الموضوع: ماهي أعراض تلف البوبينة للانوس؟؟؟؟؟؟

المشاركة الأصلية كتبت بواسطة محمد الشامي

يعني لو فرضنا ان البوجيه مش واصله كهرباء من البوبينه اصلا هتكون حالته ايه ؟

وعلى فكره يا استاذي عيب الكلام بالطريقه دي , عالاقل بلاش معايا انا

المشاركة الأصلية كتبت بواسطة samirayad

هات الموضوع كله
وذاكره وركز معاه كويس
لأن أنا عارف بأقول أيه
وبالفعل قمت بالأفطار ومركز كويس
وحتى وأنا صايم
مبخرفش

عالعموم لو حضرتك عندك معلومه نفيد بيها الزميل صاحب الموضوع ياريت نوضحاله عشان منبعدش عن الاستفسار الرئيسي

صلوا علي رسول الله وزيدوه كمان صلاة

من اهم اعراض تلف البوبينه - على سبيل المثال وليس الحصر :-

1- حدوث نتشه (تنتيشه) أثناء السير على الغيارات
2- لما البوبينه تسخن العربيه بتفصل , ولما تبرد شويه العربيه تشتغل تاني عادي
3- حدوث شبه رجرجه او الموتور يتلت (زي ما بعض الناس بتسميها) وده نتيجه ان مخارج البوبينه مش بتطلع شرر مظبوط لكل البوجيهات
4- وجود بوجيه او اكتر غرقانين زيت وهما طالعين من المكنه , وده طبعا في حاله ان الاسلاك تكون سليمه , لان ده معناه ان البوبينه مش بتطلع شرر كهربي من المخرج الواصل بالبوجيه الغرقان

وفي طريقه لمعرفه اذا كانت البوبينه سليمه او لا
وهو انك تكون ماشي على الغيار التاني (مثلا) ومتشبعش الغيار وتنقل للتالت وتكبس بنزين مره واحده
لو العربيه نتشت فـ ده معناه ان البوبينه فيها تلف جزئي عالاقل
لو العربيه اتكتمت شويه (كعاده الدايو) وبعدها فتحت عالاخر فـ ده معناه ان البوبينه سليمه والحمد لله :-).....................شكرااااااااااا ا يا باشا علي المعلومات القيمة بس انا ليه تصحيح للنقطة رقم (4) ان البوجيه يطلع غرقان زيت في حالة المكنة ال شنبرها وبستمها خفيف(مفوته يعني)

المشاركة الأصلية كتبت بواسطة waleedrahmy

صلوا علي رسول الله وزيدوه كمان صلاة

عليه افضل الصلاه والسلام

المشاركة الأصلية كتبت بواسطة waleedrahmy

شكراااااااااااا يا باشا علي المعلومات القيمة بس انا ليه تصحيح للنقطة رقم (4) ان البوجيه يطلع غرقان زيت في حالة المكنة ال شنبرها وبستمها خفيف(مفوته يعني)

شكرا يا استاذ وليد على التوضيح بالطريقه المهذبه واللائقه بمستوى الحديث , جزاك الله كل خير لانك اضفت معلومه لصاحب الموضوع و لاني كمان استفدت منك ومن تصحيح المعلومه

لكن كان نفسي اعرف اجابه عشان استفيد منك اكتر , لو امكن يعني :-)

المشاركة الأصلية كتبت بواسطة محمد الشامي

يعني لو فرضنا ان البوجيه مش واصله كهرباء من البوبينه اصلا هتكون حالته ايه ؟