السلام عليكم ,,, كل عام وانتم بخير
شويه فوازير ونكت كدا على قد الي انا فاكره يعني :36_1_1[1]:
===========================================
ليه الدنيا زحمه في قناة السويس؟
علشان السفن هناك بتمشي بسويس بسويس
مهندس مدني اتجوز مهندسه مدني خلفوا ولد يسموووووه ايه؟
يسموه علاء على اسم جده
ليه قبيلة قريش مكانش حد يقدر يحصلهم وهما مسافرين؟
علشان كانوا بيركبوا إبل فكترا :44:
ايه العلاقه بين الجرنان والشمس؟
الاتنين بيطلعوا الصبح
طب ايه العلاقة بين التفاح والكمثرى؟
الاتنين مش جوافة
واحد وقع من الدور التاسع لقي اية؟
لقي مصرعه ( سامع واحد خفيف ورا هيقولي طب مايمكن لقي حتفه :36_1_1[1]:)
لية الارنب مبيعديش من قدام القهوة؟
علشان بيخاف من السحلب المكاااااااار
لية الصعيدي الصغير أذكى من الصعيدي الكبير؟
لأنة مابقالوش كتير صعيدي
===========================================
- مره اتنين بيحبوا الهدووووء واحد فيهم قام مشغل شريط كاسيت فاضي ,,, راح التاني قاله وطي الصوت شويه :fdsa:
- مرة واحد كل ورق عنب ,, عنب معرفش يذاكر
- مرة واحد حشاش بيلعب كورة اخد الكورة على صدرة طلعها من منخيرة
- مطرب زرع ورده ,, طلعتله ام كلثوم
- واحد بخيل خلقه ضاق ,, اداه لاخوه الصغير
- جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و قعد يكاكي وعمل نفسه فرخه ضرب التاني خرج وقعد يأدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش
- واحد بيقول لحبيبته (واحده ست ) يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محســـــن
- مرة إتنين مساطيل راكبين عربية فواحد قال للتانى : حاسب قدامك شجرة فالتانى مردش عليه فعلى صوته شوية : قدامك شجرة.. برضه مردش عليه فقاله : حاسب قداااامك شجررررررا .. طاخ خبطوا فى الشجرة فطلع من العربية و قاله .. مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت إلى سايق ؟؟؟:fdsa:
- مره ولد صغير كل يوم يروح لمحل جاتوهات يقول لصاحب الحل عاندك تورته بالكوسه
يقوله لأ ياحبيبي تاني يوم يا عمو عاندك تورته بالكوسه يقوله لأيا حبيبي المهم الولد إستلم صاحب المحل 3 شهور و 12 يوم علي نفس النظام صاحب المحل قال لما أقوله اه فيه وخلاص جه الولد اليوم اللي بعد كده قاله عمو عاندك تورته بالكوسه قاله أه يا حبيبي رد الولد قاله يععععععععععععععععع:T_thum1[1]:
- كان فى مرة بطة البطة دى كانت بتروح عند البقال تقولو عندك حلاوة؟؟ يقولها
لاء...اليوم التانى عندك حلاوة؟؟ يقولها لاء.....اليوم تالتت عندك حلاوة؟؟ يقولها لاء فالبقال زهق بقى وقالها لو جيتى تانى هدبس رجليكى بالمسامير فى الارض...فراحتله بعدها تانى قالتلو عندك مسامير؟؟ قالها لاء....قالتلو طب عندك حلاوة؟؟ :girlsthink:
- المدرس: ما معنى كلمة "سبيل"
الطالب:طريق
المعلم: ممتاز اذا ما معنى كلمة سلسبيل
الطالب:طرطريق!
- واحد وقف تاكسي: حدايق القبة
السواق: وحتضايقها ليه بس يا عم
- تلميذ بيكلم المدرسة بتاعته : بحبك يا أبله و عاوز أتجوزك
المدرسة: بس أنا مبحبش الأولاد الصغيرين
التلميذ: وأنا مش مستعجل على الأولاد :36_3_18[1]:
- ولد بيسأل أبوه: بابا هي الحمير بتتجوز؟
الأب: يا بني مبيتجوزش أصلاً غير الحمير :fdsa:
يارب تكون عجبتكم :shyy: