-
عايز عفشجى بيتلز
السلام عليكم يا اخوانى البيتلزاويه :120105~352:
عايز واحد عفشجى بيفهم فى البيتلز و عفشتها و يكون تمام اوى يعنى
عشان انا العربيه بقى فى جمب مايل عن جمب و العربيه عامله زى الجيلى على السرعات العاليه و مظبات الهوا
(و ده طبعا من شغل العفشجى اللى عملها قبل كده و حاسس انه معرفش يظبطها )
المهم انا عايز واحد كويس و يكون بيفهم عشان نظبط الموضوع ده انا و واحد صاحبى برضه نفس المشكله
و لو فى نطاق مصر الجديده او مدينه نصر يبقى حلو اوى
و ياريت العنوان و رقم التليفون لو امكن
مستنى الردود بقى الله يكرمكم
تقبلوا تحياتى :36_3_10[1]:
-
انا برضة تقريبا عندي نفس المشكلة مع حدفه للشمال و فى واحد اسمه خالد رباب كان الاستاذ احمد حسن رشحهولى بس هو قافل موبايلاته الاتنين بس بيقوله علية استاذ فعلا اول ما اوصلة هبعتلكم تليفونة ..................................
-
تصدق ان انا عندى نفس الحدفه برضه و مع الفرامل بتبقى اييييه مراجيح
انا برضه سمعت عن خالد رباب فى المنتدى هنا بس المشكله انه ف مصر القديمه و انا اصلا معرفش اى حاجه فى المنطقه دى ولا حتى اعرف اروحها ازاى
بص لو حضرتك عرفت اى جديييد يا ريت تبلغنى
و لو فى حد تانى برضه كويس ممكن الناس ترشحه يبقى كويس برضه
و مشكوووووووورين يا رجاله البيتلزززز
-
الراجل ده مش فى مصر القديمة هو تقريبا بعد كوبرى الجامعه فى حته اسمها صفط اللبن كده تقريبا بس بيقولوا عليه ممتاز و على فكرة هو بيكشف على العربية الاول و يقدرلك التكلفه و تيجى تاني يوم تعملها و حنين فى الفلوس زى ما سمعت و انا متابعه اول ما اجي اروحله هبلغلك بس ادينى رقم تليفونك ....................
-
رقم تليفون خالد رباب : 0101855126
-
هى بالنسبالىى مش هاتفرق ... كوبرى الجامع من مصر القديمه انا ابيض فى ال 2
و لو كده يبقى تمام اوى انه يكشف و يقولنا على اللى فى العربيه الاول
وده رقمى 0146114479 محمد اسامه
و الف الف الف شكر يا حسام باشا على الاهتمام و المتابعه
تقبل تحياتى
-
يا سيدى واحد احنا كلنا اخوات و لا ننكر فضل من سبقونا فى مسيرة الخدمات اللى بيقدموها للاعضاء مثل الاستاذ / احمد حسن و الاستاذ / هاشم و ان شاء المولى اول ما اوصل لجديد هكلمك .....................
-
طبعا يا باشا ده شىء اكيد الناس دى من مؤسيسى قسم البيتلز
و ان شاء الله نتوصل لحاجه جديده و مشكوووور مره تانيه على المتابعه و الاهتمام
Content Relevant URLs by
vBSEO 3.6.0 PL2