الموضوع: الحمد لله اول حادثه ليا بالعربيه بس ربنا سترها

[QUOTE=amrseba;3872955966]ربنا يرجعلك العربيه بالسلامه و تتصلح بس الموقف الى جاامد خبطك و خلاص يا عم انا مش هاخد منك حاجه و تلاقى الناس الى حواليك تقولك ياعم خلاص المسامح كريم الراجل مش هياخد منك فلوس و هو الى خبطك اصل الموضوع ده حصل معايا قبل كده و هو بيستهبل و خلاص و ما دام فيه تأمين يبقى خلاص ياعنى ملهاش لزمه تبهدل الراجل التأمين ده بينجد الواحد و قضاء وقدر يا باشا[/QUOTEا
الله يسلمك انا كدا كدا مكنتش عايز من الراجل اي حاجه ولا اتكلمت معاه في اي حاجه الحمد لله التأمين موجود وحتي لو مكانش موجود الحمد لله الوضع كويس وعلي الاقل مش هبهدل حد معايا في رمضان يعني
ووالله عايز اقلك انو بعد الحادث انا والراجل متكلمناش مع بعض كام كلمه يعني مش كتير ولا كان فيه زعيق ولا اي حاجه بالعكس داانا سألت الراجل انتا منين ومش عارف ايه وقعدنا نتكلم في اي مواضيع برا موضوع الحادثه وندردش وكدا

المشاركة الأصلية كتبت بواسطة lolly136

رأي الخاص اعملها على حسابك خلي التأمين لاقدر الله في حاجات الجامدة
عشان كده كده حيحملها عليك السنة الجاية واتحسبت عليك أول حادث
اتكل على الله واعملها برة بعد عن التأمين
عشان كان الموضوع حياخد وقت كتير
معينة و مقايسة
وموفقة من التأمين
وممكن يطلعك غلطان
أو يحملك جزء من التكاليف ويقولك هالك
وفي ال آخر حتفضل تدفع اضعاف اضعاف تمن الاكصدام في الاقساط الجاية

المشاركة الأصلية كتبت بواسطة shadymelad

انا معاك فى الرائى التامين هيحسبها حادثة والسلام فاعملها على حسابك ومش هتاخد كتير لاها حصلت معايا فى الاكصدام عندى ومش فاكر بالظبط 200 تقريبا حاجة زى كدا

المشاركة الأصلية كتبت بواسطة night_phoenix

رايك صح مليون في الميه
اعملها علي حسابك وخلي التامين لا قدر الله عند الحاجه
اصاباتك خفيفه و الحمد لله

انا اكصدامي الورائي لما اتتكسر في الحادثه الحمد لله صلحته ب 120 جنيه و كان متبهدل و رجع بكرم الله زي الجديد

طيب ياجماعه شكرا علي النصيحه دي ودي كانت من الحاجات الي عمال افكر فيها بس ملقتش حد يجاوبني عليها بس الحمد لله معاكم هنا في المنتدي مفيش حاجه ملهاش اجابه ما شاء الله
دلوقتي لو انا عايز اعمل الاكصدام دا برا هيكون مين افضل مكان اعمله فيه.وهل ممكن اصلحه ولا اغيره مع اني افضل التغير خالص لاني بجد حاسس انو زهوه العربيه راحت الي مبقلهاش شهر ومبقليش سايقها اسبوعين
وتتوقعو يكون اد ايه المده الي هياخدها سواء تصليح او تغيير والتكلفه التقريبيه لو امكن وكمان هل ممكن يأثر علي الضمان او حاجه لو صلحتها برا التوكيل؟؟؟
ربنا يجازيكو كل خير علي النصايح دي

المشاركة الأصلية كتبت بواسطة aaet1

الفكرة يابيه انت مأمن عند مين، لأن فيه شركات تأمين مابتطلبش محضر قبل 5000 أو 10000 جنيه اصلاحات، وبعدين طبعا التأمين السنة الجاية هيتأثر بالحادثة بس الموضوع راجع لشطارتك يعنى المفروض ان التأمين بيقل سنة عن التانية ده طبيعى من 10-20% وبعد ما يقل هيزيد حتة علشان الحادثة فلو ماعجبكش القسط طيح فيهم وهددهم انك هتسحب التأمين وروح شركة تانية وخد القسط عادى بدون تأثير الحادثة واللى طبيعى هيقل بسبب ان تمن العربية بيقل زى ما قولتلك

ومعلش الحمد لله على كل شئ

انا مأمن مع المهندس
ومش عارف بصراحه حكايه المحضر الي قبل 5000 او 1000 تلاف دا
ياريت حد يكون مأمن معاه وعنده خلفيه يفيدني

المشاركة الأصلية كتبت بواسطة normal

ألف سلامه عليك يا باشا
وهى ماشيه بالعفو عند المقدره عندنا :)
ربنا يسترها

الله يسلمك يا باشا والحمد لله ماشيه بستر ربنا

المشاركة الأصلية كتبت بواسطة lolly136

بص أنا حجيبلك سعره من الوكيل وبرده حاول تشوف سعره بره كام

أنا لسه مغير الاكصدام الأمامى وسعره فى الوكيل 1200 جنيه