الموضوع: استفسار هام بخصوص عطل فى موبايل ( عطل touch screen )

المشاركة الأصلية كتبت بواسطة أحمد كمال

خد باكب بقى قبل ما يتملعن تاني :)

اول ما رجعت امبارح خدت منه كل حاجه وبعدين بدأت معاه مرحله الاختبارات بقا بقلب جامد :)

المشاركة الأصلية كتبت بواسطة AhMeD EzZ

واضح يا احمد ان التليفونات كلها عليه عفريت
من يومين موبايلي فصل و مش راضي يفتح نهائي و لما احطة ع الشحن يهيس
شوية يشحن للاخر و بعدين يفضي تاني
و يفتح و يرستر تاني
و اول ما اشيله من الشحن يفصل تاني
قعد يومين كدة مش عارف اعمله ايه
بعدها قابلت واحد صاحبي معاة نفس الموبايل خدت بطارية من موبايلة اجرب اشوف العيب منها و لا ايه
عمل نفس الحكاية و قفلتة تاني و ركبت بطاريتي تاني و محاولتش اشغلة لتاني يوم
جيت اجربة لقيت شغال حلااااااوة من غير اي حاااااااجة

انا بكره الموضوع ده جدا , العربية بقا اللى دايما تعمل الحركة الزباله دى معايا لما اكون فى مشكله واروح اصلحها تبقى زى الالف ومفيش مشاكل

زى من اسبوعين كان عندى صوت طقه قدام وروحت للميكانيكى ركب معايا وعملت بيها استعراضات علشان تطق ابدا , بصينا تحت مفيش حاجه وبعدين قولت خلاص وانا يادوب طالع من عنده راحت طقه تانى وهو مش واقف

كنت هتشل

المشاركة الأصلية كتبت بواسطة Eng.Geo

أيه الكسفة ده !!
ألحق خد الباك أب بسرعة
ده موبايل ........
ولا بلاش
حصلتلي مع كارت شاشة قبل كدة
وقعدت في التوكيل 6 ساعات لغاية ما عمل اللي كان بيعمله عندي
أجهزة تكسف :@

كسفة ما بعدها , لا والظريف هناك بقوله طيب العيب ده من ايه بيقولى الموبايل كان فاصل شحن

قولتله ما شاء الله عليك اول واحد ياخد باله من العيب ده , شكلك كنت اول الدفعة