انا نفسي اعرف ايه وظيفته بالظبط وامتي اعرف انه شغال ولا مش شغال وايه اضراره وفوايده
لاني ساعات بالاقي العربيه اتاخرت في نقل الغيار وال rpm علي ولازم ارفع رجلي من علي البنزين واندوس تاني عشان تنقل الغيار
عرض للطباعة
انا نفسي اعرف ايه وظيفته بالظبط وامتي اعرف انه شغال ولا مش شغال وايه اضراره وفوايده
لاني ساعات بالاقي العربيه اتاخرت في نقل الغيار وال rpm علي ولازم ارفع رجلي من علي البنزين واندوس تاني عشان تنقل الغيار
بص يا باشا فتيس الفيرنا اربع نقلات النقلة الرابعة ده بقي اسمها over drive
تمام؟
الطبيعي ان العربية تنقل بين الاربع نقلات عادي
انما ف حالة لو عايز تشد تقفل الاوفر درايف اللي هيا النقلة الرابعة والعربية تنقل بين ثلاث سرعات بس
وهتلاقي لمبة ف التابلوه منورة اللي هيا O/D OFF
انما الطبيعي ان الاوفر درايف يكون مفتوح واللمبة مش منورة
اسلوب القيادة وتحويل الاوتوماتك الي مانيول عن طريق استخدام L و 2 D و OverDrive
بعد ما تدور العربية تنقل علي حرف L وتطلع ولما ال RPM يكون عالي وصوت الموتور عالي شوية 20 الي 25 RPM وسرعة 20 الي 30 كيلو ماتزودش علشان غلط و تنقل بدون ما تشيل رجلك من علي البنزين علي ال 2 لغاية سرعة 60 كيلو وبعد كده تنقل الدراع الي D وتسمع وتحس بالنقلة من التاني الي التالت ( غير محسوسة تقريبا ) و تدوس علي زرار OverDrive الي 100 كيلو وبعد كده تطفية !!! العربية بتبقي مانيول في معدل التسارع يعني الوصول للسرعة في معدل زمني قليل جدا !!!
التفسير كالتالي
الاوتوماتك 4 سرعات وسرعة خلفية
بداية ب L دة اخرة اولاني
و 2 بيلعب في الاولاني للتاني بس
وال D لو لوحدة يعني عادي بيطلع بالتدريج ومش بسرعة عالية واقتصادي واريح للموتور
وال D مع ال OverDrive بينقل علي ترس زيادة السرعة ( في الكتاب بتاع التوكيل انه فية ترس اسمة زياده السرعة )
بيعمل اية انه بيحمل علي كل نقلة لغاية اخرها وينقل للبعدها واخرة النقلة التالتة علشان كده بيتطفي بعد 100 علشان ننقل للرابعة
يعني هوا فية طريقتين للقياده واحدة زي ماقلت بداية من L ثم 2 ثم D وال overdrive لغاية ال100 ثم تطفية علشان الرابع
او
ال D مع ال OverDrive بس
وفية شيء تاني
محسوس بس والله وبناء علي الخبرة انه انك تستخدم ال KickDown يعني بدون اي شيء خالص علي ال D بس ودواسة البنزين
بمعني
تنك تستخدم ودنك وعينك بسرعه وتحس بالنقلة وتحاول توازن ده كله في راحة الموتور بمعني ال RPM عالي شيل رجلك سنة بنزين ها
تحس ان العربية بتنقل النقلة
ودمتم
ده بناء علي خبرتي القليلة مش عن علم اودراسة ونقبل النصيحة والتعديل مع العلم اني زاكرت كتاب التوكيل ال Manual وعرفت السرعات القانونية اللي بتريح الموتور في النقلة
واستخدمت التجربة بنفسي
جرب وشوف وابقي قولي ولكن ( ربنا يحفظك ويحفظنا جميعا ) الطريق مالهوش امان يعني ده في طريق فاضي ومش Racing مع حد
لان صدقني مش مستهلة وبرده عن تجربة
اني خسرت فلوس ووقت وربنا سترني والحمد لله مكنش فية ازية لحد
ربنا يسترك ويحفظك
سلام
انا مش عارف اشكركم ازاي علي المعلومات دي وكل سنه وانتم طيبين