المشاركة الأصلية كتبت بواسطة mostafa123
شكرا لكل الأخوة الأفاضل على مداخلاتهم
إلى الأن لا يوجد ملاحظات جوهرية على السيارة .. فقط الأبواب هى التى تدفعنى للغيظ أحيانا.. كل مرة أضغط على الريموت لفتح السيارة لابد وألا يفتح أحد الأبواب... مرة أمامى شمال... مرة خلفى يمين.. مرة خلفى شمال.. مرة باب السواق.. الصراحة منتهى العدل الإجتماعى.. أشعر بعض الأحيان بعضة فى الفتيس فى الغيار الثالث ولكنها بسيطة جدا .. سرت بها إلى الآن 500 كم ومازال أمامى 500 كم على صيانة الألف..
الصراحة أنا حاطت إيدى على قلبى وخايف أروح التوكيل.. خايف أدخل بعيب أطلع بعشرة.. الصراحة سمعتهم سابقهم فى كل حتة.. بعد أن كنت أنا من يوقف مالكى السيارة فى الشارع ويسألهم عنها.. أصبحت أنا من يسأل وأول سؤال.. انت عامل إيه مع الصيانة؟؟؟
مفيش أمل يا شركة الأمل تحسنوا الخدمة فى مراكز القاهرة..؟؟؟
والله أنا رجل قنوع جدا.. يعنى بعد اللى سمعته.. اتمنى إنى أخرج بالسيارة على الأقل كما دخلت بها.. ربنا يستر..
شئ أخير والصراحة أستفزنى جدا جدا فى العربية...
ليه الشركة بتسلم العربية بدون لمبات فى فوانيس الإكصدام الأمامى؟؟؟ هى لا سمح الله من الكماليات فائقة الرفاهية واللى ممكن تفرق بالسعر الف ولا اثنين علشان تشيلوهم؟؟
طيب ليه فوانيس الإكصدام الخلفى أحدهما بلمبة ولها زر فى التابلوه والأخر مجرد عاكس؟؟ إيه الحكمة اللى فى الموضوع ده؟؟
من لديه نصيحة قبل صيانة الألف فلا يبخل بها علينا وجزاه الله كل خير..
والسلام عليكم ورحمة الله وبركاته