الصيانة كل كام كيلو؟ وسعر صيانة ال 120 كام؟

**goldh** · 19-08-2010 03:04 AM

السالم عليكم

انا المفروض اليومين الجايين انزل ادور على فكترا
انا اطمنت جدا لقطع غيارها لانها مش غالية زى ما بيقولوا بس لية سوال اخير
الصيانة

اولا عاوز اعرف المفروض الصيانة بتتعمل كل كام كيلو 5 ولا 10 عشان مش عاوز العربية تعطل منى خالص وزى ما قلت لحضراتكم انى من محافظة المتيا يعنى صعب كل شوية انزل بها القاهرة لان الميانيكية مش اوى انا متاكد انهم مش بيفهموا فى الاوبل وحتى لو بيفهموا فقطع غيارها مش موجودة عندنا يعنى لازم انزل للقاهرة عشان اعمل الصيانة انا ممكن انزل مرتين فى السنة عادى لكن صعب اكتر من كدة فياريت اعرف من حضراتكم الصيانة تتعمل كام مرة فى السنة مع العلم ان اخرى اعمل 20 الف كيلو فى السنة دة لو ماكنش اقل

تانى حاجة ( معلش هتعبكم معايا ) هى الصيانة بعد 120 الف كيلو سعرها يبقى من كام لكام فى التوكيل
أنا بس بسال اهل الخبرة عشان استريح وما اقلقش منها بعد الشراء

**hardman20060** · 19-08-2010 03:17 AM

صيانه ال5 او ال10 دي للزيت والفلتر ولو عربيه اوتوماتيك هتغير تيل الفرامل من 20 ل 30 الف كم بس عادتا الصيانه بتتعمل كل 40 الف اللي هي تغيير سير الكاتينه وفلتر الهوا والبنزين والبوجيهات وممكن سير الدينامو . بس اتاكد ان انت لو حافظت علي الصيانات العربيه عمرها ما هتعطل منك.بس قبل ما تاخدها اكشف عليها كمبيوتر عشان تتاكده ان كل الحساسات وكل حاجه شغاله تمام.

**BrainStorm** · 19-08-2010 04:10 AM

وزود على الكلام ده زيت الفتيس وبلية سير الكاتينه

**koko2** · 19-08-2010 04:26 PM

اوبل عربية جميلة بس لازم تكشف الاول عليها

**goldh** · 19-08-2010 04:29 PM

الف شكر ياشباب على المساعدة وانا لسة شايف خبر فى ملحق السيارات بيقول أن منصور هيفتح فرع جديد بأسيوط
والخبر دة فرحنى جدا لاننا لنا حد نعرفهم هناك وكمان المسافة قريبة بنوصل ساعتين بالعربية او اقل

**tananybasha** · 19-08-2010 04:41 PM

تمام
الصيانه العادية
5-10 الاف كيلو زيت موتور و فلاتر
15-20 الف تغير فلتر البنزين و فلتر الهوا
40000 تغير السيور بتاعة العربية و تغير زيت الفتيس و الشدادت

**cayman69300** · 19-08-2010 06:35 PM

المشاركة الأصلية كتبت بواسطة islambana

مش لازم تنزل القاهره علشان تعمل صيانتك هناك
قطع غيار الاوبل موجوده في اسيوط كتيييييييير جديده واستيراد والصنايعيه اللي بيفهموا فيها كتيييييييير جدا هناك
انا من سوهاج ودايما بصلح عربيتي في اسيوط

على يدى
ههههههههههههههه