الموضوع: صيانة 10000 للماروتي

ايه يا شباب مفيش ردود ولا ايه ؟

فينكم يا ماااااااااااااررررررررررر رووووووووووووووتييييييييي ييييييييييييييييييه

المشاركة الأصلية كتبت بواسطة kimo_cat

السلام عليكم ورحمة الله و بركاته
وكل سنه وانتم طيبين ، عاوز نصيحه من اهل الخبره

انا كنت عامل صيانة 1000 في التوكيل وكان العداد وقتهاعامل 1500 كيلو واستحرمت اغير الزيت عند 1000 كيلو لأن الزيت كده هايكون عامل 8500 بس (مش عارف كده صح ولا غلط ولازم التزم بالميعاد)
المهم انا دلوقت عامل 11100 يعني الزيت كده عامل 9600 اتصلت بالتوكيل
عاملين فترتين في شهر رمضان بس همه مكتمين على الموضوع
الفترة الصباحية من 8:30 إلى 2:30
الفترة المسائية من 9 الى 1
قالوا لى صيانه 10000 تكلفتها الزيت 240 + مصنعية 100 = 340 جنيه
وقالى هانشوف لك الكهربا يمكن تكون عايزة تتغير
قلت له يعني ايه تقصد البوجيهات قالى ايوة والكوندنسر وحاجه تانيه مش فاكر اسمها وقالى طقم الكهربا كله
قلت له بكام ده قالى 130 جنيه
بصراحه مش مرتاح للموضوع بس مش فاهم قوي
قلت اسأل اخواني هنا أيه رأيكم واعمل ايه ؟
اروح التوكيل ولا اعملها بره ؟
وبعدين الضمان هايتلغي لو عملت بره هو الضمان ده عليه بالظبط ؟
وهل فيه فرق في السعر اذا كنت العربية في الضمان او بره الضمان لو عايز اعمل اي حاجه في التوكيل ؟
ولو مفيش فرق يبقه فايدة الضمان ايه ؟
آسف على الإطاله بس مش عارف اعمل ايه ولو بره يبقه فين وتكلف كام و اعمل ايه تاني غير تغيير الزيت ؟

سمتني ردودكم

موضوع انك لو عملت برا هيلغى التوكيل و لا لأ فدى حاجة بصراحة انا مش عارفها علشان انا معايا ماروتى 99

اما بالنسبة للزيت فالعربية بتاخد 2.5 كيلو لو من غير فلتر و بتاخد 2.7 كيلو لو مركب فلتر جديد
بجيب زيت فيسكو بيبقى بحوالى 60 جنيه و بجيب فلتر من التوفيقية بيبقى ب 15 جنيه

طقم الكهربا ماركة ngk من انضف الماركات بيبقى ب 8 جنيه يعنى التلت بوجيهات بيبقوا ب 24 جنيه و الابلاتين ب 11 جنيه و الكوندنسر بيبقى ب 10 جنيه و لو اخدت البوجيهات و الابلاتين و الكوندسنر (طقم الكهربا او السيرفيس) عند اى ميكانيكى بيتركبوا ب 15 جنيه و سلملى على التوكيل

مشكوووووووور
فيه واحد قالي ان الزيوت معظمها مغشوشه والتوكيل أضمن ولو حصل فيها حاجه هاتروح لهم بيها
فين باقي الأعضاء ???

ايه يا شباب !!!!
40 زيارة ومفيش ردود !!!!
هو أنا باتكلم في حاجه عيب ولا ايه ؟؟؟

فين الخبراااااااااااااااااااا ااااااااااااااااااااااااا اااااااااااااااااااااا

يا باشا أنا لو معايا الماروتى بالذات مش هعمل حاجة فى التوكيل خالص بعد صيانة الآف الآولى أو لو كملت بالكتير لغاية 10000 علشان أطمن فقط على سلامة العربية وجميع أجزاءها من عفشة وكهربا ....وخلافة بعد كدة العربية بسيطة جدا وتتصلح عند أى ميكانيكى بس يكون بيفهم علشان ما يعكش فيها ووفر المشوار والعطلة والمصاريف الزيادة ودية ميزة الماروتى

والله الموفق المستعان

التوكيل غالي و بدون فرق لو تعاملت مع فنيين كويسين

المشاركة الأصلية كتبت بواسطة abdm

يا باشا أنا لو معايا الماروتى بالذات مش هعمل حاجة فى التوكيل خالص بعد صيانة الآف الآولى أو لو كملت بالكتير لغاية 10000 علشان أطمن فقط على سلامة العربية وجميع أجزاءها من عفشة وكهربا ....وخلافة بعد كدة العربية بسيطة جدا وتتصلح عند أى ميكانيكى بس يكون بيفهم علشان ما يعكش فيها ووفر المشوار والعطلة والمصاريف الزيادة ودية ميزة الماروتى

والله الموفق المستعان

الله ينور عليك
هوة ده اللى أنا عملته بالظبط
صيانة بالتوكيل لغاية 10000كم فقط ، وبعد كده معايا الكتالوج بتاع الصيانة أغير زيت وفلتر وبروح لأى ميكانيكى يغير طقم الكهربا ويربط العفشة ودمتم
وربنا يوفقك

بعد استشارتكم وان معظم الناس قالت ان الصيانه لغاية 10000 كيلو مهمه
غير انى كنت قلقان بعد مشوار مطروح وعايز اتطمن على العربية
كمان الفرق بين التوكيل وبره كان في حدود 150 جنيه وانا مشاويري بسيطه يعني الزيت ده مش هاغيره الا بعد 9 شهور تقريبا
يبقه الشهر 15 جنيه زياده مش مهم بس الواحد يتطمن

المهم .. روحت التوكيل عملت الصيانه غيرت زيت موبيل ون 195 جنيه وفلتر زيت 45 جنيه و مصنعيه 110 جنيه و ضريبه 35 = 385 جنيه
بس قلت له على كل المشاكل الفتيس كان بيعض او بيقفش ساعات ظبطهولي كان ملخلخ حتى شويه بقه كويس زي الاول و كمان العفشة كانت العربية بتخبط الحمد لله اتظبطت و خليته يظبط لى نور الفوانيس اللى قدام و لما خلص قالى على فكره لمبة الزيت اللى في التابلوه مكنتش شغاله مبتنورش خالص حتى وانت بتدور وظبطهالك
قلت له بصراحه مش فاكر اللمبة دي بتنور ولا لأ مخدتش بالى (ضحك طبعا ) وقالى دي اهم لمبة في العربية ولازم تخلي بالك منها كويس.

الحمد لله العربية دلوقت تمام وسافر بيها كفر الشيخ يوم الخميس الفجر ورجعت بعد الفطار ، مشيت معايه كويس خدت الطريق على 120
الحمد لله لو كنت عملتها بره مكنتش هاخد بالى من موضوع لمبة الزيت ده