الي الاخوة الافاضل:
كل عام وانتم بخير ورمضان كريم
اود ان اعرف بعد كم كيلو يتم يغيير سير الكاتينة مع العلم بان السيارة سوزوكي سويفت 94 الياباني
وشكرا:verygood:
عرض للطباعة
الي الاخوة الافاضل:
كل عام وانتم بخير ورمضان كريم
اود ان اعرف بعد كم كيلو يتم يغيير سير الكاتينة مع العلم بان السيارة سوزوكي سويفت 94 الياباني
وشكرا:verygood:
كل سيارة حسب الكتالوج المرفق معاها لكن غالبا سير الكاتينة لو جلد بيتغير كل 40000 كم ولو لسه شاري العربية يبقي يستحسن انك تغير طقم السيور والزيوت والفلاتر والبوجيهات
شكرا علي اهتمامك وعلي ردك بس انا اول ما اشتريت العربية من سنة ونصف عملت لها عمرة كاملة ودي اول عمرة ليها وهي عاملة الان 36000 كيلو
وهو فعلا السير كاوتش مش معدن
التغيير مبيتعملش على أقل من 60 ألف لو الطنابير سليمة مفيهاش رفه ولا بروز حاده والسير خامته جيدة ومبيجيش عليها زيت 60 ألف وأنت مطمئن
+1111111111111111111111111111
أنا عندي نفس عربيتك
أنا كنت مركب سير ماركة اسمها صاني ياباني وغيرته على 30000
انصحك تبص عليه عند التلاتين وهو غالبا بيتغير عند 40000 بس بيكون خلص خالص
وانت بتغيره متنساش تبص على بلية الكاتينة واشتري واحده هي الياباني عاملة 50 جنيه اذا كانت مشخلله غيرها واذا مكنتش رجعها
المرة دي انا مركب سير اسمة كونتينينتال ألماني ب 60 جنيه والميكانيكي بيقول عنه ممتاز
شكرا لاهتمامك صديقي العزيز
هل يمكن للميكانيكي قبل الفك ان يعرف بلية الكاتينة محتاجة للتغيير ام لا
بص ياباشا...دي انت نفسك ممكن تعرفها
انت ممكن تقف جنب العربية وهي دايرة سلانسيه وودنك مركزة قوي عند وش الكاتينة
لو البلية فيها حاجة هتسمع صوت خشانة
ممكن تزود بنزين شويتين وودنك مركزة برضه....لو مفيش خشانة او صوت شخللة كده جاي من نص الغطا تبقى غالبا سليمة...وهي بتبقى واضحة
وعادي مفيهاش حاجة اذا طلبت من صاحب المحل انك تشتريها على انك هترجعها بورقها لو ماحتجتهاش