المشاركة الأصلية كتبت بواسطة XXXMEMOXXX
يا باشا مش عايز اقول لحضرتك كلام الناس اللي الحكومه عوديتنا عليه ( الحمد لله على كده ,, احنا كنا فيين وبقينا فيين ,, وكتر خير الدنيا اننا عايشين ,, ) انا مش حابب النظام ده ,, بس الفكره في مصر ان مافيش حد يعرف ايه اللي هيحصل بكره ,, مافيش نظام ولا تخطيط لاي حاجه ,, صحينا في يوم قالوا في ضريبه ولا حد فاهم حاجه ,, والعربيات زادت وكل المعارض بقيت تستغل ,, وفي ناس بتقول ان الضريبه دي هتتحصل حتى لو العربيات في المخازن لان الورق بتاع الافراج اللي بتخده لسه ماخلصش ,, ولما العربيه زادت في ناس هنا في المنتدى زعلت جدا وانا اول الناس دي لان في واحد قريبي هيشتريها,, ولما نشوف انهم عملوا عرض لاخر رمضان فانا شايفها انها فرصه ان الناس تلحق تشتري ,, واعتقد ان ده راي ناس كتيره ,, بس موضوع انها حركة تنشيط مبيعات مش مقتنع بيها ,,ولو فكرة حضرتك صح نفهم من كده ان الناس مش تشتري دلوقتي ؟؟؟
طيب تشتري امتى ؟؟ ماهي حتى لو افترضنا انها حركة تنشيط ,, بعد رمضان في احتمالية ان الـ 4 الاف تزيد او ماتزدش ,, لاكن مافيش اي احتماليه ان العربيه ترخص عن سعرها ,, خصوصا ان بعد رمضان احتمالية دخول دفع 2010 هتكون قليله ,, علشان الموديل الجديد 2011 هيكون خلاص على وصول ..
اسف على الاطاله وكل سنه وحضرتك طيب
تحياتي
المفضلات