الموضوع: رخصة الكوبيه إتسحبت يا رجاله

المشاركة الأصلية كتبت بواسطة ashouhdy

شوفوا انا ذيى ذيكم بس حكلمكم بالعقل دلوقتى انت لو واحد زميلك مهندس عمل غلطة وانت مهندس ذية عشان زملاء مهنة واحدة بتعديها بمذاجك والاطباء كذلك وكل المهن كدة

والشرطة والنيابة يعتبروا جهاز واحد وكلة بيفووت لكلة ومش عايز اقول لفظ تانى والكلام دة ماشى فى كل المهن لما مهندس يغلط وزمايلة حوالية بتتعدى لو دكتور غلط زمايلة بيشيلوة لو محاسب عمل حسبة غلط زميلة يعديهالة وكدة

وع الرغم من كدة كمان فى ظباط بتغلس ع ظباط و وكلاء نيابة وبيحصل قدام عينى عشان كدة ابتدت وجهة نظرى تتغير مع الوقت

ولعلمكم جميعا حيستفاد اية الضابط لما يسحب رخصة ضابط ولا وكيل نيابة ؟؟!!!! ماهو حيجبها فى 4 دقايق حتى لو اتسحبت وعليها بوسة يبقها اشترى دماغك معاهم احسن !!!!

وعندنا بقى اللى عربيتة فيها نص فامية فابريقة تلاقية فرحان وجارى جايب بكر فامية وعمل !!super black damn dark

وهاتك يالزق و تقطيع ... واصلا الازاز الفامية الفابريقة اللى بشوفة بيبين من خلالة لكن اللى الشباب بتعملة الصراحة استهبال !

مش عشان الطبيب و المهندس فيهم امثلة بتسكت عن اخطاء زملائهم يبقى الضباط و ووكلاء النيابة يعملوا كده
لأن الضباط و ووكلاء النيابة شغلتهم حفظ النظام و تحقيق الأمان و العدل بين الناس . فدول اولى بتطبيق النظام على كبيرهم قبل صغيرهم عشان يكونوا قدوة لغيرهم
اما اذا لم يتحقق العدل على الكبير قبل الصغير فتوقع كل شى سىء فى البلد (و هو ما يحدث بالفعل)
الى كل ضابط او وكيل نيابة : اتقوا الله فى السلطة اللى فى ايديكوا و تاكدوا من ان الله سيالكم عن كل صغيرة و كبيرة بتعملوها و عن كل تجاوز مهما صغر و استهنتوا بيه لأن "من يعمل مثقال ذرة خيرا يره و من يعمل مثقال ذرة شرا يره "

يا جماعه انا كنت عايز اثبت فى الرخصه الفاميه للعربيه و بالفعل الراجل اللى خلص الموضوع خد 700 جنيه و كان عايز 1000 المهم اللى اتكتب فى الرخص ( زجاج جانبى و خلفى غامق) فهل كده تمام و لا برده ممكن بتوع الشرطه يبطحوا نفسهم و يرخمو و لا ايه ؟؟؟؟

يا جماعه الفكره مش فكره وسايط أو غير وسايط الفكره دلوقتي انا عربيتي جه في الإفراج بتاعها إنها زجاج ملون
وده إتثبت في الرخصه ووقفتني 100 لجنه قبل كده وشافو الرخصه وسابوني عشان مثبوت فيها
وأنا مش مكحل العربيه يعني عامله وسط يعني الصبح أنا باين كويس جدا وبالليل يعني نص نص
فمش عارف ليه الظابط ده عمل معايا كده ومع إني والله ما غلست عليه ولا حاجه بس يلا الحمد لله كله نصيب
وانا لغايه دلوقتي ما جيبتش الرخصه والوصل قرب يبنتهي وربنا يستر

انا عربيتي الكيا سول نازله زجاج خلفي وجانبي ملون في الافراج عشان خليجي ووقفني اكتر من لجنه مرور وقالوا الرخص وشافوها وقالو اتفضل قولت شكرا ومشيت عادي يعني بس اكيد العربيات الكيا الكوبيه تظليلها زجاج الامامي للسائق وده اللي ممكن ممنوع مش مساله بقي فابريكه ولاحاجه خلفي وجانبي ملون تكفي مش زجاج السائق وشكراااا للتوضيح