تم كسر زجاج السياره وسرقة اللابتوب

**memo_p910** · 18-08-2010 04:54 PM

الموضوع ده عشان تستفيدوا وتحذروا وتعرفوا ان احنا عايشين في غابه

من يومين كنت راكن عربيتي قدام بوابة مستشفى النصر من على شارع يوسف عباس بمدينة نصر وكنت حاطط شنطة اللابتوب في ارضية العربيه ورا وطبعا كان فيها بعض الاشياء الثمينه وكنت مداري عليها باني منيم الكرسي جنب السواق رجعت بعد ساعة زمن لقيت زجاج العربيه مكسور والشنطة مسروقة والحمد لله الموبايل ما اتسرقش لاني كنت حاطه يشحن جنب كرسي السواق وكمان حاول يفك الكاسيت لكنه فشل
الغريبه اني سألت امن المستشفى وهما عددهم كبير حوالي اربعه او خمسه بيقولوا احنا ما شفناش حاجه ولا سمعنا مع ان العربيه راكنه قدامهم بالظبط حاجه غريبه

الخلاصه خلوا بالكم كويس وما تسيبوش اي حاجه ثمينه او غير ثمينه جوه العربيه لان الحراميه كتروا كتروا جدا والشرطه والتواجد الامني صفر وغير موجودين لانهم مشغولين بحاجات تانيه انتم عارفينها وربنا يسترها معاكم

**Richman** · 18-08-2010 04:56 PM

المشاركة الأصلية كتبت بواسطة memo_p910

الموضوع ده عشان تستفيدوا وتحذروا وتعرفوا ان احنا عايشين في غابه

من يومين كنت راكن عربيتي قدام بوابة مستشفى النصر من على شارع يوسف عباس بمدينة نصر وكنت حاطط شنطة اللابتوب في ارضية العربيه ورا وطبعا كان فيها بعض الاشياء الثمينه وكنت مداري عليها باني منيم الكرسي جنب السواق رجعت بعد ساعة زمن لقيت زجاج العربيه مكسور والشنطة مسروقة والحمد لله الموبايل ما اتسرقش لاني كنت حاطه يشحن جنب كرسي السواق وكمان حاول يفك الكاسيت لكنه فشل
الغريبه اني سألت امن المستشفى وهما عددهم كبير حوالي اربعه او خمسه بيقولوا احنا ما شفناش حاجه ولا سمعنا مع ان العربيه راكنه قدامهم بالظبط حاجه غريبه

الخلاصه خلوا بالكم كويس وما تسيبوش اي حاجه ثمينه او غير ثمينه جوه العربيه لان الحراميه كتروا كتروا جدا والشرطه والتواجد الامني صفر وغير موجودين لانهم مشغولين بحاجات تانيه انتم عارفينها وربنا يسترها معاكم

ربنا يعوض عليك، فعلا احنا في غابة

**blazer** · 18-08-2010 05:19 PM

لاحول ولا قوه الا بالله
ربنا يعوضك احسن منه المشكله فى الشغل اللى بيبقى عليه كمان
تصور حضرتك ! شيخ الجامع بعد صلاح التراويح قالنا خدوا بالكم وانتم ماشيين فى شارع المسجد الساعه 8 و9 و 10 الصبح من الناس الى بيثبتوكوا عشان يسرقوكم !
تصوروا!