شوف قائمة بشركات السعد و انت تتأكد من ان الناس دي كانوا أصحاب تجارة و صناعة حقيقية مش نصابين
شركات السعد تاريخ لن يموت - منتديات أشرف السعد
شوف قائمة بشركات السعد و انت تتأكد من ان الناس دي كانوا أصحاب تجارة و صناعة حقيقية مش نصابين
شركات السعد تاريخ لن يموت - منتديات أشرف السعد
هقول لحضرتك في شرحي للتفاصيل
ربنا يستر واقدر اقول حاجة مفيدة
احد الاخوة رد على حضرتك وردي هيكون في مشاركتي التالية
كل ما في الامر ان كل القضايا اللى عليه انتهت وكان لابد من الافراج عنه او اصدار امر باعتقاله وهو ما كان سيثير هجوم على الحكومة ليست في حاجة اليه الان
احمد الريان
شاب مصري حاصل على بكالوريوس طب بيطري ومن قادات الجماعات الاسلامية في الجامعة في هذا الوقت حيث كانت تسيطر عليها سيطرة تامة في السبعينات
بدا العمل في تجارة البلاستيك من منتجات شركة مصانع الشريف وتعرف على اشرف السعد وبدآ معا العمل في تجارة العملة وبمرور الوقت اتسع نشاطهم حتي انهمااصبحا رجال على حسن اكبر تاجر علمة في مصر في هذا الوقت حيث لم يكن مسموحا بالاتجار في العملة كما هو الحال مع شركات الصرافة الان وكان الفرق بين تغيير العملة في البنك وفي السوق السوداء كبير لدرجة ان الدولار كان يتم تغييره في البنوك ب 78 قرش بينما يمكن تغييره في السوق السوداء بجنيه كامل وهو ما يفسر سر زيادة ثرواتهم في وقت بسيط بشكل كبير
بعد فترة من العمل في العملة تم القبض عليهما بتهمة تمويل نشاط الجماعات الاسلامية وهي تهمة براهما منها اللواء فؤاد علام نائب ريس ان الدولة فلم يتم محاكمتهما
بعد الافراج عنه اتجه احمد الريان الى التجارة ليصبح عمله مشروعا واسس مجموعة شركات الريان وهي مجموعة شركات تعمل في كل شئ خصوصا السلع الاستهلاكية ودورة المال فيها تكون سريعة ومع كبر حجم لاتجارة يمكن ان تحقق ارباح خرافية وبدا الريان في توظيف الاموال وفي هذا الوقت كانت البنوك تعطي فوائد 9 % زادت لمواجهة شركات توظيف الاموال الي 17% بينما كانت شركات توظيف الاموال ومنها شركات الريان تعطي 25% ارباح (وليس فوائد حتي يصبح التعامل شرعي) وتدفقت الاموال من كل انحاء الجمهورية ومن العاملين المصريين بالخارج وكان عددهم ضخما في هذا الوقت
زاد اقبال الناس على شركات توظيف الاموال بشكل رهيب خاصة مع التزامها بصرف الارباح حتي انه يقال ان هناك مديرين لبنوك كانوا يحصلون على الاموال المودعة في البنوك ويضعونها كوديعة في شركات توظيف الاموال ويحصلون على الفارق لانفسهم
استعان الريان برجال الدين لاضفا المشروعية على عمله الذي كان مشروعا في الاساس فكان الشيخ الشعرواي اكبر مرجعية دينية في هذا الوقت ممن يقومون بافتتاح المشروعات الجديدة للريان
في نفس الوقت قام الريان بتعيين كبار المسؤلين السابقين من لواءات الشرطة والمحافظين والوزراء السابقين للعمل في شركاته بمرتبات خيالية باسعار هذا الوقت وهو نفس ما قام به الشريف والسعد لتسهيل اعمالهم
هناك اقاويل كثيرة عن ان الريان تدخل لمساعدة الحكومة لتوفير العملات الاجنبية للاستيراد ولا يخفي على احد ان العملات الاجنبية كانت الحكومة تعاني من قلتها في هذا الوقت للاستيراد
الخطوة الخاطئة من الريان كانت حين نسي نفسه واعتقد انه اقوي من الحكومة وكانت الاشارة البسيطة لقدرته التي لم ينتبه اليها احد لكنها لفتت انتباه اصحاب الشأن في هذا البلد هي برنامج احمدك يا رب تقديم جمال الشاعر الذي كان يقدم في رمضان ويمنح رحلتين حج كل يوم وهي جائزة ضخمة بمقاييس هذا الوقت وكان الاشتراك فيها يتم بالاتصال هاتفيا بعد انتهاء الحلقة مباشرة قبل المغرب حتي الساعة 10 صباح اليوم التالي ليتم اعلاان الفائزين في الحلقة الجديدة وهو ما ادي لانقطاع الاتصالات التليفونية في مصر اول اسبوع في رمضان في مصر كلها نظرا لشدة الضغط على شبكة الاتصالات الارضية الضعيفة اصلا وهو ما ادي لجعل الاشتراك بالتلغرافات فانتقلت الازمة الى السنترالات
هذه الخطوة نبهت من يهمهم الامر اكثر الي ان الريان لم يعد مجرد رجل اعامل لكنه يمكن ان يوجه الجماهير لتحقيق اهدافه بسهولة اليوم في الاقتصاد وغدا في غير الاقتصاد خاصة ان مصالح كثير من المصريين انذاك اصبحت مرتبطة بمصالحه هو وباقي اصحاب شركات توظيف الاموال
تم القبض عليه بتهمة توظيف الاموال والاتجار في اسواق النقد الاجبنية بالعملات وهو ما ادي لحدوث حالة رعب وسحب جماعي للمدخرات مما ادي بالطبع الى انهيار اعماله
الطبيعي في عمل اي بنك انه يحتفظ بنسبة بسيطة من الودائع لديه في شكل سيولة لمواجهة طلبات السحب ويقوم بتوظيف اغلبية امواله ليدفع منها الفوائد ويغطي تكاليفه وارباح المساهمين بجانب احتياطي قانوني اجباري في البنك المركزي تكون في حدود 10 - 15 % اجباريا وفق تعليمات البنك المركزي
فاذا واجه البنك سحب فجائي اكبر من نسبة الاحتياطي لديه يقوم بالسحب من البنك المركزي لمواجهنة السحب حتي لا يمتنع البنك فتحدث هستيريا جماعية تؤدي لانهيار البنك كما حدث في اسواق اسيا وفي الارجنتين حين خفضت الدولة قيمة العملة
قيام الحكومة بالقبض على الريان ادي لحالة الرعب الجماعي فقام الجميع بالتوجه لسحب مدخراتهم وبالطبع لم تكن هناك سيولة كافية لان معظم امواله مستثمرة في التجارة مما ادي لعدم القدرة على رد المدخرات (وبالطبع لم يقم البنك المركزي بدعمه لانه ليس بنك مع ان الظيف ان سامي حسن الذي قلنا انه كان اكبر تاجر عملة قام وقتها بفتح بنك ولو تعرض لنفس الامر لدعمه البنك المركزي ههههههههههههه)
لم تستطع الحكومة ادارة تجارة الريان وشركاته لطبيعة الادارة البيروقراطية مما ادي الى ان اصبحت المدخرات اكبر من الاصول مما ادي لتوزيع نسب اقل مما تم ايداعه والظريف ان الحكومة وقتها كانت توزع على المودعين نسبة 10% نقدي والباقي بضائع من مخازن الريان
طبعا تعرضت الشركات للنهب وسوء الادارة والتصفية في النهاية وقضي الريان سنين شبابه في السجن حوالى 23 سنة
مؤخرا تم الافراج عن الريان بعد ان كتبت ابنته شيك بقيمة 900 الف جنيه اخر شيك على ابوها للافراج عنه والله اعلم الشيك برصيد ام لا
هل كان الريان نصاب ام اسطورة اقتصادية ؟؟؟؟؟؟؟
الريان رجل اعامل ناصح زكي غير تقليدي لو كان دخل تحت عباءة الدولة لما ظهر الان رجال عامل من عينة رامي لكح الذي اشار اليه البعض في مشاركاتهم ومن عينة احمد عز وفريد خميس والكثيرين غيرهم
تاجر في العملة في بداية حياته ؟ نعم ومن منهم لم يفعل
انشان مجموعة شركات ضخمة تتاجر في كل شئ من بيع الذهب للاسماك ومن السلع الاستهلاكية للمعمرة ؟ نعم
منح ارباح 25 % ؟؟؟؟؟؟ نعم
هل يمكن تحقيق هذه الارباح ؟؟؟؟؟ نعم
ونحسبها سوا
لو افترضنا ان واحد بالحجم ده بيتاجر في سلعة وبيكسب فيها 1% بس وسرعة دوران المنتج كبيرة جدا ممكن اسبوعيا يبيع كل المنتج ويكسب صافي 1% يعني 52 % سنويا ده اقل شئ ولو حد عنده القدرات المالية اللى عند الريان واشتغل في سلعة واحدة بس هايكسب اكتر من 100% سنويا كمان
وهنروح بعيد ليه دلوقت فيه اتنين بيسكبوا اكتر من كدة تعرفوا واحد منهم كلكم والتاني بعضكم يعرفه هما سيد السوريطي بتاع التوحيد والنور وعيد لبيب صاحب محلات عيد لبيب والاتنين بيتاجروا في سلع استهلاكية وبيلعبوا لعبة الدين واحد مسلم والتانى مسيحي والاتنين بيكسبوا كويس جدا وارباحهم تزيد عن 100% والا فسروا لي ازاي فروعهم بتزيد بالشكل السرطاني ده
ولما السويركي الشيطان وزه وافتكر انه ممكن يبقي حاجة فتحوا له قضية تعدد لازوجات واتربي كام سنة في السجن وخرج لانهم مش عايزين يدبحوه
انما الريان كان فيه اصرار على ذبحه لخطورة النموزج الاقتصادي اللى هو بيقدمه وهو الاقتصاد الاسلامي بعد ما تعدي مرحلة التجارة في العمل وبدا في الاقتصاد الحقيقي
لكن رايي الشخص واللى بعيب فيه على الريان والسعد والشريف انهم كلهم اتجهوا للسلع الاستهلاكية محدش اتجه للسلع الانتاجية اللى ممكن تخلينا دولة محترمة زي صناعة لااليكترونيات او السيارات اللى دول بداتها في التمانينات زي كوريا والتسعينات زي مالزيا ودلوقت انتم شايفين اصبحوا ايه
طبعا ده اللى بعيبه على اصحاب شركات توظيف الاموال ومحدش يقولي طيب مبتقولش كدة عن رجال الاعمال دلوقت ليه
مبقولش عن رجال الاعمال دلوقت لانهم مش رجال اعمال دول في معظمهم شوية لصوص
كلام جميل جدا اشكرك عليه
انا سمعت من فتره ان الريان اشتغل فى بورصة لندن وخسر مبالغ ضخمه وحصل عجز ودى كانت بداية الانهيار ؟؟
الف شكر لحضرتك وجزاك الله خيرا على المعلومات
الحاجة اللى عجبتنى فى الريان انه مهربش بره ولم يتهرب من المسؤلية ربنا يجازى اللى كان السبب فى قتل اقتصاد كان فى طريقة للنمو
اظن دلوقتى مصر محتاجة ريان تانى فى ظل الازمات الحالية
الله يكرمك يا حازم يا شرقاوي
نفسي اشوف شرقاوي رخم او غلس
مصر محتاج 100 ريان علشان يطلعوا بيها تانى
بس قبل ده لازم تنضف الاول وبعنف زي الجراح لازم تبتر كل الفساد ورجال الاعمال الفاسدين نتاج هذا الفساد
ههههههههههههه يا باشا لو عايز تشوف شرقاوى رخم انا تحت امرك تشوفنى فى اى وقت :36_3_10[1]:
ربنا يسهل ونلاقى جراح يقبل يعمل العمليه الصعبه دى ويقطع اطراف الفساد السرطانيه فى البلد
وانا بصراحة مستبشر بالبرادعى خير
ربنا يهدى الناس بتوع حمله جمال مبارك :36_1_31:
بختلف معاك يا حزوم
البرادعي لا ين البلد
الراجل برة مصر من 30 سنة يعني يعرف مصر السبعينات و لانه لا يعرف اي شئ عن البلد ومعندهوش اي مشروع او برنامج مجرد فورة او لهب نار بيختفي بسرعة
ونور تاريخه غير مشرف قبل القضية بتاعة التزوير من ايام ما كان صحفي في الوفد وفبرك صور وفؤاد سراج الدين طرده
وجمال طبعا شكرا
مطلوب وجه جديد وللاسف النظام لم يطعي اي فرصة لظهور وجه جديد يستجق
تمام لابد من التنظيف وبتر الفساد اولا قبل كل شئ
لأن حتي لو جه 1000 ريان مش 100 في ظل الفساد الحالي الحكومه مش هتسمح لحد منتمي لجهات اسلاميه
يكون له شأن في مصر الريان كان عايز ينهض بالبلد لأنه شايف حالة البلد في تدهور مستمر بس
ماسلمش ده حتي لما خرج ماسلمش واتحبس تاني واخيرا تم الموافقه علي ان يسدد 900 الف جنيه
علي اقساط شهريه اعتقد ان الحكومه قصقصت كل ريشه علشان يبقي علي الحديده وميوجعش دماغها
تاني واعتقد المجال اللي ممكن هيشتغل فيه بعد كده هو مجال كروت الشحن والخطوط
عندك حق يا موجة ولا مليون ريان ممكن ينهضوا بالبلد وفيها كم الفساد ده
بس على فكرة الريان معملش الشركات بتاعته علشان ينهض بالبلد ولا حاجة ده راجل اعمال عايز يكسب وبس
انما لو عايز ينهض بالبلد بجد كان اتجه للصناعات الحقيقية زي الاليكترونيات والسيارات اللى كوريا وماليزيا بدوا فيها في التمانينات وشوف هما فين دلوقت
وبعدين كروت شحن ايه بس هو انت ناقص منافسة
هو معندهوش اى برنامج لانة حتى الان لم يطلب الترشيح ولكن يطلب سبع مطالب منها الغاء حاله الطوارئ وتعديل الدستور
بالنسبة لفكره هو عايز يحول مصر لدوله مؤسسات زى امريكا الاهتمام بالتعليم والصحة والبنيه التحتيه يعنى الاهتمام بالفقراء مش الاهتمام بالاغنياء
بالنسبة لترشيحى له ليكون الرئيس
زى ماحضرتك قولت هو عاش بره 30 سنة برغم انه كان بيجى مصر شهرين كل سنة بس عاش بره وشاف الديمقراطية والعداله الاجتماعيه واحترام الحكومات للشعوب
بالاضافة للجائزة نوبل وقلادة النيل وجوائز عالميه كثيرة وكان مساعد وزير الخارجية
يعنى راجل مش محتاج شهرة مش محتاج فلوس مش محتاج مركز اجتماعى
عجبنى فكره عجبنى اسلوبة طريقته فى حل المشاكل زى التعليم والصحة والاستفاده من خبرات الدول السابقه زى كوريا و الهند ودبى
انا راى انه احسن واحد فى المتقدمين للترشح حتى الان
ويارب المعارضة كلها تتحد ونختار واحد بس ويكون فى انتخابات نزيهه وحره
هههههههههه بالعكس الريان لو دخل المجال ده هينزلنا كروت الشحن بسعر محروق ده لوكان لسه
فاضل معاه فلوس شايلها علي جنب وعلي فكره المجال ده شبيه بتجاره العمله بس اللي معاه ملايين عقبال عندنا كده يارب
ماهو للأسف الحكومه مادتهوش فرصه علشان يخش في المشاريع ديه الريان لو كان موجود لحد
النهارده كان زمانه عنده اكبر توكيلات السيارات والأجهزه الألكترونيه زي مالحاج محمود العربي
أخد كبر توكيلات توشيبا وشارب
اولا سيك من حكاية انتخابانت نزيهة دي لان نزيهة نفسها مش موافقة يعني انسي يا عمرو
ثانيا سيبك من الجوايز اللى واخدها لان قلادة النيل والكلام ده كله تلميع للنظام وقتها وجايزة نوبل اخدها علشان موقفه من اسرائيل كان من اروع ما يكون لهم ولم يجرؤ على ان يفتح فمه بكلمة عنه طول رئاسته للوكالة بينما شرد باكستان والعراق وحتي مصر
ثالثا انه يكون مطالله الغاء الطوارئ وتعديل الدستور بيدل على انه بيقول اي كلام وخلاص
الغاء الطوارئ دي لا يمكن تكون هي اساس برنامج انتخابي دي حاجة اتفه من انها تكون الاساس
اما تعديل الدستور فمتشكرين الدستور بوضعه الحالي لا يمكن تعديله لانه اصبح سمك لبن تمر هندي حله الوحيد الغائه تماما ووضع دستور جديد لانه قمة التناقض في مواده وبجد مسخرة وفيه دكتور فتحي فكري في حقوق القاهرة ماسح بالدستور والتعديلات بتاعته الارض
دكتور محمد انتا :verygood:
فعلا 99% كلامك انتا وابويا متشابهه
دلوقت فعلا مش عارف الريان هيعمل ايه في الوقت الحالي
تتوقع ايه يا دكتور؟؟؟
A.Yakout
الله يكرمك يا ياقوت
انا ووالدك قريبين شوية في السن مع الاحترام طبعا للسيد الوالد
واحنا الاتنين عاصرنا الكلام ده فعارفينه كويس اوي
واختي كانت هتحط فلوسها في الريان وقتها لكن ابويا الله يديه الصحة قال لا منضمنش ايه ممكن يحصل بكرة والحكومة اكيد مش هاتسيبه في حاله وفعلا حطت فلوسها في بنك
دلوقت هيعمل ايه الله اعلم هيتوقف على هل هو معاه فلوس فعلا ولا لا
انا لسة شاكك ان ممكن يكون فيه فلوس برة من ايام ما كان لسة شغال ولو ده حقيقي يبقي بعد فترة بسيطة هيسافر ومش هيرجعها تانى
بس الغالب انه على الحديدة وفي الحالى دي هيلجا للناس اللى كان ليه عليها افضال كبيرة زمان وساعدهم يسددوا له الغرامة ويعيش على الهامش بقية ايامه
يااستاذى انا مجبتش سيرة الحلال والحرام ولاجيت جنبها
وجهة نظرى واحد عاوز يستثمر ويشتغل على عينى وعلى راسى انما حسب الاصول يعنى يعمل شركه مساهمه محترمه حسب قوانين الاستثمار والشركات المساهمه وقتها ويكون معروف مصدر امواله
وماينفعش يشتغل بالمليارات ونقولله احنا مش مهم مصدر فلوسك ايه ولا وارثها ولا احد اداهولك ولا الكلام دا خالص واحد عنده كام وتلاتين سنه وبيشغل 250 مليون دى مش ملفته للنظر ؟ فمينفعش واحد دخل السوق وطلع بالسرعه دى وكسب المكاسب الرهيبه دى فالوقت القليل دا اديله فلوسى يستثمرها لمجرد انوبيقول انا بعمل اقتصاد اسلامى !!
اانااللى باينلى دلوئتى انو كان شغال بطريقة لبس طاقية دا لدا واهى ماشيه والسلام ولما جت الناس تطالب بفلوسها عجز عن السداد
أستاذ هشام
حضرتك هتلاقي في مشاركتي المقتبسة عاليه ردود على مشاركتك الأخيرة ذاتها..فراجعها مرة أخرى غير مأمور وشكرا سلفا
ياحازم صدني والله لو ينفع فيه تعديل كنت قلت يتعدل
الدستور الحالي بوضعه الحالي لا يصلح لدولة من بلادء الواء واء ولا من جزر بتركب التكتك حتي
الدستور بيقولك ان الدولة نظامها اشتراكي
وطبقة العمال ونسبة ال50% عماال وفلاحين
طيب بذمتك ده كلام ؟
والمادة 76 لوحدها دي كارثة
والله ما ينفع لازم يتغير كله ويتعمل دستور جديد لكون عقد اجتماعي جديد ده لو عايزين نبقي دولة محترمة
يا توفيق بيه كلام اخونا بحري عن نظام البنوك سليم
واحنا مش بنقيم تجربة الريان كنظام اسلامي ولا لا
انا عن نفسي بقيمه كفكر اقتصادي مش اكتر
والريان وقت ما عمل مجموعة شركاته كانت قانونية وفق القوانين الموجودة وقتها
اما حكاية مينفعش واحد يشتغل بالمليارات واحنا مش مهم مصدر فلوسه ايه فبسيطة ممكن حضرتك تقولي مصدر فلوس احمد عز ؟؟؟؟؟؟؟؟؟؟
اوع تقولي وارثها عن السيد الوالد زي ما هو بيقول لان الوالد بتاعه خرج من الجيش في التطهير ولا يملك سوي معاشه
ومش احمد عز بس لا قولي مصدر ثروة واحد من كبار رجال الاعمال في البلد دلوقت من عز لخميس لنصير لساويرس لبهجت كلهم مشكوك في مصدر اموالهم وبرغم كدة شغالين وبيقولوا انهم رجال اعمال
وكلامه عن انه في التلاتينات وكان بيشتغل في اكتر من 250 مليون صحيح لكن هو مقالش انها كانت فلوسه دي كانت فلوس ناس وهو بيستثمرها لهم زي اي شركة مساهمة دلوقت لكن هو كان شرطة توظيف اموال لان الدولة سمحت بنشاتها زي ما قلت وفق القوانين الموجودة وقتها
ولو مخالف للقانون الدولة تركته المدة دي كلها ليه
صحيح
دلوقت اتلغت شركات توظيف الاموال قانونا بس تقدر تقولي ابنن وزير التضامن فين دلوقت ؟
اقولك انا
هربان في امريكا بعد ما لطش مليار ونصف بحجة توظيف الاموال وهرب بيهم وابوه لسة وزير
ايه رايك ؟؟؟؟؟؟؟؟؟؟؟؟
والريان مكانش شغال بطريقة تلبيس العمم اقري مشاركتي عن طريقته في العمل وانت تعرف انه كان تاجر شاطر بس لما تيجي لاي تاجر فجاة او حتي لاي شركة مساهمة زي ما انت عايز ويجي المساهمين كلهم عايزين يبيعوا اسهمهم فجاة الشركة دي لو اسهمها تساوي 2 مليار مش هتعرف تبيعها ب100 مليون حتي و ده اللى اتعلم في الريان فلوسه كلها في السوق والسيولة عنده الل ىتغطي المصاريف العادية وفجاة الحكومة تقبض عليه وكل الناس عايزة فلوسها طبيعي ميبقاش فيه سيولة يسدد
يا حزوم اوع تغرك الجوايز اللى واخدها برة
كلها عندي لا تساوي شئ لان اسباب منحها كلها مشكوك فيها
زي ما نجيب محفوظز اخد نوبل عن اولاد حارتنا كدة
اما موقف البرادعي من العراق فكان مخزي وفضل مصمم على التفتيش لغاية قبل الغزو بايام رغم انه عارف ان مفيش نووي ومكبش كولين باول وهو بيعمل الفيلم الهابط في مجلس الامن
ومفتحش بقه بكلمة واتخرس ادام اسرائيل والنووى الللى عندها رغم ان ده شغله و دي كفاية انى ارفضه بالثلث
صدقني لو عايز يهرب كان هرب
كل ما في الامر انه غالبا مكانش مصدق ان الموضوع جد زي ما حصل فيه
وبعدين ما رامي لكح سرقنا وهرب يا سيدي
ولما جم يرجعوه اشترط يدخل انتخابات مجلس الشعب وينجح علشان ياخد الحصانة
ولما فكروا يرفعوا عنه الحصانة كان خلع تانى على فرنسا
انا طبعا مبقولش ان رامى لكح ولا احمد عز ناس محترمه
الاولانى حرامى بنوك والتانى محتكر ومنافق
والاتنين ....... من بعض :-)
السيد الفاضل cairo 2005
حقيقي استفدت من العرض لتجربة الريان التي كنت فقط استمع عنها دون توضيح او تفصيل
فقط يلزمني تعليق واحد فقط علي نقطتين بشأن حديثك عن البرادعي و لن اخوض اكثر من ذلك او اوضح اكثر لأن هذا ليس مقامه
الاولي
الفيديو يغني عن الحديث و يعنيني الجزء الاولاقتباس:
اما موقف البرادعي من العراق فكان مخزي وفضل مصمم على التفتيش لغاية قبل الغزو بايام رغم انه عارف ان مفيش نووي ومكبش كولين باول وهو بيعمل الفيلم الهابط في مجلس الامن
YouTube - ‫ظ…ط.ظ…ط¯ ط§ظ„ط¨ط±ط§ط¯ط¹ظٹ ظ…ظ† ط§ظ„ط°ظٹ ط³ط§ط¹ط¯ ط¹ظ„ظ‰ ط¶ط±ط¨ ط§ظ„ط¹ط±ط§ظ‚طں‬‎
الفيديو بتاريخ 27 يناير 2003
واضح وضوح الشمس
اما بالنسبة للمشاركة المصرية في ضرب العراق فلا احتاج الي اي فيديو لذلك
فأذني تشهد بسماع صوت الطائرات الامريكية و هي تمر فوق المجال الجوي لسيناء في الثالثة صباحا و راديو البي بي سي يعلن توالي قصف الاهداف في العراق
الثانية
اسف يا فندم ده مش شغله !!:120146bاقتباس:
ومفتحش بقه بكلمة واتخرس ادام اسرائيل والنووى الللى عندها رغم ان ده شغله و دي كفاية انى ارفضه بالثلث
الجهابذة الموقعين علي اتفاقية منع انتشار السلاح النووي في اواخر الستينات في مصر و العراق بل و اغلب الدول العربية و ايران ايضا
ثم من وقع لاحقا علي الملحق الاضافي لهذه المذكرة مثل مصر في اواخر السبعينات او بدايات الثمانينات و كذا العراق هو المسئول عن اعطاء هذه الصلاحيات لوكالة الطاقة الذرية بالتفتيش و الفحص و المراقبة للدول التي وقعت
في حين ان اسرائيل خارج هذا كله
لأنها لم توقع و لا اتفاقية
لذا هي غير ملزمة قانونا بأي شئ
اعتقد انها غلطة البرادعي ايضا !!
يا استاذي زيزو
انا مش مؤيد لحد من الكل وده واضح من مشاركاتي
ومش عضو في اي حزب سياسي
ولكن رايي في البرادعي ما زال انه لا يصلح
لعدم خبرته بشئون الدولة
ولمواقفه المتكررة في النووي من العراق ومصر واسرائيل
يا استاذنا من حقه كرئيس لمنظمة الطاقة الذرية يطلب من مجلس الامن التصريح بعمل تفتيش على مفاعلات اسرائيل النووية ولم يفعل
حين زار اسرائيل مرة اكتفي بركوب هليكوبتر لفت بيه شوية وروح على بيتهم ومفتحش بقه بكلمة
بص يا سيدي
انا من يوم ما بطرس غالي مسك الجمعية العامة واي عربي بيمسك منصب دولي بعرف اننا هنشوف ايام سودة طول رئاسته وعمر ظني ما خاب
والبرادعي واحد منهم
وفي كل الاحوال ايه برنامج الراجل والله ما قال كل اللى بيقوله شوية كلام عام اي واحد بيقرا جرائد او بيتفرج على محطات اخبار يقدر يقول زيه
للاسف مفتقدين الزعيم اللى عنده الكاريزما
ومفتقدين الشعب اللى عنده الرغبة والقدرة على التغيير
عن نشاط السعد من صفحات الجرائد
http://www.alsaadnews.com/photo/3/3.jpg
http://www.alsaadnews.com/photo/3/14.jpg
http://www.alsaadnews.com/photo/3/Untitled-1%20copy.jpg
http://alsaadnews.com/photo/3/16%20.jpg
http://alsaadnews.com/photo/3/2.jpg
من منتدي اشرف السعد
شركات السعد وما قدمته داخل مصر - منتديات أشرف السعد
هى لو على خبرة ادارة شؤون الدوله يبئى اللى موجودين او المرشحين لخلافة مبارك معندهومش نفس الخبره لان النظام لم يهتم متعمدا بتنمية صف تانى من القيادات حتى ولو من باب لاقدر الله حدوث اى كارثه فى مصر - مش عمل نظام ديموقراطى -
فى رأيى المشكله هى النقطه التانيه وهى افتقاد الشعب للرغبه فى التغيير وختى افتقاده القدره على الاختيار الصائب وتمييز الصالح من الطالح
مشفتش اهالى منشية ناصر وهما بيتصورو جنب اللى بيوزع عليهم تي شيرتات وهما مش قادرين يفكرو مين اصلا اللى وصلهم للبؤس دا
ياراجل دى كارثة الدويقه معداش عليها 3 سنين !!
سيدي الكريماقتباس:
انا مش مؤيد لحد من الكل وده واضح من مشاركاتي
ومش عضو في اي حزب سياسي
حديثي ليس معناه ان وجهة نظرك تعبر عن انتمائك لتيار سياسي معين
حضرتك بينت وجهة نظرك في عدة نقاط تجعلك تتشكك في صحة موقف الرجل
بينت لسيادتك عدم صواب هذا الرأي
الي هنا ما اريده وصل
حضرتك تؤيد البرادعي او تري انه لا يصلح صار هذا شأن و رأي شخصي خاص بسيادتكم ليس لي دخل فيه
لكن ما ذكرته حضرتك عن موقف البرادعي من العراق للاسف غير صحيح
هذه مواقف قريبة يذكرها كل متابع جيدا
و لا انسي ابدا يوم احرج البرادعي كولين باول في مجلس الامن عندما جلس الاخير يرغي و يزبد عن يورانيوم مكتشف في العراق
و احرجه البرادعي بشدة عندما اخبره بأن اليورانيوم الذي يتحدث عنه هو مستخرج من النيجر و مصدر للولايات المتحدة في اواخر السيتنات و ان العراق ليس له صلة بالامر "سأحاول ان اتي بالفيديو "
و كما اشرت لسيادتكم اسرائيل ليس للوكالة الذرية للطاقة النووية اي حق في التفتيش عليها لأنها لم توقع اي اتفاقية او ملحق
ما ذكرته سيادتك كانت دعوة اسرائيلة للوكالة لتفحص السلامة و الامن في المفاعلات الاسرائيلية و لم تكن الزيارة لديمونة بل للمفاعلات الاسرائيلية الاخري " السلمية "
شفت يا بشا متفقين ازاي
النظام لم يسمح بوجود اي شخص يصلح وقتل الصف التاني في كل مكان
وكل ما كان يظهر واحد والناس تبدا تقول انه كويس على طول يتنسف
وعندك ابو غزالة الله يرحمه اتظبطت له قضية لوسي ارتين والراجل احترم نفسه وقعد في بيتهم
عمرو موسي اخد شلوت على جامعة الدولة علشان يتهزأ من العرب
والموجودين دلوقت شوية هتيفة او لصوص او ناس ليس لها تاريخ او ناس لا تصلح
للاسف المستقبل في كل الاحوال مظلم مظلم مظلم
طيب هل معنى كده نستسلم ونلف البلد فى كفنها ؟
معاك مفيش صف تانى بس ممكن البرادعى يكون افضل الوحشين وفى كل الاحوال افضل من اللى موجود حاليا والاحوال مظنش انها ممكن توصل لاسوء من اللى هى عليه والا هيكون فيه زلزال يضرب البلد من شرقها لغربها
لو البرادعى وحش هيبئى من حقك - لو اتنفذت مطالبه واتغير الدستور - انك متنتخبوش بعد دورتين رئاسيتين
فيه شخص انجليزى متعصب شويتين وبصراحه مش فاكر اسمه كان قال على موقع "انتم لاتستحقون الحريه لانكم لاتريدون دفع ثمنها" وبصرف النظر عن القائل و المكان اللى قال كلمته فيها انا شايف ان الحريه تستحق مش عشانى ولاعشان اللى موجودين دلوئتى انما عشان ولادى ميكبروش ويلعنونا اننا سبنا البلد توصل لاحط من الحضيض
للاسف هى بلدنا واحنا اللى مسؤولين عنها مش حد تانى ومش بأيدينا نرفض المسؤوليه دى يعنى مفيش غيرنا اللى هيعدلها
ايه ده هو انت لسة متعرفش
واتدفنت ومتعملهاش عزا كمان
ووالله زمان كنت بقول زيك كل شوية اقول لا يمكن تبقي الاحوال اسوا من كدة الاقيها بقت اسوا واسوا
والبرادعي زيه زي غيره كلهم مجهولين والله اعلم هيحصل ايه لو مسكوا
اما حكاية الفترتين دي فبيفكرني بواحد اعرفه بردو اول ما مسك قال هيقعد دورتين وبعد كدة شكرا يا خسارة نسي
والراجل الانجليزي طبعا عنده حق
بص
انا دلوقت ماشي بمبدا انا مسؤل عن نفسي وبس
اعمل اللى عليا واللى يحصل يحصل
ويم ما تخرب هاخد عيالي وارجع بلدنا حتي يقضي الله امرا كان مفعولا
ياجماعة بعد اذنكو عاوزين واحد يكون عاش ايام الريان و يحكلنا بالظبط القصة و هل هو كويس ولا لأ و ممكن يكون فى امل انوة يرجع زى زمان ولا لأ و شكرا جدا ؟؟
انا وقتها كنت في الكلية وكنت مدمن سياسة واقتصاد ومتابع جدا خصوصوا زي ما قلت ان اختى كانت هتحد فلوسها من السفر في الريان وكان فيه واحد من قرايبي بيشتغل في الادارة الرئيسية عنده وهو اللى كان بيشجعني نحط فلوس اختى عنده
لكن الوالد الله يطيل عمره له نظرة ثاقبة رفض وقال لا الحكومة مش هاتسيبه في حاله وحطينا الفلوس في البنك
ومعظم اللى كتبته مما عاصرته فعلا
الموضوع جميل وانا عرفت معلومات كتير اول مره اسمعها
وشكر خاص للاستاذ cairo2005 على كلامك المفصل
==========
بالنسبه لرأى فى الموضوع والرأى دا اتذكر هنا اكتر من مره ان الحكومه لما لقت انه بيهددهم قصته زى شغل المافيا بالضبط.
طبعا شكرا جداااااااااااا يا استاذ cairo2005 انا بس كان قصدى ان حد راح حط فلوسة هناك و يحكلنا اية الى كان بيحصل بالتفصيل
انا بصراحة مش عارف مقتنع بالريان جداااااااااااا و حاسس انوة اتظلم
ربنا يخليك يا رب ومتشكر جدا على زوقك وكلنا بنتعلم وبنعرف من بعض
ورايك فعلا سليم
بص يا سيدي الناس اللى عملت ايداع عند الريان معظمهم في الحقيقة حصلوا على جزء كبير من اموالهم بالفعل قبل ما يتقبض عليه ما عدا المودعين في اخر سنة ليه بس ليه ؟
لان الناس اللى اودعت قبل القبض عليه بسنتين حصلوا على ارباح 50% (25 كل سنة)
وبعد القبض عليه حصلوا على نسبة حوالى 20% من اموالهم نقدي وجزء منها عيني يعني تقريبا اخدوا فلوسهم
المقلب شربه الناس اللى اودعت في اخر سنة لانهم ملحقوش ياخدوا حاجة واتلعملوا معاملة قريبة اوي من المودعين القدامي
واللى شربوا المقلب بجد الناس اللى كانت بتسيب الارباح بتاعتها وتضمها للي اودعوه من قبل
معلومات مفيدة جدا جدا استاذ / محمد
جزاك الله كل خير
و شكرا للافادة لكل من ساهم في زيادة المعرفة و ننتظر المزيد
و البرادعي مش مكانه هنا لو عايز تؤيده وقع علي موقع الحملة الوطنية للتغيير وقع علي تعديل الدستور و المطالب ال 7
معلوومات جااااااامدة والله
انا اول مرة اعرف الكلام اللي حضراتكوا قلتوة دة
وفعلا والدي كاان بيحكيلي عنة