جيتا 2008 ايه رايكم؟؟؟؟؟؟

انا ناوى اجيب جيتا 2008 بس مش عارف اجيب المواصفات الخليجى ولا المصرى؟؟؟ الخليجى نفس السعر بس الكماليات اعلى بكتير!!!!!!
وتوكيل فولكس بيعمل صيانة للخليجى ولا لأ؟؟؟؟؟؟؟؟؟؟؟؟؟؟؟؟؟؟؟؟

ما انصحكش لان الجيتا تقفيل برازيلي و مش قد كده .
فكر في اوكتافيا او اوبل فيكترا

بس أنا أنصحك
العربية أفضل من الاوكتافيا (ده لا يمنع ان الأوكتافيا كويسة طبعا)
و الفروق مايحسش بيها الكثيرون :
- طلعة الجيتا أقوى من الأوكتافيا (مع انها اتقل وزنا و هو نفس تصميم الموتور)
- عزل الصوت في الجيتا رائع على عكس الاسكودا
- صوت الموتور في الاسكودا "مزعج" و ده غير موجود في الجيتا
- نعومة العفشة بشكل ملحووووووظ (و ان كانت أوطى على الأرض)

العربية مطلوبة و للعلم صعب تلاقي منها مستعمل على عكس الأوكتافيا و ده دليل على انها مرضية للعميل .

موضوع التقفيل : هيا مكسيكي يا حازم . بس ده لا يعيبها بالمرة لأن المصنع ده شغله بيدخل السوق الأمريكي. + لا يوجد أي شكاوي من التقفيل أو التصنيع من 2005

موضوع التوكيل : ايدك منه و الأرض ..... اللي عربياتهم بضمان الوكيل بيروحو لأمير و جوزيف أو أي حد تاني , و بكده يبقى الخليجي يكسب بس لف لفة كويسة لأن في مواصفات مختلفة كتيرة و أسعار متفاوته

===============
في جيتا بـ 205 و دي كاملة من كله لحد الكراسي الكهربا و السخانات و الجلد
بـ 194 تنقص ما سبق و يبقى فيها pedal shift و زينون و رشاشات
بـ 180 و دي انسب واحدة في نظري :
باركينج سنسور- ستيب ترونيك - مثبت سرعة - حساس نور ومطر- حساس ضغط العجل - نظام التحكم في الثباتASR - نظام تعديل الجر - مانع الانغلاق ABS- فتحة سقف- سي دي 6 اسطوانات-طارة مالتي فنكشن-بلوتوث- جنوط 17 -فرش قماش -فوج لايت-2 ثلاجه

فيها كماليات ظريفة زي الانذار بالـ motion detector يعني لو نزلت و قفلت العربية و الزجاج مفتوح , لو اي حركة حصلت داخل السيارة (حاجة وقعت ,حد مد ايده جوا العربية) الانذار يضرب . و ممكن تلغيه

العربية ممتازة
توكل على الله

جزاك الله خير يا احمد
اناسمعت ان التوكيل سيئ جدا بي هو فيه مراكز خدمة تانية غير التوكيل؟؟؟؟؟
و مين امير و جوزيف؟؟؟؟ده مركز صيانة؟؟؟؟

امير وجوزيف ده ياعم قاضى مركز صيانة لكل العربيات مركز معتمد وبكفاءة عالية اتوكل على الله واشترى الابيزا جامدة جدا