قتيل و 18 مصاب فى حادثة على الدائرى

**shadymelad** · 19-08-2010 06:13 AM

يوسف جمال: مصراوي - أدى تصادم 7 سيارات ملاكي وأجرة ونقل يوم الأربعاء أعلى كوبري المنيب إلى تعطل حركة المرور أعلى الكوبري لعدة ساعات.. أسفر الحادث عن مصرع شخص وإصابة 18 آخرون بإصابات مختلفة.

الحادث الأول تسبب في تعطل حركة المرور لعدة ساعات حتى تم رفع السيارات من الطريق وتسيير حركة المرور مرة أخرى، وتولت النيابة التحقيق.

كانت أجهزة الأمن بالجيزة قد تلقت بلاغا بالحادث وتبين تصادم بين سبع سيارات بمحور المنيب أعلى شارع البحر الأعظم، تبين أنه أثناء سير سيارة نقل في الاتجاه القادم من المعادى ونتيجة السرعة الزائدة تخطى قائدها الجزيرة الوسطى وعبر إلى الاتجاه الآخر مما أدى إلى اصطدامه بسيارة ملاكي من الأمام وتوالى اصطدام بقية السيارات بالسيارتين.

أسفر الحادث عن مصرع شخص وإصابة 18 آخرين وتم نقل المصابين إلى المستشفى لتلقى العلاج اللازم، وباشرت النيابة تحقيقاتها.

**ahmedsamir79** · 19-08-2010 09:38 AM

لا حول ولا قوة إلا بالله

**د.محمود صلاح** · 19-08-2010 11:54 AM

اللهم احفظنا يارب

**icehearted girl** · 19-08-2010 06:55 PM

كل يوم بطلع علدائري بحساني شايلة كفني فعلا واقعد اسبح وبتشاهد ونا نازلة مننه

امبارح بس قبل نزلة المنيب بشوية لقيت عربية نقل معدية ومش هقلكم بقي زلط بيقع منها

لا دي اتنطر منها طوبة حجرة كبيرة جدا حجمها نص حجم حجارة الرصيف مثلا وكانت قدامي علي طول

ولقيت الحجارة طايرة حسيت انها لا مفر هتكسر البربريز وتدخل تكسر دماغي بعدها علي طول

وعماله اجي يمين وشمال فثانيتين عشان اتفاداها مش عارفة

لحد مبطأت فجأة راحت نازلة تحت العربية وطراااااااااخخخخخخخخخخخخخ

كأني خبطني ونش من تحت العربية

وكملت وقبل نزلة المعادي علي طول موتوسيكل فنص الطريق قرر انه يركن يمين فأة وطبعا متخيلين اللي حصل بعدها

تلات اربع عربيات ورا بعض بيفرملوا مرة واحدة وهما طايرين واللي راح يمين واللي راح شمال

انا قلبي وقف ساعتها واترد فيا تاني

ربنا يستر علينا

**dr-mohamed** · 19-08-2010 10:42 PM

الله يرحم الجميع يا رب
منهم لله النقل اله يخرب بيتهم وبيت سنينهم
امبارح واول امبارح والله مرتين مع تريلا والمرتين كانوا هيركبوا على العربية من الامام بس ربنا ستر

**abo_lamar** · 19-08-2010 11:35 PM

الله يحرق سواقين النقل بجاز ... الناس دي مش لاقين حد يلمهم عشان بتوع المرور مش بيتشطروا الا علينا بس ومخلين سواقين النقل فاكرين الشوارع دي تكية ابوهم واللي خلفوهم وفي الاخر الضحايا ناس غلابة واطفال اتيتمت .
لا حول ولا قوة الا بالله