ترشيح زيت اسفل الفتيس رجاء المساعده
معلش يا جماعه انا منقطع عنكم ليا فتره كبيره خالص وانتوا بجد وحشتوني بس ظروف الشغل والسفر ويمكن كمان هافضل مشغول كده لاول شهر تسعه ان شاء الله
انا كنت عاوز مساعده منكم امبارح كنت بغير فرده الكاوتش الشمال وبعدين بعد فكيت الفرده بصيت لقيت زيت راشح جامد اسفل الفتيس وخصه عند الحته اللي طالع منها عمود ماسك في الكاوتش اللي بينقل الحركه للعجله الشمال والزيت مغرق الدنيا في الحته ديه برغم من اني رحت كاشفت علي الزيت قالي مظبوط وفي مكانين مختلفين مع اني برده حاسس ان الغيرات مش سلسه زي الاول ممكن حد يقولي هل ده طبيعي الزيت ده وهل في طريقه اتاكد انا بيها من الزيت لحسن الواحد بقي مابيثقش في حد ابدا
وبالمره كده عشان لو فيها تغير زيت ولا حاجه ممكن حد يقولي اغير ازاي الزيت لو وحش
واجيب ايه نوع كويس
شكرا مستني ردودكم