سيتروين ax ولا رينو 5

رمضان كريم يا اهل اقوى منتدى سيارات مصرى بقالى فتره متابع الجديد هنا و عجبنى قوى خبرات كتير حلوه لاهل المنتدى و ده اللى خلانى اسال حضراتكو قدامى عربيتن واحده سيتروين ايه اكس موديل خمسه و تسعين موتور 1400 مكيفه و حالتها نضيفه قوى ب 18000 الف و كمان قدامى رينو سوبر سانك ا400 برضه موديل تسعين حاله شاذه و برضه فى حدود نفس السعر و المشكله انى لا اعرف حاجه عن دى و عن دى انا نازل من فيات 131 و طبعا عمرى ما غلبت فيها فى حاجه ارجو النصيحه من اهل الخبره فى العربيتن عن قطع الغيار و الاداء بشكل عام و اى مميزات او عيوب عن تجربه لاى من العربيتن انا عارف ان الاتنين مش زى الفيات فى قطع غيارهم و توافرها بس برضه اكيد مش زى الفيات فى ركوبهم و انا عاوز احدث شويه و العربيتن دول فى حدود امكانياتى فكان الاختيار ما بينهم و كمان المازدا 323 اسف للاطاله و ارجو الرد و الاهتمام جزاكم الله خير

السلام عليكم انا من رايى انك تبعد عن المازدا لان عفشتها مش حلوة كانت معايا سنة 87 يعنى كانت تعتبر جديدة وتعبتنى فى كبالنها وعفشتها العربيتين الاخريين متشابهين انا بفضل الرينو عفشة ممتازى وسيارة ممتعة فى قيادتها بس هو عيبه انه موديل قديم لكن هى عربية ممتازة وبعدين السيتروين حلوة وتعتبر أحدث بس الحقيقة ماجربتهاش فى المشى غير مرة واحدة بس العربية كانت متبهدلة وما استمتعتش بيها زى الرينو 5 ومتهيألى قطع غيارهم لازالت متوفرة

انا عاجبانى ال ax برضه زيك ، وقطع غيارها على ما اسمع فى الاغلب استيراد مش جديده يعنى ، ومش كل الميكانيكيه يعرفوا يصلحوها

الستروين أفضل لأنها منتشرة أكثر وكل حاجتها موجودة جديد وإستيراد

www.sol.net.eg/citroen.html