا بتوع الحادثه اربعه توفوا والباقى محجوز فى قسم المخ والاعصاب اصابات خطيره
و السواق حالته كويسه اخف حاجه

إن لله وإن اليه راجعون
المشكلة كمان إن ما حدش بياخد عظة من هذه الحوادث
بالكتير الواحد يتأثر كام دقيقة ولا حتى كام ساعة وترجع ريمة لعادتها القديمة
علشان كده المفروض المرور يخلي كل كام كيلو معرض على طول الطريق للسيارات اللى عامله حوادث بالشكل البشع اللى إحنا شايفنه وبكده الناس اللى سايقة تفضل فاكرة خطورة السرعة والتهور
والله أعلم

اقتباس:

---

المشاركة الأصلية كتبت بواسطة osoliman88

إن لله وإن اليه راجعون
المشكلة كمان إن ما حدش بياخد عظة من هذه الحوادث
بالكتير الواحد يتأثر كام دقيقة ولا حتى كام ساعة وترجع ريمة لعادتها القديمة
علشان كده المفروض المرور يخلي كل كام كيلو معرض على طول الطريق للسيارات اللى عامله حوادث بالشكل البشع اللى إحنا شايفنه وبكده الناس اللى سايقة تفضل فاكرة خطورة السرعة والتهور
والله أعلم

---

حلوة فكرة معرض للعربيات اللى عملة حدثة دي
ياسيدي الفاضل العربية دي للأسف هتصلح وترجع تاني تمشي على طرق المحروسة..... الواحد لما بيروح الحرفيين بيلاقي عربيات دايس عليها قطر بتتصلح وتنزل الحلبة تاني وفي النهايه بعد 20 30 سنة تلاقيها ماشية في ضواحي الارياف شغالة بالنفر :majd(4):

ليه لا يتم اجبار السيارات على حد اقصى للسرعة مثل 80 كلم مثلا كاقصى سرعة يمكن ان تصل لها السيارات
من النوع دة وتكون من شروط استيراد هذة السيارات
ودة بيتم عن طريق وضع حاجز او جهاز معين على دواسه البنزين بيحث ان السيارة لا يمكن ان تصل لاعلى من لهذة السرعة ابدا

اقتباس:

---

المشاركة الأصلية كتبت بواسطة a_taamer

ليه لا يتم اجبار السيارات على حد اقصى للسرعة مثل 80 كلم مثلا كاقصى سرعة يمكن ان تصل لها السيارات
من النوع دة وتكون من شروط استيراد هذة السيارات
ودة بيتم عن طريق وضع حاجز او جهاز معين على دواسه البنزين بيحث ان السيارة لا يمكن ان تصل لاعلى من لهذة السرعة ابدا

---

لو عملوا فيها البدع انت فى مصر ملوك الفهلوه يعنى ممكن يخلوها ترجع لاكتر من سرعتها الحقيقيه

اللهم احفظنا ...

انا يوميا اتخانق مع سواقين المكروبااااص وانا رايح الجامعة .....ولان لحظى الاسود لزم امشى دائرى فبشوف العجب
سرعات عالية جدا وتسجيل صوته عالى وغرز متعرفش بتتاخد ازاى وجرى من اللمين ومن اقصى الشمال لاقصى اليمين وربنا ميوريكم

اربنا يحفظنا جميعا ويعدى السنه الفضله ع خير

بس الجنوط تمام