ممكن حد يقوللى ضغط هواء الاطارات للبيتلز القديمة 1200 سى سى الانسب والصح يكون كام سواء فى الشتاء او فى الصيف
عرض للطباعة
ممكن حد يقوللى ضغط هواء الاطارات للبيتلز القديمة 1200 سى سى الانسب والصح يكون كام سواء فى الشتاء او فى الصيف
الامامى 18
الخلفى 22
ازاى الكلام ده هو مش المفروض الاربع فرد يكون ضغطهم زى بعض
ايه ياجماعة مافيش ردود
الاول انت مركب جنوط اسبور ولا ومقاس الكاوتش عندك كام ؟؟؟؟؟؟؟
لان مقاس الكاوتش طبعا بيفرق وفعلا الاربعة مبيكونوش زي بعض لان التقل في العربية دي ورا فديما هيبقا الضغط ورا غير قدام وعلي فكرة موضوع الهوا في العربيات دي مهم جدا
الجنوط عادة ومقلس الكاوتش 15 وانا فعلا سالت الميكانيكى وقاللى انسب حاجة 22 ورا و18 قدام
وشكرا جدا ياباشا على مرورك
على فكره يا جماعه العمليه مش كده
كل عربيه متركب على غطاء التانك الرقم الصح
مش فى كل الحلات الضغط زى مهو احنا عرفين 18 وو 22 لانك لو بصيت هتلاقى
فى الحموله الوسط غير الحموله العاليه
بس اصح حاجه لاحظتها
ادام فعلا 18
ورى فى الحموله الوسط 24
وفى الحموله العاليه 18 ادام26 ورى
خلى باللك انت لو نفخت الكوتش زياده بيتنحل من النص
لو نفخته اقل بيتنحل من الاجناب
وده على كل العربيات عشان كده لازم تلتزم بى اللى مكتوب على باب العربيه الشمال فى العربيات الجديده او على غطاء تنك البنزين
على فكره انا عندى بيتلز وكنت بنفخ الاول 16 ادام 20 فى الصيف
17 ادام 21 ورى فى الشتاء على كلام العفشجى بتاع الشركه بس العربيه بتبقى تقيله جدا والدركسيون طبعا بس لما قريت انه بيبقى مكتوب على غطاء التنك رحت لبتاع قطع غيار حبيبى وقلبت فى كل الغطيان اللى عنده هى متفاوته بس كلها فى نطاء درجه واحده زياده
وعلى فكره المفروض على الطريق السريع فى ضغط معين بس دى حولت افهمها من الغطاء معرفتش
ملحوظه كل مقايس ضغط الهواء اللى عند بتوع الكاوتش دول بايظه عمره ميعرف يظبطها صح
انا بروح امارات مصر اللى فى المعادى عشان انا من مايو وبظبطها لان المكنه عنده كمبيوتر ديجيتال وفعلا بتفرق
لانى كنت لسه ظابطها عند واحد بتاع كوتش وجنوط كويس فى احمد سعيد قلتله ادام 18 وورى 22 رحت لقتها ادام 25 وورى 35
فانصح تروحوا لامارات مصر لانها فعلا فرقت معايا فى القياده وخاصه على الطرق السريعه
انا مش بظبط غير عندهم!
الضغط المناسب هو 20 ورا و قدام عشان تريح دماغك
روحت امارات مصر و ظبت 20 و 22 قدام
بعد البحث و التجربة و السؤال عند خالد رباب العفشجى ( أستاذ عفشة )عرفت إن أنسب ضغط هو :
صيفاً : 17 قدام و 21 ورا
شتاء : 18 قدام و 22 ورا
و فعلاً فرقت كتير فى ترييح العفشة و الدب
استاذ احمد
بالنسبة لضغط الهواء اللى حضرتك قلته
يناسب اى مقاس للكاوتش
يعنى انا عندى كاوتش عريض بس مش عارف مقاسه كام
رحت لبتاع الكاوتش قاللي دا يتعمل 30 قدام وورا
قلتله متأكد قاللى انا بعمل الفولكس على كدة
فأنتا ايه رأيك
أنا الكاوتش عندى 195/65/r15 يعنى عريض بردو
انا كنت الأول بظبط على 28 قدام و 30 ورا لكن كانت العفشة ناشفة جداً و بتدب كتير و أثرت بالسلب على بيض المقص و مسامير العفشة و المساعدين
يعنى يا استاذ احمد قصدك ان مقاس الكاوتش مش مشكلة
عريض او عادى اعمله زى ما انتا قلت
صيفاً : 17 قدام و 21 ورا
شتاء : 18 قدام و 22 ورا
معلش اكدلي علشان هنزل انفذ على طول
جرب و إن شاء الله هاتحس بفرق كبير فى العفشة إن شاء الله
الكاوتش عندى عريض 15 بضغط 22 قدام 24 خلفى
بس صدقونى المشكله الكبيره اللى بتقابلنى ان معظم مقاسات
الضغط اللى بتوع الكاوتش بايظه وبتدى قراءه غلط
انا لسه مظبط الضغط من شويه فى بنزينة شل اللى فى المعادى
واكتشفت انه زودلى الضغط جدا والقراءه 22 و24
كله كلام فارغ
انا نفسى اشترى مقاس ضغط الكاوتش واخليه معايا باستمرار واتابعه بنفسى
حد منكم يعرف سعره كام تقريبا
هو اكيد موجود فى التوفيقيه طبعا
كلامك سليم يا هاشم بالنسبة لبتوع الكاوتش
و جرب مقاس الضغط اللى قولت عليه و هاتحس بفرق كبير
و جهاز قياس الضغط الديجيتال أفضل بكتير طبعا بس للأسف مش عارف سعره
انت عارف يااحمد ان الكاوتش عندى كبير وعريض
وانسب مقاس ليه هو 22 و 24 والا هيبقى الكاوتش مريح
لو اقل من كده
مقاس 18 و22 ده المقاس الطبيعى للكاوتش الاصلى الرفيع
ياباشا بتوع الكاوتش مش عارفين حاجه
بس المقاس ده لاى كوتش انا كان عندى 185 15 65 وماشى على الضغط 18 22
واى حد يا جماعه يروح لخالد رباب لو ميعرفوش يقوله بس تبع محمد صبرى بتاع العربيه الفضى اللى من مايو وهو هيعمل معاه احلى واجب
بجد خالد رباب ده راجل محترم جدااااااا وبيراعى ضميره جداااا
فعلاً خالد رباب محترم فى شغله و محترف فى عفشة الفولكس
ماحدش يعرف مقاس الضغط ده بكام العادى
يا جماعة مقاس الكاوتش ما يفرقش خالص في ضبط ضغط الهوا
يعنى نفرض جبنا كاوتش موتوسيكل وكاوتش تريلا . . وضبطناهم هما الاتنين على 20 مثلا . . . هنلاقة ان الإتنين قوتهم واحدة
لأن المنطقي جدا ان كاوتش التريلا هياخد كمية هوا اكتر علشان يوصل لضغط 20 اما كاوتش الموتوسيكل هياخد هوا اقل ليصل لنفس الضغط 20 . . .
وضغط الهوا امامي هو 17 صيف و 18 شتاء
وخلفي 22
وتحياتي لخالد رباب
انا عندي ملزوق ورقة في درج التابلوه فيها ضغوط كتيرة اوى على حسب حمل العربية ومسافر والا جوة المدينة بس المتوسط هو اللي انا قلته ده واتعلمتو من خالد رباب . . . والله وحشني ابقى اىوح امسي عليه وطبعاً كباية الشاي والسيجارة السوبر المتينة
عندك حق وكلامك منطقي يا اخ wailowailo
ويا سلام لو جبتلنا ورقة الضغوط اللى بتقول عليها هتبقي مفيدة جدا
و ياريت تكمل جميلك وتوصفلى طريق خالد رباب بالتفصيل الممل
معلش هتعبك معايا
[ALIGN=CENTER][TABLE....="width:70%;"][CELL="filter:;"][ALIGN=center]
معلش يا جماعة انا عضو جديد وعايز أعرف ازى ممكن أوصل لخالد رباب العفشجى عشان من سمعى عليه منكم حسيت انه كويس وممكن ينفعنى جدا ً انا عندى مشاكل كتير في العفشة عشان عربيتى موديل 54 لكن قمت بتعديلها تعديل كامل ولكن العفشة مش مستريحه
[/ALIGN][/CELL][/TABLE....][/ALIGN]
اللى عاوز يروح لخالد رباب
يطلع على جامعة القاهره ويركب كوبرى ثروت
يعدى الناحيه التانيه على صفط اللبن وهناك يسال
يقول عاوز اروح الشوربجى واول ماتوصل الشوربجى
هتلاقى جامع لسه جديد خالد رباب خلف الجامع ده
وسلملى عليه كتير
أحب أضيف على وصف الزميل هاشم ان وانت في شارع الشوربجي هتلاقي الشارع اللي فيه ورشة خالد رباب على ناصيته أجزخانة الدكتور تامر . . . مكتوب كدة عليها تدخل الشارع ده وتمشي فيه والورشة بعد ماتعدى اول تقاطع
والناس اللي بتستخدم Google Earth انا عملت Land Mark باسم خالد رباب ممكن تدور عليها باسمه الآتى ( Khalid Rabab ) ولو مالقيتش نتائج ممكن تدور باستخدام الإحداثيات ديه ( lat=30.0292923119, lon=31.185928978 )
والأفضل تتصل بيه قبل ما تروحله علشان تضمن انه موجود
طيب انا كاوتش بتاعي جنط 15 ومقاسه 195/65 اظبطه ايه ورا وقدام
ارجو الرد
بجد الموضوع ده جامد ومتشكرين يا جماعه على المجهود الجبار ده :S_thum1[1]::S_thum1[1]::S_thum1[1]:انا كنت هعك:N_no[1]::N_no[1]: الدنيا خالص اصلى لسه مشترى البيتلز قريب