ما أول كمبيوتر اشتغلت عليه في حياتك

**ecybrarian** · 06-03-2008 08:01 AM

كان كريم منير في مشاركة سابقة بيقول إن في أجيال DOS وأجيال Windows ونظرا للتطور الرهيب في الكمبيوترات واختلاف الأجيال في المنتدى أقترح إن كل واحد يقول لنا ما أول كمبيوتر اشتغل عليه وكان بيعمل عليه ايه. أعتقد أنه من الطرافة معرفة الاختلاف بين البدايات والتطورات حتى الآن

أنا أول كمبيوتر اشتغلت عليه واشتريته كان سينكلير وكان هدية نجاحي في الإعدادية سنة 86..كنت شغال عليه BASIC وجيمز وAssembly. بس انا كنت شغال على BAISC كل الأجهزة الموجودة في ذلك الوقت مثل COMMODOR, AMIGA, YAMAHA, ATARI ST وابتديت IBM من سنة 89 وكان XT بشاشة منوكروم خضراء

**ZALABANY** · 06-03-2008 08:17 AM

هشام باشا انت طبعا اقدم مني لأنك جيل السبعينات
انا بأه لأني من جيل التمانينات كان اول جهاز اشتغلت عليه الصخر 350 x وبعد كده اشتغلت على xt اللي كانت شاشتة اخضر في اسود بس زي بتاع السنترال كده :) وبعد كده 386 بويندوز 3.11 وبعدين بنتيوم 233 وبعدين 800 وبعدين دلوقتي بأه 3جيجا زكريات جميله وحاجات كتيره اتعلمتها البركه في والدي ربنا يباركلي فيه هو اللي كان هاوي الموضوع ده وخلانا حبيناه من وحنا صغيرين

**ramyfawzy** · 06-03-2008 08:24 AM

انا بقه اول جهاز كان صخر 200 وكنت جايبلو شاشة صخر الوان وكمان كان معاه فلوبي ديسك درايف (بس ده كان جهاز لوحده)
كنت جايبو من الكويت سنة 86 وكنت انا بطل المسابقة بتاعت المدارس هناك
وحاليا بشتغل على كذا جهاز (اقلهم بينتيوم 4 - 2.4 جيجا هيرتز وكذا سيرفر من اليهما)
حاليا انا معايا لاب توب Acer جديد
ويجعله عامر

رامي (ابو احمد)

**Khalid_Mostafa** · 06-03-2008 08:42 AM

انا اول جهاز كان Texas وكنت بكتب الرنامج عليه ولما احب اشغله تاني كان لازم اكتب البرنامج تاني لأن وسيلة التسجيل وقتها كانت علي شرائط كاسيت وطبعاً تيجي تحمل الشريط بيبقي انت وحظك وبعدين اتطورت شويه وجبت الصخر وبعدين دخلت في Ibm وكان 286 وبدون هاردديسك وكان الوضع وقتها بالديسكات علي طول يعني تسجل حاجاتك كلها علي الديسكات و كانت الألعاب لما تبقي علي ديسكين تبقي لعبه فاجره و متطوره و كنا نقول وقتها انها علي ديسكين عشان الجرافيكس بتاعتها عاليه !!!

**eng_mkhalaf** · 06-03-2008 08:46 AM

تكساس وكنت جايبة من عمر أفندى شبرا ب 360جنية وكان صخر ساعتها ب 450 جنية

**ecybrarian** · 06-03-2008 08:47 AM

ياااااه نسيت أقول موضوع تكساس إنسترومنت ده...ده كان موضوع كبير زي أميجا...شركة تكساس دي كان ليها صولات وجولات في الإلكترونيات

**fady** · 06-03-2008 08:52 AM

COMMODOR 64
with an external cassette unit

:)

**Dr Ahmed** · 06-03-2008 09:36 AM

بدأت معاهم فى عام 97 تقريبا ، وكان كمبيوتر متجمع بنتيوم 233 هارد 2 جيجا بحالهم ، كان مسبب لى أزمة نفسية وكرهنى فى الكمبيوترات ، الانطلاقة الحقيقية لما اشتريت كمبيوتر تانى 2و1 كاش 256 وهارد 40 ، فرق رهيب واتعلمت عليه معظم اللى احتجته ، بعده جبت واحد جديد ببروسيسور هيبرثريدنج 6و2 وبوردة باص 800 وهارد عالى وروقان ، وحدثتهم دلوقت ب 3 كاش 4 وبوردة 945 وكلام من ده ، لكن فارق السرعة عن ال 2و1 مش كتير !!

**Karim_Monir** · 06-03-2008 10:10 AM

تصدق من كترهم يا دكتور مش فاكر
بس غالبا كان xt برضه
اصلي ماشتريتش حاجة الا في ثانوي
اعدادي كله كان براشوت على اصحابي
بس بتعصب قوي لما اشوف واحد مش قادر يعيش من غير الماوس
ومش بيعرف يعمل حاجة بالكيبورد
محضروش دوس ونورتون كوماند

-

الموضوع: ما أول كمبيوتر اشتغلت عليه في حياتك

LinkBack

أدوات الموضوع

عرض

ما أول كمبيوتر اشتغلت عليه في حياتك - انشر الموضوع فى :

-

-

-

-

-

-

-

المواضيع المتشابهه

عتريس والجنونه اشتغلت :)

المخالفات اشتغلت ياوحوش

اشتغلت او شغال في السعوديه؟

لكل من تكالبت عليه الهموم وضاقت عليه الدنيا وغلب عليه التشاؤم

المريلاند اشتغلت ولا لأ ؟

الكلمات الدلالية لهذا الموضوع

المفضلات

المفضلات

ضوابط المشاركة