ألحقونى يا خبراء اللأنوس إستشارة هامة جدا

**ehabnew2004** · 18-08-2010 08:22 PM

أولا كل عام و أنتم بخير جميعا يا أجمد منتدى
عربيتى دايو لانوس تو 2003 عاملة 48000 كم
المشكلة نسيت لمبة الصالون منورة لمدة 4 أيام وكانت السيارة مركونه كل هذه المدة و لمبة الصالون منورة ولما أكتشفت ده جيت أدور العربية لقيت البطارية مريحة فاضية شحن لما استطيع تدوير العربية المهم جبت كهربائى عمل وصلة ودارت و قالى هات العربية للورشة عشان نحط البطارية على تنجر الشحن ولما كنت رايح للكهربائى كانت العربية ذى الفل فى المشى و السحب ووقفت عند الكهربائى و خلع البطارية وو ضعها على لشحن لمدة 3 ساعات و بعدها حدث ما لا اتوقعه دارت السيارة و لكنها كانت مخنوقه و تعمل فرقعه لما أدوس بنزين و مش بتسحب ذى ما كانت قبل كده و خاصة ف الغيار الأول كأنها مشدودة لورا قلت أعمل أيد ليرن ذى ما قرأت فى المنتدى عن الطريقة و لكن مفيش فائدة .
قلت أروح للميكانيكى أشوف المشكلة دى من أيه تصدقوا و أنا فى طريقى للميكانيكى ووصلت عنده لقيت العربية أظبطت بص عليها و قلى مفيش حاجة فيها و رجعت و مفيش مشكلة و جيت أدور تانى يوم حصل ما حصل و هو هزه فى الموتور و خنقة فى المشى مش عارف أيه السبب يا ريت الناس الخبراء يدلوينى عن سبب ما يحدث لإنى بصراحة اتخنقت . آسف على الإطالة و لكنى حبيت أوضح إل حصل و شكرا لسعت صدركم .

**ehabnew2004** · 19-08-2010 02:18 AM

متابع بإهتمام الردود
و كل عام و انتم بخير

**mahmoudysf** · 19-08-2010 03:42 AM

طالما العربية بقت تدور يبقى خلاص مشكلة البطارية اتحلت
شوف البوجيهات عاملة اية
وشوف سلوكها بالمرة
واعمل اختبار للموبينة
وقبل ده كله يا ريت تعرفنا اخر صيانة عملتها امتى

**ehabnew2004** · 19-08-2010 03:45 AM

أولا شكرا على الرد
ثانيا : العربية لسه عملها عمرة كاملة من شهرين و عملت بيها لحد دلوقتى 3000 كم بعد العمرة و كانت ذيل الفل لحد لما البطارية اتشالت و اتحطت على الشحن عند الكهربائى و من ساعتها و هى برجلة و مش عارف السبب