العربية مش عايزة تدور

**cOrn** · 19-08-2010 04:38 AM

السلام عليكم .
انا معايا bmw E30 مو 90 الموقف كالتالى وانا ماشى بالعربية على 20 بطلت منى قولت عادى جيت ادور تانى مرديتش الفكرة ان صوت المارش عادى يعنى هو هو نفس الصوت اللى قبل الدوران المهم حاولت ازقها وارميلها مارديتش تدور ... قولت ممكن فصلت بنزين و مؤشر البنزين معلق مع ان المؤشر على 25 لتر . روحت جبت بنزين و برده مفيش فايدة .. رحت راكن العربية فى المكان اللى عطلت فيه و طبعا الوقت متأخر انى اجيب ميكانيكى قولت اسأل هنا يمكن حد يفيدنى .. ملحوظة غربية حاولت ادور كذا مرة ولما نزلت من العربية كان فية رائحة بنزين ظاهرة جدا بس بصراحة معرفتش هيا منين بصيت تحت العربية مفيش اى حاجة .. ملحوظة اخرى . كهربة العربية شغالة كويس جدا يعنى الكاسيت و الزجاج و السنتر شغال مفيش مشاكل ودة يدل ان البطارية سليمة لأنى كمان لسة مغيرها من اسبوع منتظر ردودكم وانشاء الله نوصل لحل

شكرا

**cOrn** · 19-08-2010 05:11 AM

ارجو المساعدة و منتظر ردودكم

**haroun707** · 19-08-2010 05:25 AM

المشاركة الأصلية كتبت بواسطة matrixco

السلام عليكم .
انا معايا bmw e30 مو 90 الموقف كالتالى وانا ماشى بالعربية على 20 بطلت منى قولت عادى جيت ادور تانى مرديتش الفكرة ان صوت المارش عادى يعنى هو هو نفس الصوت اللى قبل الدوران المهم حاولت ازقها وارميلها مارديتش تدور ... قولت ممكن فصلت بنزين و مؤشر البنزين معلق مع ان المؤشر على 25 لتر . روحت جبت بنزين و برده مفيش فايدة .. رحت راكن العربية فى المكان اللى عطلت فيه و طبعا الوقت متأخر انى اجيب ميكانيكى قولت اسأل هنا يمكن حد يفيدنى .. ملحوظة غربية حاولت ادور كذا مرة ولما نزلت من العربية كان فية رائحة بنزين ظاهرة جدا بس بصراحة معرفتش هيا منين بصيت تحت العربية مفيش اى حاجة .. ملحوظة اخرى . كهربة العربية شغالة كويس جدا يعنى الكاسيت و الزجاج و السنتر شغال مفيش مشاكل ودة يدل ان البطارية سليمة لأنى كمان لسة مغيرها من اسبوع منتظر ردودكم وانشاء الله نوصل لحل

شكرا

اعتقد والله اعلم انها ممكن تكون طرمبة بنزين او احتمال انها تكون شرقت منك

**cOrn** · 19-08-2010 05:50 AM

المشاركة الأصلية كتبت بواسطة haroun707

اعتقد والله اعلم انها ممكن تكون طرمبة بنزين او احتمال انها تكون شرقت منك

شكرا لردك طيب هى لو شرقت منى اصلحها ازاى ولا اعمل اية عشان تدور معايا تانى

**karimfahmy99** · 19-08-2010 06:23 AM

المشاركة الأصلية كتبت بواسطة matrixco

شكرا لردك طيب هى لو شرقت منى اصلحها ازاى ولا اعمل اية عشان تدور معايا تانى

اذا كان على موضوع الشرقان بتسيب العربية ساعتين تقريبا و لما تدور تانى متدسش بنزين خالص و فى ناس تفك البوجيهات عشان غرف الحريق تنشف و تدى كام مارش بدون البوجيهات لطرد البنزين من الغرف بس تكون اسلاك البوبينة بعيد عن مكان البوجيهات و تسيبها شوية و تركب و تجرب

**cOrn** · 19-08-2010 06:26 AM

المشاركة الأصلية كتبت بواسطة karimfahmy99

اذا كان على موضوع الشرقان بتسيب العربية ساعتين تقريبا و لما تدور تانى متدسش بنزين خالص و فى ناس تفك البوجيهات عشان غرف الحريق تنشف و تدى كام مارش بدون البوجيهات لطرد البنزين من الغرف بس تكون اسلاك البوبينة بعيد عن مكان البوجيهات و تسيبها شوية و تركب و تجرب

انا سبتها على الساعة 1 كدة ولما نزلت صليت الفجر قلت اروح المكان اللى عطلت فيه واجرب ادور وللاسف نفس المشكلة

**cOrn** · 19-08-2010 08:14 AM

منتظر ردودكم يا شباب

**haroun707** · 19-08-2010 08:31 AM

المشاركة الأصلية كتبت بواسطة matrixco

انا سبتها على الساعة 1 كدة ولما نزلت صليت الفجر قلت اروح المكان اللى عطلت فيه واجرب ادور وللاسف نفس المشكلة

بص ياباشا لو الموضوع موضوع شرقان انت مكن تسيبها فترة وبعد كده تدور وتدوس دواسة البنزين للأخر مش تكاركلها

يعنى دوسه طويله مش متقطعه

وعلى فكرة الموضوع ممكن يكون طرمبة لا قدر الله او فيوز قاطع

بس انا عاوز اسألك سؤال هو انت لما بتحاول تدورها بتسمع اى اصوات غريبة ولا صوتها عادى لكن مش بتنطق ؟؟

**cOrn** · 19-08-2010 08:46 AM

المشاركة الأصلية كتبت بواسطة haroun707

بص ياباشا لو الموضوع موضوع شرقان انت مكن تسيبها فترة وبعد كده تدور وتدوس دواسة البنزين للأخر مش تكاركلها

يعنى دوسه طويله مش متقطعه

وعلى فكرة الموضوع ممكن يكون طرمبة لا قدر الله او فيوز قاطع

بس انا عاوز اسألك سؤال هو انت لما بتحاول تدورها بتسمع اى اصوات غريبة ولا صوتها عادى لكن مش بتنطق ؟؟

صوت مارش طبيعى خالص اللى هو قبل الدوران لكن مش بتدور

**haroun707** · 19-08-2010 09:01 AM

المشاركة الأصلية كتبت بواسطة matrixco

صوت مارش طبيعى خالص اللى هو قبل الدوران لكن مش بتدور

انا اقصد صوت غريب فى ماتور العربية

انا على العموم جه فى بالى كمان حاجة ممكن تبص عليها وهى طقم الكهرباء البوجيهات وغيرها

وانا حاسس على فكرة انها حتطلع حاجة صغيرة جدا وهايفه