أول مشكلة في عفشة النيو اكسنت

**attaromar** · 19-08-2010 05:09 AM

أعزائي...و طبعا العهد باني اشارك بتجربتي في المنتدى الرائع ده يلزمني اني أعرض مشكلة حصلتلي البهاردة

الصبح كنت ناوي أعدي على بنزينة موبيل سموحة و أروح لعم علي يربط العفشة و يظبط زوايا-طبعا مستغربين-
و ده كان من إقتناعي التام ان العربية و هي في صيانة ال 5000 ماتعملش فيها الهوى و ده ببساطة لأني كنت من صيانة 1000 حاطط شيل 10000 ....المهم.. السواقة في نهار رمضان أعوذ بالله و عقبال ما روحت الشغل كنت ضارب كام فرملة خطر على الصحراوي بسبب هبل ناس كتيير في نهار رمضان و ربنا الحافظ

الحقيقة إتأخرت عن البنزينة و اجلت الموضوع لتاني يوم و إذا أفاجأ و انا بعدي مزلقان الشبان المسلمين بخبط و كركبه في العجلة الشمال...و مع اي بلاعة ولا مطب تعمل فرح...خبط و خشونة و حاجة تخض بصراحة

بعد الفطار روحت بلأمورة التوكيل...و المهندس حلفلي ان تربيط العفشة إجباري في كل صيانة...

دخلت اول واحد و شوفت الصنايعي رفعها ...خمس دقائق و نزلت و طلعلي بره
"هي مزعلاك في ايه ياباشا دي زي الفل"
" لأ بتعمل خبط غريب مع المطبات و الفرامل مش بتمسك ياريس"
" طيب تعال نجربها كده"
اول بلاعة برة الورشة طلع صوت حديد على حديد..." اه " قالى الصنايعي

رفعها تاني و نزلها..زو جربناها...تمام....قولتله كان فيها ايه يا معلم؟
قاللي "هي كان فيها رباط عفشة و صامولة شمعة الاتزان حلت"

كلنا عارفين ان عفشة النيو اكسنت ناشفة بس هل تربيط العفشة لو مش منتظم يعمل كده؟؟

**haroun707** · 19-08-2010 05:32 AM

المشاركة الأصلية كتبت بواسطة attaromar

أعزائي...و طبعا العهد باني اشارك بتجربتي في المنتدى الرائع ده يلزمني اني أعرض مشكلة حصلتلي البهاردة

الصبح كنت ناوي أعدي على بنزينة موبيل سموحة و أروح لعم علي يربط العفشة و يظبط زوايا-طبعا مستغربين-
و ده كان من إقتناعي التام ان العربية و هي في صيانة ال 5000 ماتعملش فيها الهوى و ده ببساطة لأني كنت من صيانة 1000 حاطط شيل 10000 ....المهم.. السواقة في نهار رمضان أعوذ بالله و عقبال ما روحت الشغل كنت ضارب كام فرملة خطر على الصحراوي بسبب هبل ناس كتيير في نهار رمضان و ربنا الحافظ

الحقيقة إتأخرت عن البنزينة و اجلت الموضوع لتاني يوم و إذا أفاجأ و انا بعدي مزلقان الشبان المسلمين بخبط و كركبه في العجلة الشمال...و مع اي بلاعة ولا مطب تعمل فرح...خبط و خشونة و حاجة تخض بصراحة

بعد الفطار روحت بلأمورة التوكيل...و المهندس حلفلي ان تربيط العفشة إجباري في كل صيانة...

دخلت اول واحد و شوفت الصنايعي رفعها ...خمس دقائق و نزلت و طلعلي بره
"هي مزعلاك في ايه ياباشا دي زي الفل"
" لأ بتعمل خبط غريب مع المطبات و الفرامل مش بتمسك ياريس"
" طيب تعال نجربها كده"
اول بلاعة برة الورشة طلع صوت حديد على حديد..." اه " قالى الصنايعي

رفعها تاني و نزلها..زو جربناها...تمام....قولتله كان فيها ايه يا معلم؟
قاللي "هي كان فيها رباط عفشة و صامولة شمعة الاتزان حلت"

كلنا عارفين ان عفشة النيو اكسنت ناشفة بس هل تربيط العفشة لو مش منتظم يعمل كده؟؟

بص ياباشا انا عاوز اقولك ان الصاموله لو مفكوكة تعمل كده طبعا

والعربية اللى معاك دى من احسن العربيات اللى نزلتها هيونداى

وبالنسبه للعفشه الناشفه الكلام ده حتنساه لما تحط فى الكاوتش نيتروجين بدل الهوا
ان شاء الله حتلاقيها فرقت جـــــــــــــــــــامد جداً